ESTHERI 1:4 - Mara Bible RV (BSI)

⁴ Â beina râh rônahzie nata ano mopakha rônahzie nata laiphazie zy noh hluhpi, noh 180 tlai pamosa ta.

ESTHERI 1:4 ပူးပေါင်းရင်းမြစ်များ

1 THÂTIHZYRONA 29:25

Abeipa ta Sawlawmaw cha Izarei saw zydua mohmô liata thata parônahsa ta, Izarei râ liata ano hlâta a bei tuapa ahy hmahta ama to thei leipa, bei rônah ngaitapa châna a patosa.

ESTHERI 1:3

 beina kô thôhna liata a beimachâ nata chakaotuhpa zydua châta kyhchhi tao ta. Persia nata Media pheisaihzy nata râh pachhaihpazy tawhta nôpawpazy nata râhvaotuhpazy a hmiakô liata y khai ei ta.

ESTHERI 1:5

Kyhchhi nohzy a chhâ nahta, abei ta thokhy khihpi Susâ liata a ypa molaipa nata mochyhpa zydua châta abei o sadô tlyhmia liata noh sari chhôh kyhchhi pazao heih ta.

ZAWBÂ 40:10

“Abeina nata zachhihna poh a bu la, Palyupalihna nata rônahna chysia a tobi mah y.

HLAZY 145:5

Nâ beina rônahzie nata ngiazie reih aw na ta, Na hmotao noâhpazy ei reih tyh aw.

HLAZY 21:5

Na pachhana liata rônahna hmô ta, Palyupalihna nata abeina ta na tobi.

HLAZY 45:3

Hy pasaipha, na zaozi na chai liata a saih la, Rônahna nata abeina ta a tobi mah y.

HLAZY 93:1

Abeipa ta ryureih ta, Abei poh ama pabu; Abeipa cha abei poh pabu ei ta, Thatlôna ta a chai â saih. Khizaw he pa-ipa châ ha ta, A chalyu beih aw vei.

ISAI 39:2

Hezekia ta âmo cha a ly kawpa ta a vaw ly ta. A ryusôhpa sona o zydua pamosa ta. Tâkâzy, ngôhzy, ia-ôzy, sathaw sôhpazy nata a chariah chhaichhizy â kipa ta pamosapa ta, ryusôhpa sopakhyna ozy liata a ypazy pahmô khai ta. A o liata hmo a ypa nata a râh chhôh liata hmo a ypa zydua Hezekia ta âmo a pahmô leipa y vei.

EZEKIA 28:5

So ngaitapa ta sôh na paliepa vâta, Hneirôh via rili chi ta, Châhrasala na hneirôna nâ palaikhei haw.

DÂNIAH 4:30

abei cha patuapalua ta, hetana heta tah ta, “He Babylaw rônahpa he keima hmotaotheina nata thatlôna tlai ta abei pahrâna o châta nata ei beina rônahna châta ei paduapa châ vei mâ?” tah ta.

DÂNIAH 4:36

Ei pahnona kei lâ a vaw kua heihna daihti liata, ei beinarâh rônahna nata ei beina nata ei khaih ngianazy cha kei lâ vaw kua heih ei ta. Ei ryhraokheituhpazy nata ei beimachâzy ta na vaw pangai ei ta, ei beidyuchhai liata na patyusa heih ei ta, hmialâ tahpa hlâta thata rônah viapa ta y na ta.

DÂNIAH 5:18

Hy abei y, Khazohpa Chônôchaipa ta na paw Nebukaneza hnohta khinarâh zy, laina zy, rônahna zy, abeina zy pie ta.

MATHAI 4:8

Ahripa ta tlâh sâh ngaitapa lâ a chhi heih ta, khizaw khinarâh zydua nata ama rônahna zydua pamosa ta.

MATHAI 6:13

Reipasaona lâta miah a chhi khah y, Moleipa tawhta miah pachha mah y. Khinarâh zy, hmotaotheina zy, rônahna zy, Chhâzaw nata tlyzaw ta na eih châ tlôh ta. Amen.’

RAWMA 9:23

Ngiachhiena beihzy chô liata a rônahna palâsa nawpa ta, cha hmo cha Khazohpa ta a rônahna châta â chhuanoh chhielie hapa châ sala, khâpa a pei aw?

EPHESI 1:18

Awpa nama châna liata hnabeiseihna pahnopa ta, mopathaihpazy châta a ryuto rônahpa hluhzie nama pahno thei nawpa ta, nama pathipalôh mozy pavâsapa a châ thei nawpa ta thlah ei cha chhâpa hra ei.

KAOLAOSÂ 1:27

Cha bienyupa rônahpa hneirônazie cha Zenitaizy hry liata pahnosa awpa ta, Khazohpa ta mopathaihpazy a tlyh ta, cha bienyupa cha nâmo liata a ypa Krista cha châ ta, rônahna hnabeiseihpa cha a châ.

BIEPHUAH 4:11

“Hy Eima Beipa nata Khazohpa, Nâ cha rônahna zy, palyupalihna zy, hmotaotheina zy A to tlâh na châ na; Hmo to tao chi ta, Na bie hawhta vaw y ei ta, Na bie hawhta paysapa ama châ,” tahpa ta chhâzaw nata tlyzaw ta a hroh thlâhpa cha amâ chhy.