EPHESI 6:19 - Mara Bible RV (BSI)

¹⁹ Pakah âpa ta thâtihpha bienyupa riahpha ngaitapa ta phuah awpa ta, bie rei awpazy piepa ei châ thei nawpa ta, kei châta na hiapa hra teh u.

EPHESI 6:19 ပူးပေါင်းရင်းမြစ်များ

HMOTAOPAZY 13:46

Pawla nata Bânabâ ta riahpha ngaitapa ta, “Khazohpa bie he nâmo liata rei tua chai awpa tlai châ ta, châhrasala dytha ei chi ta, chhâzaw hrona to tlâh châ lei awpa ta, nâmosasyh ta namâ tao ha hnohkua cha, pachâ teh u, Zenitaizy lâ eimâ heih ha aw.

HMOTAOPAZY 14:3

Abeipa liata riahpha ngaitapa ta bie reipa ta, cha liata bohpi y ei ta, Abeipa ta ngiana nata hmonoâhpazy ama ku ta pataosapa ta, a ngiachhiena bie ama reipa cha pahnokhei lymâ ta.

HMOTAOPAZY 18:26

Pakhyna o liata riahpha ngaitapa ta bie reih ta. Priskilâ nata Akuilâ ta a biereipa cha ama thei nahta, ama o lâ a chhi ei ta, Khazohpa lâpi a sia viapa ta chhopasia ei ta.

HMOTAOPAZY 19:8

Pawla cha pakhyna o liata a ngia tyh ta, thla thôh chhôh riahpha ngaitapa ta bie reih ta, Khazohpa khinarâh kyh liata âmo cha Biehrai a laichadaikheipa ta pahnie a chhuah ta.

HMOTAOPAZY 2:4

Ama zydua ta Thlahpa Pathaihpa ta bie khai ha ei ta, Thlahpa ta a pareisapa lymâ hawhta reih hropa ta bie reih chyu ei ta.

HMOTAOPAZY 28:31

Riahpha ngaitapa nata pakhâna y leipa ta, Khazohpa khinarâh kyh reih ta, Abeipa Zisu Krista thâtih a pachu lymâ.

HMOTAOPAZY 4:13

Pity nata Zawhâna riahphazie cha hmô ei ta, châthai leipa nata chyhsa zawrâpa dei ama châpa ama pahno nahta, ama noâh kaw ta. Zisu hnohta a y tyhpa ama châpa pahno ha ei ta.

HMOTAOPAZY 4:29

Hy Abeipa, ama pachhiparynazy he pachâ tua. Châ chakaotuhpazy he riahpha ngaitapa ta na bie reih lymâ awpa ta miah bao mah y.

HMOTAOPAZY 4:31

Thlah ama chhâ khai nahta, ama y pahmaohna o cha a vaw chalyu ta, ama zydua ta Thlahpa Pathaihpa ta bie ei ta, riahpha ngaitapa ta Khazohpa bie ama chho lymâ.

HMOTAOPAZY 9:27

Bânabâ deikua ta ano cha a pyh ta, lyuhchâpazy lâ vawkhei ta, lâpi liata Abeipa hmô ta, Abeipa ta a hnohta bie â chhopa kyh zy, Dâmaskâ liata Zisu moh ta riahpha ngaitapa ta bie a chhopa kyh zy pachupazy hnohta reih ta.

HMOTAOPAZY 9:29

Krikâh Zuzy hnohta bie reipa ta, ama biezy chakhia tyh ta. Krikâh Zuzy ta Sawla cha thie a chhuah ei ta.

RAWMA 15:30

Unawh saih u, tiamapa ta Khazohpa lâ thlah eina chhâkhei awpa ei chi ta, eima Beipa Zisu Krista moh nata Thlahpa kyhpachâna ta ei châ haw ei.

RAWMA 16:25

Kô hluhpi nyupa ta a ypa bienyupa liata aluahna zipa ta, ei thâtihpha reipa nata Zisu Krista bie ei chhopa hawhta tha châ patlô theituhpa Khazohpa hnohta rônahna y mawh sy.

1 KAWRINI 1:5

Ano vâta biereina kyh nata pahnona kyh zydua liata, kyh to liata pahneirôhsapa ta nama y.

