ESTHERI 2:18 - Mara Bible RV (BSI)

¹⁸ Chatawhcha abei ta a beimachâ nata nôpawpa zydua châta Estheri moh ta kyhchhi rônahpa tao ta. A râh zydua liata chhiezy paei ta, abei riaphana palâsapa ta hmosaipazy a rai ei.

ESTHERI 2:18 ပူးပေါင်းရင်းမြစ်များ

ÂTHAONA 29:22

Lâbâ ta kyhchhi tao ta, cha khih liata chyhsa zydua awpakhy ta.

NEHEMIAH 8:11

Livai pathlazy ta zawpizy cha ama hna pangâh ei ta, ama hnohta, “A chalih teh u. Tanoh he noh pathaihpa a châ hih. Pachârôhpa ta y khah u,” tah ei ta.

ESTHERI 1:7

Ngôh nyu ta kresawhti rai ei ta, nyuzy cha chi nanopa a lyu leipa sai a châ. Bei hneirôhpa a châpa hawhta, abei kresawhti chhao a hluh ngaita.

ESTHERI 9:22

Cha nohzy cha Zuzy ta ama chariahzy tawhta amâ bohna noh, pachârôhna alyna lâta â liena noh nata mâchhiesana noh phapa lâta â liena noh ta ama chay tyh awpa a châ. Kyhchhina nata thaphana nohzy ta hmâh aw ei ta, niedo kuhriazy a paphao raihriena nohzy ta hmâh hra aw ei ta, dyhchhiepazy hmosaipa piena noh ta ama hmâh awpa a châ.

HLAZY HLA 3:11

Hy Zaio zuahzy saih u, pua u la, Bei Sawlawmaw hao moh tua u. A lapi hnei noh châta a nô ta lakho a pakhopa a kho ta, A palôh thapha noh ta â kho awpa lakho a khopa ta â vy huh.

HLAZY HLA 5:1

Ei sadô, ei sietanô, ei myuh lâ cha a ngia na ta, Ei deiryh nata ropahâhpa lapakhypa ta, Ei kheihti nata ei kheihthlawh nie na ta, Ei sâhpiti nata ei kresawhti cha ei doh. Hy viasazy, niepa ta, doh u la, Kyhpachâna paripa ta y muh vy!

MATHAI 22:2

“Vârâh khinarâh cha abei ta a sawchapawpa châta ahneina kyhchhi a taopa nata pakho theipa a châ.

MÂKA 6:21

Herawdi châta daihti rypaohpa vaw y ta. Herawda ta a pina noh liata a beimachâzy, a pheisaih hyutuhpazy nata Kâlili râh liata molaipazy châta kyhchhi tao ta.

LUKA 14:8

“Kialao nie awpa ta chyhsa ta a cha hrua tita, chyhsa peimawhpazy atyuna liata a tyuh khah y. Nâma hlâta chyhsa peimawh viapa a hruapa y thei aw ta,

BIEPHUAH 11:10

Lei chyhsazy rie a patheipa hrohsopa panozy thiepa ama châpa cha, lei chyhsazy a ly kaw aw ei ta, alynazy tao aw ei ta, hmosaipiepazy amâ pie raihrie aw.

BIEPHUAH 19:9

Vâlyuhchâpa chata ei hnohta, “Mietakutaw myuh hneina kyhchhi liata hruapazy cha ama nohlao na, tahpa ta roh teh,” na tah ta. Chatawhcha ei hnohta, “Hezy he Khazohpa biehmeiseihpazy a châ,” tahpa ta na chho ta.

1 SAMUELA 25:8

Na satliazy hiahri la, ama cha chho aw. Chavâta satliazy he vaw ngiachhie mah y. Kyhchhi daihti liata nâ lâ a vypa eima châ hih. Ngiachhiepa ta, châ chakaotuhpazy nata na sawchapawpa Dâvi he, na hnei rypaohpa maih vaw pie mah y,’ tahpa ta nama kaw chho aw,” tah ta.