ESTHERI 3:12 - Mara Bible RV (BSI)

¹² Chatanachata thla khana, noh hrawh hleithôhna noh ta, abei chârohtuhpazy aw ei ta, Hâmâ biepiepa hawhta bia zydua liata beimachâzy, râhvaotuhpazy nata phopizy chhituhpazy lâta châ papua ei ta. Âmo châ nata âmo reih chyu ta bia to liata châ papuapa a châ. Châ cha Bei Ahasuarâ moh ta ropa châ ta, abei kusadi ta chahnao pa-ipa a châ.

ESTHERI 3:12 ပူးပေါင်းရင်းမြစ်များ

1 ABEIZY 21:8

Chatanachata Ahabâ moh ta châ roh ta, Ahabâ châ chahnaona ta chahnao ta, cha cha Nâbô yna khihpi liata a pahrâlâhpa machâzy nata chhituhpazy lâ paphao ta.

EZRÂ 8:36

Abei biepapuapa cha, Chavah Haosâ lâta beimachâzy nata râhvaotuhpazy pie ei ta, âmo ta zawpi nata Khazohpa o raihriazy cha ama bao lymâ.

ESTHERI 1:22

Chapawzy cha ama o chhôh chyu liata hyutuhpa châ aw ei ta, ama phopi reih ama cheih chyu awpa a châ, tahpa ta khinarâh pachhaihpa zydua lâta, ama châ nata reih chyu ta châ paphao ta.

ESTHERI 3:11

Abei ta Hâmâ hnohta, “Pha na tahnazie hawhta tao awpa ta, sôh chhao, a phopi chhao, piepa na châ,” tah ta.

ESTHERI 8:2

Abei ta Hâmâ tawhta a lapa a kusadi pahluh ta, Môdekai pie ta. Estheri ta Môdekai cha Hâmâ o nata lyu chô liata hyutuhpa ta rao ta.

ESTHERI 9:27

Zuzy ta âmo chhâ nata ama pathlazy chhâ liata nata âmo a baipa phopi zydua ta, cha noh nozy cha, châ liata ropa hawhta kô chareih daihti raopa liata hmâh lymâ awpa ta â ipa ta bie a taih ei ta.

DÂNIAH 3:10

Hy abei y, nâma tlai ta, chyhsa ahy rai chiahmie zy, ramo zy, totâ zy, tlaipih zy, totâ laipa zy, bâzâ nata paropasyu theipa chi to pyu a theipa maihta âkhu lâta paopa ta ngôh nothlahpa a chhy awpa ta biepiepa papua chi ta.

DÂNIAH 6:12

Abei lâ vawh ei ta, pakhâna bie kyh cha a hmiakô liata reih ei ta, “Hy abei y, noh sythôh chhôh cha, nâma lâ tah leipa ta khazoh nata chyhsa kheihawhpa lâta thlah a chhâpa maih cha, Hy abei y, chakeibarôhneipa lôpu liata thypa a châ aw tahpa pakhâna bie kha na moh ro thlu ha va chi ma kha?” tah ei ta. Abei ta a chhy ta, ama hnohta, “Media nata Persia ryhpa cha panano theipa a châ leipa hawhta, pakhâna bie kha â ipa ta â duah,” tah ta.

DÂNIAH 6:15

Cha chyhsazy cha abei lâ a vaw hmaohpakhy ei ta, abei hnohta, “Hy abei y, Media nata Persia ryhpa liata, abei ta pakhâna tlyma, bieraopa tlyma a tao hapa cha panano theipa châ vei tahpa pahno mah y,” tah ei ta.

DÂNIAH 6:25

Chatawhcha Bei Dâria ta khizaw zydua liata a pahrâpa phopi to, râh to nata reih to lâta châ paphao ta, “Thlalôhna nama chô liata pôh mawh sy!

DÂNIAH 6:8

Chavâta Hy abei y, tahmâ pakhâna biepiepa châ cha papua la, Media nata Persia ryhpa cha panano theipa a châ leipa hawhta, cha pakhâna biepiepa chhao cha panano thei lei awpa ta na moh ro thlu mah y,” tah ei ta.