EPHESI 6:10 - Mara Bible RV (BSI)

¹⁰ A chhâ chaina ta cha, Abeipa nata a thatlôna liata thatlôpa ta y teh u.

EPHESI 6:10 ပူးပေါင်းရင်းမြစ်များ

1 THÂTIHZYRONA 28:10

A chado kaw mah y. Supathaihpa châta o sa awpa ta, Abeipa ta a cha rao. Thatlôpa ta y la, hria mah y,” tah ta.

1 THÂTIHZYRONA 28:20

Chatawhcha Dâvi ta a sawchapawpa Sawlawmaw hnohta, “Thatlôpa nata riahphapa ta y la, hria mah y. Chi leipa la, a ngiaroh khah y, Zehôvâh Khazohpa, ei Khazohpa tlai cha na hnohta a y mâh tâh. Abeipa o raihria zydua patlô khaipa a châ hlâlei, cha siesai leipa aw ta, cha pathlua aw vei.

2 THÂTIHZYRONA 15:7

Châhrasala nâmo la thatlôpa ta y u la, nama ku tha pachhâ khuh vy. Nama hmotaopa lymâ nama hmô aw,” tah ta.

HLAZY 138:3

Ei cha pado noh ta, Nâ chhy chi ta, Ei hro tha na patlô tyh.

ISAI 40:28

Pahno beih va chi ma? Thei beih va chi ma? Abeipa cha tlyzaw Khazohpa châ ta, Khizaw kaokih a Taotuhpa mah a châ tâh. Panao beih leipa ta, A thachhâ beih vei; A novâhzie chhao, A laichadai thei awpa rimâ châ vei.

ISAI 40:31

Abeipa a hâtuhpazy deikua cha, Ama thatlôna pathieh aw ei ta, Pahmôhpi hawhta mathlaw ta amâ zaw aw; A râ aw ei ta, Ama tha chhâ leipa aw ta; Sie aw ei ta, Panao aw veih ei.

HÂKAI 2:4

Chatahrasala, hy Zerubâbe, thatlôpa ta y mah y,’ Abeipa ta a tah. ‘Hy Zehôzadâ sawchapaw theihthai beichaipa Zawsua, thatlôpa ta y mah y. Hy râhsaw zydua saih u, thatlô ngaitapa ta y muh vy,’ Abeipa ta a tah. ‘Thyu u la hria teh u, nama hnohta ei y,’ Pheisaihzy Abeipa ta a tah.

ZEKARIA 8:13

Hy Zudâh pathlazy nata Izarei pathlazy saih u, phopizy hry liata chhiesana bie châta hmâpa vaw châ tyh hra u la, tahmâ cha cha pachha aw ei na ta, byhnâ nama châ bâ aw. Chi leipa u la, nama ku tha patlô teh u!”

ZEKARIA 8:9

Pheisaihzy Abeipa ta hetana heta a tah: “Nâmo, tahmâ nota hrohsopazy pakah tawhta a puapa biezy a thei tyhpazy saih u, nama ku thapatlô teh u. He hrohsopazy he Achhyna o, Pheisaihzy Abeipa o lôbô bô nota a y hrapazy ama châ.

1 KAWRINI 16:13

A vaih u la, ngiapâna liata â ipata a duahpa ta, riahphapa ta y u la, thatlôpa ta y teh u.

2 KAWRINI 13:11

Achhâna ta, unawh saih u, a lypa ta y teh u. Phapaki a chhuah u la, thlah a palôh raihrie u la, palôh miakha phaohpa ta, adyryh kawpa ta y teh u. Kyhpachâna nata thlalôhna Khazohpa cha nama hnohta y mawh sy.

EPHESI 1:19

Chatanachata a thatlôna rônahpa raihriazie hawhta, keimo ngiapâtuhpazy chô liata a hmotaotheina rônah ngaitapa cha, khâpa ma a châ tahpa nama pahno thei aw.

