ESTHERI 1:19 - Mara Bible RV (BSI)

¹⁹ Abei alynazie a châ khiahta cha, bei biepiepa pathâhsapa châ sala, Vâsti cha Bei Ahasuarâ hmiakô liata a luah beih khao lei awpa ta taopa châ sala, panano thei khao lei awpa ta, Persia nata Media ryhpazy hry liata pahlaopa châ mawh sy. Beinô a châna chhao, ano hlâta a pha viapa hnohta abei ta pie mawh sy.

ESTHERI 1:19 ပူးပေါင်းရင်းမြစ်များ

1 ABEIZY 3:28

Izarei saw zydua ta abei ta bietluna a taozie cha thei ei ta, ryureina dopa siekhei nawpa ta Khazohpa sona a chô liata a ypa ama hmôpa vâta, abei cha chi ngaita ei ta.

ESTHERI 1:18

Tanoh tlai heta, beinô hmaotaozie a pahnopa Persia nata Media nôhrâhpazy ta, beinô hmotaozie hawh tlai ta beimachâ zydua chô liata tao hra aw ei ta, amohnaona nata pathiiana thata a pua aw.

ESTHERI 1:21

Cha pasopakâna bie chata bei nata beimachâzy cha palysa kaw ta, Memukâ pahruana hawh chata abei ta tao ta.

ESTHERI 2:1

Cha hmozy hnôhlâ ta, Bei Ahasuarâ cha a hiehâhpa a dia nahta, Vâsti a thei ta. Vâsti hmotaopa nata ano kyh liata biepapuapa chhao a thei ta.

ESTHERI 3:9

Chavâta abei alynazie a châ khiahta cha, âmo cha pahleipadia khai awpa ta bie papuapa châ sala, abei sôh o liata so awpa ta abei sôh mohôhtuhpazy ku liata tâkâ talent 10,000 ei pie aw,” tah ta.

ESTHERI 8:5

a hnohta, “Abei alynazie châ sala, kei chhao abei modypa châ sah la, hmo ei rei awpa he abei ta â dopa ta pahno sala, abei mo liata a palysatuhpa ei châ khiahta cha, Akaki chyhsa Hâmedâthâ sawchapawpa Hâmâ ta Zuzy pahleipadia nawpa ta abei râh zydua liata châ a papuapa phiena biepiepa papua thlupa châ mawh sy.

ESTHERI 8:8

Zuzy kyh liata, pha nama tahnazie hawhta abei moh ta roh u la, abei kusadi ta chahnao pa-i muh vy. Abei moh ta biepapuapa ropa nata abei kusadi ta chahnao pa-i hapa cha panano theipa châ khao vei,” tah ta.

DÂNIAH 6:17

Alô vaw cheih ei ta, lôpu paka pamai ei ta, Dâniah kyh liata khâpa hmah pananopa a châ lei nawpa ta, abei ta ano kusadi tlai ta chahnao pa-i ta, beimachâzy chhao ta ama kusadi ta chahnao pa-i hra ei ta.

1 SAMUELA 15:28

Samuela ta a hnohta, “Tanoh tawhna heta Abeipa ta Izarei khinarâh cha nâma tawhta la ha ta, nâma hlâta a pha viapa, na opapa hnohta a pie haw.