EPHESI 6:20 - Mara Bible RV (BSI)

²⁰ Thâtihpha ei rei awpa cha riahphapa ta ei rei thei nawpa ta, lyuhchâpa bâlia a kypa ei châ.

EPHESI 6:20 ပူးပေါင်းရင်းမြစ်များ

BIESOZY 13:17

Lyuhchâpa moleipa cha tymâna a tyh ta, Vyuhtuapa ngâchhihpa deikua cha tlâhna a tlôkhei tyh.

ISAI 33:7

Nathlie tua u, ama pasaiphazy khôtho liata awh ei ta, Adyhna lyuhchâpazy thata ama cha.

ISAI 58:1

“A chado leipa ta a paro ngaitapa ta awh la, Chiahmie hawhta na ao papua teh. Ei phopi hnohta ama paraona phuah la, Zakaw pathlazy hnohta ama moleinazy phuah teh.

ZEREMIAH 1:17

Nâ deikua cha, na chai a saih la, thyu la, bi ei cha piepa zydua ama hnohta reih mah y. Ama hmiakô liata thlazohpa ta y khah y, chataleipatala ama hmiakô liata thlazohpa ta ei cha paysa pathlei aw na.

ZEREMIAH 40:1

Pheisaih hyutuhpa Nebuzarâdâ ta Zerusale khihsawzy nata Zudâh râhsawzy cha, bâlia ta chahryna chôta Babylaw lâ sei ta a chhi ta. Chazy hry liata Zeremiah chhao â hlao hra. Zeremiah deikua cha, Râmâ ama tlô nahta, Nebuzarâdâ ta pathlie ha ta. He he Nebuzarâdâ ta a pathlie tawhta, Zeremiah hnohta Abeipa bie a vaw tlôpa a châ.

HMOTAOPAZY 21:33

Pheisaih hyutuhpa cha a vaw hnia ta, Pawla patu ta, bâlia miano paky awpa ta biepie ta. Ahy ma a châ, khâpa ma a tao, tahpa patluah ta.

HMOTAOPAZY 26:29

Pawla ta, “Buakha chhôh ta tlyma, bohpi tlyma rai châ sala, nâ dei châ leipa ta, tanoh ta ei bie a theipa zydua heta, he bâliazy he na tah leipa ta cha, keima hawhta y awpa ta Khazohpa lâta ei hiah,” tah ta.

HMOTAOPAZY 28:20

Cha kyh vâna chata, nâmo châ hmô awpa nata bie cha reikhei awpa ta ei châ hawpa ei a châ, Izarei hnabeiseihpa vâta, he bâlia he a kypa châ tlôh na ta,” tah ta.

HMOTAOPAZY 28:31

Riahpha ngaitapa nata pakhâna y leipa ta, Khazohpa khinarâh kyh reih ta, Abeipa Zisu Krista thâtih a pachu lymâ.

HMOTAOPAZY 5:29

Pity nata lyuhchâpazy ta, “Chyhsa bie hlâta Khazohpa bie eima zyh via awpa a châ.

2 KAWRINI 3:12

Cha hawhpa hnabeiseihna eima hneipa vâta, keimo la eima riah a pha ngaita.

2 KAWRINI 5:20

Chavâta Krista lyuhchâpazy châ pi ta, Khazohpa ta keimo miah hmâpa ta a châ haw ei. Khazohpa nata a ryhpa ta y awpa ta, Krista vyuhpa ta eima châ haw.

EPHESI 3:1

Cha vâna chata kei, Pawla, nâmo Zenitaizy châta Krista Zisu vâta atâhpa heta ei cha chho ei.

EPHESI 4:1

Chavâta a cha awna ei nata â phuhpa ta y awpa ta, kei Abeipa châta atâhpa heta ei châ haw ei.

EPHESI 6:19

Pakah âpa ta thâtihpha bienyupa riahpha ngaitapa ta phuah awpa ta, bie rei awpazy piepa ei châ thei nawpa ta, kei châta na hiapa hra teh u.

PHILIPI 1:20

Maophyuhpa ta y leipa aw na ta, ei pôhpa liata Krista palyupalihpa ta a y tyhpa hawhta, thina ta tlyma, hrona ta tlyma, Krista cha ei pôhpa liata palyupalihpa ta a y aw tahpa cha, tahmâ chhao riahpha ngaitapa ta ei saduthliepa nata ei hnabeiseihpa a châ.

PHILIPI 1:7

Bâlia ei kypa liata nata thâtihpha a duakheipa ta ei pa-ina kyhzy liata Khazohpa ngiachhiena ei tolâhpazy nama châpa vâta, ei palôh liata khâ nama y. Chavâta nama zydua chô liata cha hawhpa palôh ei phaopa cha, kei châta tao awpa dopa a châ.

KAOLAOSÂ 4:3

Bâlia ei kyna chhâpa Krista bienyupa chho awpa ta, Khazohpa ta a bie châta ochhi miah a pahypa thei nawpa ta, thlah miah chhâpa u la,

KAOLAOSÂ 4:4

ei rei awpa hawhta ei reih thei nawpa ta thlah na chhâpa teh u.

1 THYSALAWNIKA 2:2

Nama pahnopa hawhta, Philipi khih liata riethei taopa ta nata maoh paphyuhsapa ta eima ypa chhao khata, eima Khazohpa ta riahphana miah pie ta, pakhâpadiena hluhpi hry liata nama hnohta Khazohpa thâtihpha eima cha vaw chho.

2 TIMAWTHY 1:16

Abeipa ta Ônesiphôrâ chhôhkhazy hnohta zawngiahna pie mawh sy. Ano cha ei hro na pathieh heih tyh ta, ei bâlia a kypazy he na zakhei vei.

2 TIMAWTHY 2:9

Cha thâtihpha vâna chata pasa tao na ta, moleipa hawhta bâlia ta chahrypa ei châ. Châhrasala Khazohpa bie cha chahry theipa châ vei.

PHILEMAW 1:10

Ei sawchapawpa Ônesimâ, bâlia ei ky chhôh ta sawchapaw ta ei hneipa châta ei châ haw.

PHILEMAW 1:9

kyhpachâna vâta, kei, Pawla, pawpipa nata tahmâ Krista Zisu vâta a tâhpa heta, â haw ta ei châ haw.

1 ZAWHÂNA 3:16

He liana heta kyhpachâna cha khâpa ma a châ tahpa eima pahno: Krista ta keimo châta a hrona a piepa hawhta, keimo chhao unawhzy châta eima hrona eima pie hra awpa a châ.

ZUDÂH 1:3

Kho ngaitapa saih u, mo to ta pachhana eima topa thâtih nama hnohta ro awpa ei kho kaw nota, mopathaihpazy hnohta chhâzaw châta ei kha piepa ngiapâna a duakhei lymâ awpa ta, nâmo lâ ahawna tao awpa â ngiahpa ta ei pahno.