EPHESI 6:12 - Mara Bible RV (BSI)

¹² Eimâ piapazy he sapa nata thisaih châ leipa ei ta, abeinazy, biehneinazy, he khizaw zohna chô liata hmotaotheinazy nata avâ suzy liata a ypa thlahpa moleipazy tlao ama châ.

EPHESI 6:12 ပူးပေါင်းရင်းမြစ်များ

ZAWBÂ 2:2

Abeipa ta Sâtâ hnohta, “Khataih tawhta a vypa ma na châ?” tah ta. Sâtâ ta Abeipa cha a chhy ta, “Alei chô liata vawh heih, a vy heih, khy heih, zu heih tahna tawhta â vypa ei châ,” tah ta.

MATHAI 16:17

Zisu ta a hnohta, “Saimaw, Zawna sawchapawpa, na nohlao na! Sapa nata thisaih ta a cha pahnosapa châ leipa ta, ei Paw vârâh liata a ypa ta a cha pahnosapa a châ.

MÂKA 4:19

châhrasala khizaw hmo pachâna nata hneirôna nata hmo hropazy tlaichhaina âmo liata a vaw ngia ta, cha chata bie cha disao ta, pathei thei leipa ta a y tyh.

LUKA 13:24

“Chhikao buahpa liata a ngia a chhuah lylia teh u. Ei cha chho ei, chyhsa hluhpi ta a ngia a chhuah aw ei ta, a ngia thei aw veih ei.

LUKA 22:53

Achhyna o liata nama hnohta noh chareih y na ta, na hria tlôh ei chi va. Châhrasala tahmâ he nâmo daihti châ ta, zohna biehneina daihti a châ,” tah ta.

ZAWHÂNA 12:31

Tahmâ he khizaw pachiana daihti châ ta, tahmâ he khizaw bei cha thypa a châ aw.

ZAWHÂNA 14:30

He tawhta la nama hnohta bie reih hluh thei khao aw va na, khizaw ryureituhpa a vy tlôh aw ta. Ei chô liata biehnei taraw vei,

ZAWHÂNA 16:11

Pachiana kyh liata ama thaileichâna cha, khizaw ryureituhpa he a thâtih pachiapa a châ hapa vâta a châ.

HMOTAOPAZY 26:18

Ama mozy pavâsapa ta, zohna tawhta khaihna lâ paheisa awpa nata Sâtâ hmotaotheina tawhta Khazohpa hmotaotheina lâ paheisa awpa ta ei cha tuah aw. Chatanachata molei ngiahthaina hmô aw ei ta, einâ ngiapâpa vâ ei ta, pathaisapazy hry liata tovyuh ama hnei hra aw,’ tahpa ta eina chho.

RAWMA 8:38

Thina nata hrona tlyma, vâlyuhchâpazy nata ahripazy tlyma, hmo y haipa nata a vaw y awpazy tlyma, hmotaotheina tlyma,

1 KAWRINI 15:50

Unawh saih u, he bie he ei cha chho ei. Sapa nata thisaih heta Khazohpa khinarâh to thei leipa aw ta, thi theipa heta thi thei leipa to thei aw vei.

2 KAWRINI 11:14

Cha cha noâhchhihpa châ vei, Sâtâ chhao ta khaihna vâlyuhchâpa hawhta anosasyh ta â tao tyh.

2 KAWRINI 4:4

Krista cha Khazohpa a lyupa châ ta, a rônahna thâtihpha khaihpa ama hmô lei nawpa ta, he khizaw khazoh ta ngiapâleipazy palôh mo a pachao haw.

KALATIA 1:16

Zenitaizy hry liata a thâtihpha ei chho thei nawpa ta, Khazohpa ta a Sawchapawpa cha palôhtlâh ngaitapa ta kei liata a vaw paluahsa. Kha nona kha ahy hmah a saohiah veih ei na.

EPHESI 1:21

Cha hmotaotheina cha, abeina zydua, biehneina zydua, hmotaotheina zydua nata ryureina zydua chô lâta y ta, he khizaw lia dei châ leipa ta, khizaw vaw y awpa liata chhao, moh bipa to chô lâta a y aw.

EPHESI 1:3

Khazohpa nata eima Beipa Zisu Krista Paw cha reithaipa ta y mawh sy. Ano chata avâ suzy liana khita Krista zawhzi ta thlahpa lâ byhnâ to miah pie ta.

EPHESI 2:2

He khizaw ryhpa hawhta y ei chi ta, avâ ruapa liata ryureituhpa bei, reingiah leipazy chô liata tahmâ chhao a hria haipa thlahpa cha pazipa ta, paraona nata moleinazy liata nama vaw tlaih tyh.

EPHESI 3:10

Chatanachata Khazohpa sona hnei hluhzie cha, avâ suzy liata ryureihtuhpazy nata biehneituhpazy hnohta, Awnanopa hmâpa ta pahnosapa ta a y thei aw.

KAOLAOSÂ 1:13

Khazohpa ta zohna biehneina tawhta miah pachha ta, a Sawchapawpa kyhpachâ ngaitapa khinarâh lâ miah â chhi haw.

KAOLAOSÂ 2:15

Krista ta ryureituhpazy nata biehneituhpazy cha ama châna pahluh ta, kraws liata âmo cha pahniepa ta, â lâhâhpa ta maophyuhpa ta a tao ha ei.

2 TIMAWTHY 2:5

Ataopasuana liata, chyhsa ta dâh hawhta a tei leipa khiahta cha, pahniena lakho pakho theipa châ vei.

HEBRAI 12:1

Cha ngiapâna bie pahnokheituhpazy ta meihdo ru ngaitapa hawhta miah ama pahlypa vâna heta, miah pahny pakhawpa maih nata moleina keimo liata khâchâ a baipa cha soh sih la, eima hmiakô liata arâpasuana a ypa liata tiama ngaitapa ta a râ lymâ suh u.

HEBRAI 12:4

Moleina namâ dyuhna liata, thisaih lona taihta a dyuh mâh veih ei chi.

1 PITY 3:22

Zisu Krista cha vârâh lâ kiah ta, Khazohpa chachâh lâta y ta, vâlyuhchâpazy, biehneinazy nata hmotaotheinazy cha ano rei sai ta y awpa ta taopa ama châ.