ESTHERI 3:2 - Mara Bible RV (BSI)

² Ano kyh liata abei ta bie a piepa hawhta, abei tlyhmia liata a tyuhpa bei chakaotuhpa zydua ta Hâmâ hmiakô liata a bôhpa ta amâ naoh tyh. Môdekai deikua cha Hâmâ hmiakô liata a bôh khoh leipa ta, a naoh khoh vei.

ESTHERI 3:2 ပူးပေါင်းရင်းမြစ်များ

ÂTHAONA 41:43

A talailih mianona liata pakiasa ta, a hmia lâta, “Pakhu paneih teh u” tahpa ta awh lymâ ei ta. Cha hawhna chata Phiraoh ta Zawsi cha Izi râh zydua chô liata biehneituhpa ta a tao haw.

ESTHERI 2:19

Laihsa kôpazy a einona ta amâ hmaoh nota, Môdekai cha abei chhikao thaby liata a tyuh ta.

ESTHERI 2:21

Cha nohzy liata, abei tlyhmia liata Môdekai â tyu thlâh ha nota, bei chakaotuhpa pano, ochhi vaituhpa Bikathâ nata Tere zy cha abei chô liata ama hiehâh ta. Chavâta Bei Ahasuarâ chô liata kupathla a chhuah ei ta.

ESTHERI 2:5

Cha daihti liata, thokhy khihpi Susâ liata Zu chyhsa pakha, a moh Môdekai ama tahpa y ta. Môdekai cha Zairâ sawchapawpa châ ta, Zairâ cha Simei sawchapawpa châ ta, Simei cha Benzami chyhsa Kisâ sawchapawpa a châ.

ESTHERI 3:1

Cha hmozy hnôhlâ ta, Bei Ahasuarâ ta Akaki chyhsa Hâmedâthâ sawchapawpa Hâmâ cha a rai pakiasâhsa ta, a beimachâ hropa zydua hlâta dyuchhai a sâh viapa liata patyusa ta.

ESTHERI 3:3

Abei tlyhmia liata a ypa bei chakaotuhpazy ta Môdekai hnohta, “Khazia bei biepiepa na parao?” tah ei ta.

ESTHERI 3:5

Môdekai ta a hmiakô liata â bôh leipa nata â naoh leipa Hâmâ ta a hmô nahta, Hâmâ cha hiehâhna ta bie ta.

ESTHERI 5:9

Cha noh ta, Hâmâ cha thaphapa nata a ly ngaitapa ta pua ta. Châhrasala abei tlyhmia liata Môdekai hmô ta, a duah leipa ta, a hmiakô liata â chalyu leipa a hmô nahta, Hâmâ cha Môdekai chô liata thata a hiehâh ta.

HLAZY 15:4

A mo ta hrochhiepa chhyh thai leipa ta, Abeipa a chipa deikua a palyupalihpa; Pasana a tlôkhei theipa chhao ta a bietai khâ a patupa,

PUASAINA 17:14

Abeipa ta Mawsi hnohta, “He bie he a theih thlâh ha awpa ta, châbu liata roh la, Zawsua nah theina liata reih mah y. Amale mo he avâ ry liata ama y hra tahpa chyhsa ta ama pahno khao leina taihta ei pahleipadia khai aw ei,” tah ta.

PUASAINA 17:16

Mawsi ta, “Amale cha Abeipa beidyuchhai chô liata a ku a hypa vâta, chhâ a vaw y lymâ awpa zydua liata Abeipa ta â dyuh lymâ aw,” tah ta.

DÂNIAH 2:49

Dâniah ta abei cha a haw ta, chatanachata abei ta Sâdarâka, Mesâka nata Abenekô zy cha Babylaw râh bia liata hyutuhpazy ta a rao hra ei. Dâniah deikua cha abei o liata a chakao lymâ.

RYHPACHANEINA 25:19

Chavâta Abeipa nama Khazohpa ta ryuto châta hnei awpa ta râh a cha piepa ei liata, nama chheipâh liata nama chariah zydua tawhta Abeipa nama Khazohpa ta a cha pahâsa ti ei ta, Amale mo cha avâ ry liata a thei thlâhpa ama châ khao lei nawpa ta, nama pahleipadia khai ha awpa a châ. Nama my cheita awpa châ vei.

PHILIPI 2:10

Chatanachata avâ nata alei nata alei ry liata a ypa zydua ta Zisu moh ta ama pakhu paneih aw ei ta,

1 SAMUELA 15:3

Chavâta tahmâ sie la, Amale a kei dyuh la, a hneipa zydua kei pahleipadia khai teh. Khâpa hmah na pahlôh awpa châ vei. Chanô nata chapaw, hawti nata hawsaih, viahchao nata mietaku, râraoseihpa nata alâ zy na thie khai awpa a châ,’” tah ta.