ESTHERI 2:7 - Mara Bible RV (BSI)

⁷ Môdekai cha a paw unawhpa sawchanô Hadâsâ chhytuhpa châ ta, Hadâsâ cha Estheri tahpa ta awpa a châ. Estheri cha nôpaw a hnei khao leipa vâta Môdekai ta a chhy. Cha laihsa cha pizie pha kawpa nata mo ngia kawpa châ ta, a nô nata a paw ama thi tawhta, Môdekai ta a sawchanô ta â lapa a châ.

ESTHERI 2:7 ပူးပေါင်းရင်းမြစ်များ

ÂTHAONA 48:5

Na yna Izi râh lâ ei zu hlâta, Izi râh liata na sapa na sawchapaw panozy cha keima eih ama châ. Rubena nata Simeôna hawh tlai ta, Epharai nata Manase cha keima eih ama châ aw.

ESTHERI 1:11

abei hmiakô liata Beinô Vâsti a vaw chhi awpa ta biepie ta. Beinô Vâsti cha mo ai leipa a châpa vâta, a chhithaina cha phopizy nata beimachâzy pamosa awpa ta, beinô lakho a khona chôta a vaw luah awpa ta biepiepa a châ.

ESTHERI 2:15

Môdekai ta sawchanô ta â lapa Estheri, Môdekai unawhpa Abihai sawchanô cha, abei lâ â ngiana daihti a tlô nahta, chanôzy mohôhtuhpa hrilyupa Hekai ta ano châta â tlyhpazy tah leipa cha, khâpa hmah a chei leipa ta. Estheri cha a hmôpa maih mody kawpa châ ta.

ESTHERI 2:20

Môdekai biepiepa vâta, Estheri ta ahy­zy ma a heinawhzy a châ ei tahpa nata kheihawhpa chipho ma a châ tahpa a pahnosa leipa ta. A vaw mohôh nota a bie a zyh tyhpa hawhta, Estheri ta Môdekai bie zyh lymâ ta.

ESTHERI 8:1

Cha noh ta, Zuzy chariahpa Hâmâ o cha, Bei Ahasuarâ ta Beinô Estheri pie ta. Estheri ta Môdekai nata amâ zaona kyh abei a chho hapa vâta, Môdekai cha abei hmiakô lâ a vy ta.

ZAWBÂ 31:17

Ei pati keima dei ta niepa ta, Paw hnei leipazy paniesa hra leipa aw sah la;

ZAWBÂ 31:18

Ei thyutlia daihti tawhta paw hnei leipazy cha, Ama paw o hawhta ei o liata laiseih tyh ei ta, Ei nô chhi chhôh tawhta, Nôhmeizy ei vaw chhihtha tyhpa ei châ ta;

2 KAWRINI 6:18

Nama paw châ aw na ta, Ei sawchapawzy nata ei sawchanôzy nama châ aw, Abeipa Atotaotheipa ta a tah,” a tahpa hawhna khata.

EPHESI 6:4

Nâmo, pawzy saih u, nama sawzy ru pachhô leipa u la, Abeipa chhoreina nata pachuna liata tlao mohôh teh u.

1 ZAWHÂNA 3:1

Pachâ teh u, Paw ta kyh miah pachâna cha thata a châ kaw dia! Khazohpa sawzy ta miah a bie ha hih. Cha hawhpa cha eima châ tlai na. Khizaw ta Khazohpa a pahno leipa vâta, keimo chhao miah pahno veih ei.