ESTHERI 3:13 - Mara Bible RV (BSI)

¹³ Chyhsazy tuah ei ta, châ cha abei râh pachhaihpa zydua lâta ama paphao. Râh liata Zu chyhsa a ypa thyutlia nata machâ, chanô nata hawti zydua noh kha chhôh ta, Adar thla, thla hrawh hleinona, noh hrawh hleithôhna noh ta pahleipadia khai ta, thie khai ta, pamua khai awpa nata ama hmo zydua hrao khai awpa ta, châ liata ropa a châ.

ESTHERI 3:13 ပူးပေါင်းရင်းမြစ်များ

2 THÂTIHZYRONA 30:6

Châ phaohtuhpazy ta abei nata a beimachâzy châ cha phaopa ta Izarei nata Zudâh râh zydua lâta sie ei ta, abei biepiepa hawhta, “Hy Izarei sawzy saih u, Khazohpa cha nâmo, Asuria beizy ku tawhta a puapa, laibâhpazy lâta â vaw heih thei nawpa ta, Abeipa, Abarahâ, Aisika nata Izarei Khazohpa lâ kua heih teh u.

ESTHERI 7:4

Kei nata ei chiheihzy cha pahleipadia awpa nata thie awpa nata pamua awpa ta zuapa eima châ haw. Seichanô ta tlyma, seichapaw ta tlyma, zuapa rakhapa eima châ khiahta cha, ei chalih thlâh ha aw. Keimo pasa taona cha abei ta a pahlei awpa nata pakho khi châ vei,” tah ta.

ESTHERI 8:5

a hnohta, “Abei alynazie châ sala, kei chhao abei modypa châ sah la, hmo ei rei awpa he abei ta â dopa ta pahno sala, abei mo liata a palysatuhpa ei châ khiahta cha, Akaki chyhsa Hâmedâthâ sawchapawpa Hâmâ ta Zuzy pahleipadia nawpa ta abei râh zydua liata châ a papuapa phiena biepiepa papua thlupa châ mawh sy.

ESTHERI 9:1

Chatanachata abei biepiepa nata châpapuapa hawhta taopa ta, ama chariahzy ta Zuzy chô liata kupathlapa ta pahnie amâ chhuahna noh, thla hrawh hleinona, Adar thla, noh hrawh hleithôhna noh liata, â lie lâta hmo vaw y ta. Zuzy ta âmo a haotuhpazy chô liata kupathlapa ta ama pahniena noh tlao a vaw châ haw.

ESTHERI 9:10

Âmo cha Hâmedâthâ sawchapawpa Hâmâ, Zuzy chariahpa sawchapaw pahrawhzy ama châ. Hraona sôh deikua Zuzy ta hria veih ei.

ESTHERI 9:5

Zuzy ta ama chariah zydua cha zaozi ta chhawhpa ta, thie ei ta, pahleipadia ei ta, âmo a haotuhpazy chô liata ama khopa hawhta ama tao haw.

ZAWBÂ 9:25

“Ei nohzy he râpasuatuhpa hlâta chatlie via ta, A zaw ei ta, Alyna noh hmô leipa ta ama khô tyh.

ISAI 10:6

Hraona sôh lapa ta, Ama hneipazy chhu ta, Khiliah chiatlao hawhta tlypâ awpa ta, Ano cha Khazohpa a pachâ leipa phopi lâ tuah na ta, Ei hie nâ pahâhpa phopi a dyuh awpa ta bie ei pie.

ZEREMIAH 51:31

A khihpi cha su to liata la hapa a châna kyh Babylaw bei chho awpa ta, Zikyurâtuhpa ta zikyurâtuhpa hropa a kei tyh ta, Lyuhchâpa ta lyuhchâ hropa â kei tyh.

RAWMA 3:15

Thisaih palo awpa ta ama phei chatlie kaw ta,

ZÂMIE 2:13

Zawngiahna a hnei leipa chyhsa cha, pachiana ta ano cha zawh a ngiah hra aw vei. Zawngiahna cha pachiana hlâta a rônah via.

1 SAMUELA 15:3

Chavâta tahmâ sie la, Amale a kei dyuh la, a hneipa zydua kei pahleipadia khai teh. Khâpa hmah na pahlôh awpa châ vei. Chanô nata chapaw, hawti nata hawsaih, viahchao nata mietaku, râraoseihpa nata alâ zy na thie khai awpa a châ,’” tah ta.

1 SAMUELA 22:19

Chatawhcha Sawla ta theihthaipazy yna Nôbâ khihpi cha zaozi ta a dyuh ta, chanô nata chapaw, hawti nata sâhpi a ngiehpa, viahchao, alâ nata mietaku zy chhao zaozi ta a chhawhsao khai ha ei.