ESTHERI 10:3 - Mara Bible RV (BSI)

³ Zu chyhsa Môdekai cha Bei Ahasuarâ a pazipa châ ta, Zuzy hry liata chyhsa rônahpa a châ. A chiheihzy phana pachâpa ta, a chiheih zydua hnohta thlalôhna bie a reih tyhpa a châpa vâta, a unawh zasâh manôhzy ta ama pasâhsa ngaitapa a châ.

ESTHERI 10:3 ပူးပေါင်းရင်းမြစ်များ

ÂTHAONA 41:40

Ei o liata hyutuhpa ta y aw chi ta, na bie hawhta ei chyhsa zydua ama y khai aw. Beidyuchhai kyh lia deita ta nâma hlâta kei ei bei via aw,” tah ta.

ÂTHAONA 45:10

Kôse râh liata y aw chi ta, na sawzy nata na samohzy, na mietaku zawzy, na viahchao hrizy nata na hneipa zydua chhaota ei kiapâh liata nama y aw.

ÂTHAONA 45:11

Cha liata kei ta ei cha chyh aw. Chataleipatala chakâh nawpa daihti kô pangawh y chy tlôh ta, nâ nata na chhôhkhazy nata na hneipa zydua rietheipa ta nama y pathlei aw na,’ kaw tah muh vy.

2 THÂTIHZYRONA 28:7

Epharai pasaipha Zikari ta Zudâh bei sawchapawpa Mâ­sei nata abei o liata hyutuhpa Azrikâ nata abei a pazipa Elkânâ zy a thie ei.

NEHEMIAH 2:10

Cha thâtih cha Hôrô chyhsa Sanbâlâ nata Amawna chyhsa molaipa Tôbia ta ama vaw thei nahta, Izarei sawzy châta phana tao awpa ta a vaw tlô awpazy thâtih ta âmo cha palysa lei kaw ta.

ESTHERI 2:5

Cha daihti liata, thokhy khihpi Susâ liata Zu chyhsa pakha, a moh Môdekai ama tahpa y ta. Môdekai cha Zairâ sawchapawpa châ ta, Zairâ cha Simei sawchapawpa châ ta, Simei cha Benzami chyhsa Kisâ sawchapawpa a châ.

ESTHERI 3:2

Ano kyh liata abei ta bie a piepa hawhta, abei tlyhmia liata a tyuhpa bei chakaotuhpa zydua ta Hâmâ hmiakô liata a bôhpa ta amâ naoh tyh. Môdekai deikua cha Hâmâ hmiakô liata a bôh khoh leipa ta, a naoh khoh vei.

DÂNIAH 5:16

Nâ deikua cha chhopasianazy reih thei chi ta, bie rupazy na pathlâ thei tahpa ei thei. Tahmâ châropa he reih thaipa ta, a chhopasiana eina pahnosa thei khiah chi ta cha, poh saihlawpa pabupa châ aw chi ta, na rao liata ngôh pachhih paaopa châ aw chi ta, ei râh liata ryureituhpa a sâh chaipa a pathôhna na châ aw,” tah ta.

DÂNIAH 5:29

Chatawhcha Belsâza ta biepie ta, Dâniah cha poh saihlawpa pabupa châ ta, a rao liata ngôh pachhih paao ei ta, khinarâh liata ryureituhpa a sâh chaipa a pathôhna ta phuahpa a châ.

DÂNIAH 6:3

Dâniah cha palôh pha patluapa a phaohpa a châpa vâta, hyutuh laipa hropazy nata bia avaotuhpazy hlâta a lâluah via pachai ta. Chatanachata abei ta Dâniah cha khinarâh pôhpalôhpa chô liata so a chhuah ta.

RAWMA 10:1

Unawh saih u, Izarei sawzy pachha ama châ awpa cha, ei palôh khopa nata âmo châta Khazohpa lâta ei thlahchhâna a châ.

RAWMA 14:18

Cha hawhta Krista chakaotuhpazy cha, Khazohpa ta a pyh ta, chyhsa reithaina chhao ama hlao tyh.

1 SAMUELA 18:16

Châhrasala Dâvi cha ama hnohta a pahlaopa ta âmo a chhihthapa vâ ei ta, Izarei nata Zudâh zydua ta a kyhpachâ ngaita ei ta.

1 SAMUELA 23:17

A hnohta, “Chi khah y, ei paw Sawla ku ta cha hmô aw vei. Izarei bei vaw châ aw chi ta, kei cha nâma châ pazipa ei châ aw. Ei paw Sawla chhao ta, cha cha a pahno,” tah ta.