ESTHERI 2:5 - Mara Bible RV (BSI)

⁵ Cha daihti liata, thokhy khihpi Susâ liata Zu chyhsa pakha, a moh Môdekai ama tahpa y ta. Môdekai cha Zairâ sawchapawpa châ ta, Zairâ cha Simei sawchapawpa châ ta, Simei cha Benzami chyhsa Kisâ sawchapawpa a châ.

ESTHERI 2:5 ပူးပေါင်းရင်းမြစ်များ

2 SAMUELA 16:5

Bei Dâvi cha Bahuri a tlô nahta, Sawla pho heihpa Kerâ sawchapawpa a moh Simei ama tahpa cha vaw pua ta, chhiesa lymâna chôta a vy ta.

2 ABEIZY 24:12

Zudâh bei Zehôkhi cha, a nô nata a chakaotuhpazy nata a beimachâzy nata abei o liata hyutuhpazy chhaota Babylaw bei lâ kei pua ei ta. Chatanachata Zehôkhi cha â beina kô chariena liata Babylaw bei ta a patu haw.

2 ABEIZY 24:15

Nebukaneza ta Zehôkhi cha Babylaw lâ a chhi ta. Abei nô, abei lapinôzy, beimachâzy nata râh liata chhituhpazy cha sei ta Babylaw lâ â chhi ha ei.

ESTHERI 1:2

Cha nohzy liata, Bei Ahasuarâ cha thokhy ta dôhpa Susâ khihpi liata a beidyuchhai liata a tyuh ta.

ESTHERI 10:3

Zu chyhsa Môdekai cha Bei Ahasuarâ a pazipa châ ta, Zuzy hry liata chyhsa rônahpa a châ. A chiheihzy phana pachâpa ta, a chiheih zydua hnohta thlalôhna bie a reih tyhpa a châpa vâta, a unawh zasâh manôhzy ta ama pasâhsa ngaitapa a châ.

ESTHERI 2:3

Abei ta â beina râh zydua liata hyutuhpazy rao sala, âmo chata laihsa dawpa nata kôpa hmiphapa zydua thokhy khihpi Susâ liata chanôzy yna liata amâ vaw chhipakhy aw. Chanôzy mohôhtuhpa hrilyupa Hekai ta âmo cha mohôh aw ta, chhithai nawpa ta mohôhnazy ta a phapa ta mohôhpa ama châ aw.

ESTHERI 2:4

Bei a palysa chaipa laihsa cha Vâsti vyuhpa ta beinô a châ aw,” tah ei ta. Cha pahruana chata abei cha palysa kaw ta, cha hawhna chata tao ta.

ESTHERI 5:1

A noh thôna noh ta, Estheri cha beinô chysia a tobi ta, abei o dôhpachhôh tlyhmia liata abei chhôhpadâhpa dady liata a kei duah ta. Abei cha abei o angiana dady liata beidyuchhai chhôhpadâhpa chhôh liata a beidyuchhai liata a tyuh ta.

1 SAMUELA 9:1

Benzami râh liata Benzami pathla chyhsa pakha, chyhsa thatlôpa nata riahpha ngaitapa, a moh Kisâ ama tahpa y ta. Kisâ cha Abie sawchapawpa châ ta, Abie cha Zerô sawchapawpa châ ta, Zerô cha Bekôrâ sawchapawpa châ ta, Bekôrâ cha Aphia sawchapawpa a châ.