1 KAWRINI 2:7

Eima rônah nawpa ta Khazohpa ta khizaw y hlâta a vaw rao chhielie hapa, Khazohpa sona bieru nata bienyupa tlao eima pachu tyh.

1 KAWRINI 4:1

Keimo he Krista chakaotuhpa nata Khazohpa bienyupa mokhâhtuhpa ta chyhsa ta miah pachâ mawh ei sy.

2 KAWRINI 1:11

Chyhsa hluhpi thlahchhâna vâta byhnâ to pi ta, chyhsa hluhpi ta keimo vyuhpa ta alyna bie ama rei thei nawpa ta, thlahchhâ miah bao muh vy.

2 KAWRINI 3:12

Cha hawhpa hnabeiseihna eima hneipa vâta, keimo la eima riah a pha ngaita.

2 KAWRINI 6:11

Hy Kawrini mo saih u, khotalaipa nata palôh pahy khaipa ta nama hnohta bie eima reih.

2 KAWRINI 7:4

Nâmo hnohta la, riahpha kawpa ta bie ei reih ngâh. Châ palaikhei ngaita ei na ta, thlalôhna ta ei bie. Eima riethei taona zydua liata alyna ta ei khô pathlah.

2 KAWRINI 8:7

Kyh to liata nama tao pha ngaita. Ngiapâna, bie rei thaina, pahnona nata phahnai ngiahna zy liata tao pha kaw ei chi ta, kyh miah nama pachâna zy liata chhao nama tao pha ngaita. Hmopiepa ta ngiachhie chakaona raihria liata chhao tao pha a chhuah teh u.

EPHESI 1:9

A hmochhuahpa bienyupa cha, â chhuahpa hawh tlai ta Krista liata a vaw patlôsapa kyh miah a pahnosa haw.

EPHESI 3:9

Khazohpa ato taotuhpa hnohta nyu kôzawpa bienyupa achhuahna cha palâsa awpa ta, cha ngiachhiena cha piepa ei châ hra.

KAOLAOSÂ 2:2

Chatanachata ama palôhzy thapatlôpa ta y aw ta, kyhpachâna liata a chahry pabaoh aw ei ta, pahnopasiana liata hneirôna zydua topa ta, Khazohpa bienyupa, Krista cha ama pahno thei aw.

KAOLAOSÂ 4:3

Bâlia ei kyna chhâpa Krista bienyupa chho awpa ta, Khazohpa ta a bie châta ochhi miah a pahypa thei nawpa ta, thlah miah chhâpa u la,

1 THYSALAWNIKA 2:2

Nama pahnopa hawhta, Philipi khih liata riethei taopa ta nata maoh paphyuhsapa ta eima ypa chhao khata, eima Khazohpa ta riahphana miah pie ta, pakhâpadiena hluhpi hry liata nama hnohta Khazohpa thâtihpha eima cha vaw chho.

1 THYSALAWNIKA 5:25

Unawh saih u, thlah miah chhâpa teh u.

2 THYSALAWNIKA 3:1

Achhâna liata cha unawh saih u, Abeipa bie nama hry liata a chatliepa ta pathâh ta, palyupalihpa ta a ypa hawhna khata, pathâh via lymâ sala, palyupalihpa ta a y thei nawpa ta, thlah miah chhâpa muh vy.

1 TIMAWTHY 3:16

Khazohpa pahnona bienyupa cha a rônah ngaita, reipasipasua awpa y vei: Sapa ta a vaw luah ta, Thlahpa ta thai pachâsa ta, Vâlyuhchâpazy ta ama hmô. Phopizy hry liata phuahpa châ ta, Khizaw ta a ngiapâ ta, Rônahpa ta chô lâ a chhipa a châ.

PHILEMAW 1:22

Khâpa rai châ sala, khichhai chhôhpadâhpa nâ vaw chhuanohpa mah y. Nama thlahchhânazy vâta nâmo lâ avyna daihti piepa ei châ aw tahpa ei hnabei a seih.

HEBRAI 13:18

Thlah miah chhâpa teh u. Kyh to liata zachhihpa ta y a chhuah pi ta, chhie nata pha pahnona pasohpa eima hnei tahpa a siapa ta eima pahno.