ESTHERI 1:2 - Mara Bible RV (BSI)

² Cha nohzy liata, Bei Ahasuarâ cha thokhy ta dôhpa Susâ khihpi liata a beidyuchhai liata a tyuh ta.

ESTHERI 1:2 ပူးပေါင်းရင်းမြစ်များ

2 SAMUELA 7:1

Abei cha a o liata pahrâ ta, a chheipâh chariah zydua tawhta apahâna Abeipa ta a pie nahta,

1 ABEIZY 1:46

Sawlawmaw cha khinarâh beidyuchhai liata â tyuh haw.

NEHEMIAH 1:1

Hezy he Hâkaliah sawchapawpa Nehemiah biezy a châ. Kô kihna, Kislev thla liata, Susâ liata abei o liata ei y nota,

ESTHERI 2:3

Abei ta â beina râh zydua liata hyutuhpazy rao sala, âmo chata laihsa dawpa nata kôpa hmiphapa zydua thokhy khihpi Susâ liata chanôzy yna liata amâ vaw chhipakhy aw. Chanôzy mohôhtuhpa hrilyupa Hekai ta âmo cha mohôh aw ta, chhithai nawpa ta mohôhnazy ta a phapa ta mohôhpa ama châ aw.

ESTHERI 2:5

Cha daihti liata, thokhy khihpi Susâ liata Zu chyhsa pakha, a moh Môdekai ama tahpa y ta. Môdekai cha Zairâ sawchapawpa châ ta, Zairâ cha Simei sawchapawpa châ ta, Simei cha Benzami chyhsa Kisâ sawchapawpa a châ.

ESTHERI 3:15

Biepiepa cha thokhy khihpi Susâ liata papuapa châ ta, bei biepiepa hawhta châraituhpazy ta a chatliepa ta sie ei ta. Abei nata Hâmâ cha sahma do awpa ta a tyuh ei ta. Cha nota Susâ khihpi deikua cha thata â tymâ.

ESTHERI 4:16

“Vawh la, Susâ liata a ypa Zu chyhsa zydua pakhy khai la, ei châta kâhvileipa ta y u la, noh thôh chhôh, chhô nah zâ ta khâpa hmah nie leipa u la, khâpa hmah doh hra khuh vy. Kei nata ei laihsazy chhao, nâmo taopa hawhta kâhvileipa ta y hra aw pi ta, cha khai tawhta abei lâ cha ei ngia aw. Ryhpa chakhiapa a châ awpa vâta, ei thi hapa chhao ta, thi lah vâ na,” tah ta.

DÂNIAH 4:4

Kei, Nebukaneza cha ei o liata thadâhpa ta a pahâ na ta, ei abei o liata phasapa ta y thlâh ha na ta.

DÂNIAH 8:2

Aluahna liata hmô na ta; hetana heta vaw châ ta, aluahna ei hmô nona cha kei cha Elâmi râh liata Susâ thokhy khihpi liata vaw y thlâh ha na ta. Aluahna liata hmô na ta, Ulai chavah kiah liata vaw y na ta.