EPHESI 3:16

A rônahna hneirôh ngaitazie hawhta, Khazohpa ta a Thlahpa zawhzi ta nama chhôh lâ hro tha a cha patlô thei nawpa ei ta, thlah ei cha chhâpa ei.

RYHPACHANEINA 31:23

Abeipa ta Nunâ sawchapawpa Zawsua cha biehneina pie ta, a hnohta, “Thatlôpa nata riahphapa ta y teh. Izarei sawzy he ama hnohta bie ei taihpa râh nâ ngiakhei aw ei. Na hnohta ei y lymâ aw,” tah ta.

PHILIPI 3:1

Achhâna ta cha, unawh saih u, Abeipa liata a ly teh u. Bie hmopa nama hnohta ro chaneipa he, namâ boh nawpa a châpa vâta, kei châta noaichhihpa châ vei.

PHILIPI 4:13

Tha nâ patlôtuhpa Krista liata ato ei tao thei.

PHILIPI 4:8

Achhâna ta cha, unawh saih u, adopa maih zy, zachhihpa maih zy, asiapa maih zy, pathaihpa maih zy, khochhihpa maih nata pasâhsa a chhihpa maih zy cha, phana hneipa ta, reithai tlâh a châ khiahta cha, chazy cha pachâ teh u.

KAOLAOSÂ 1:11

Tiamana nata pasataona liata a ly kawpa ta nama tao thei nawpa ta, a thatlôna rônahpa liata hmotaotheina zydua hmâpa ta tha a cha patlô aw ei.

2 TIMAWTHY 2:1

Chavâta nâ, ei saw y, Krista Zisu liata ngiachhiena a ypa liata thatlôpa ta y mah y.

2 TIMAWTHY 4:17

Châhrasala keima hmâpa ta thâtihpha chho pakipa ta a y thei nawpa nata Zenitai zydua ta ama thei thei nawpa ta, Abeipa tlai ta nâ duakhei ta, tha eina patlô. Chatanachata chakeibarôhneipa pakah tawhta pachhapa ta ei y haw.

ZAWSUA 1:9

Bie cha pie va na mâ? Thatlôpa nata riahphapa ta y teh. Chi leipa la, ngiarohpa ta y hra kha. Abeipa na Khazohpa cha na siena maihta na hnohta a y lymâ aw,” tah ta.

1 PITY 3:8

A chhâ chaina ta cha, nama zydua ta palôh miakha phaohpa ta y u la, tha a pasa raihrie teh u. Unawh hawhta kyh a pachâ u la, a ngiachhie raihriepa ta, areisipa ta y teh u.

1 PITY 4:11

Ahy rai bie a reihpa maih Khazohpa bie hawhta reih sala, a chakaopa maih Khazohpa ta thatlôna a piepa lymâ hawhta chakao mawh sy. Chatanachata Zisu Krista vâta Khazohpa cha kyh to liata palyupalihpa ta a y thei aw. Rônahna nata hmotaotheina cha chhâzaw nata tlyzaw ta ano eih châ tlôh ta. Amen.

1 PITY 5:10

Ngiachhiena zydua Khazohpa, a chhâzaw rônahna to awpa ta Krista liata châ awtuhpa ei chata, bohpi leipa pasa nama tao khai tawhta, cha paduapathi aw ei ta, cha pa-ipa ta tha cha patlô aw ei ta, a cha padua aw ei.

1 ZAWHÂNA 2:14

Pawzy saih u, âthaona tawhta a y thlâhpa ano cha nama pahnopa vâta, nâmo lâ ei vaw roh. Satliazy saih u, nama thatlô ta, Khazohpa bie nâmo liata y ta, moleipa nama tiah hapa vâta, nâmo lâ ei vaw roh.

1 SAMUELA 23:16

Sawla sawchapawpa Zawnathâ cha thyu ta, Hôresâ liata Dâvi yna lâ sie ta, Zawnathâ ta Dâvi cha Khazohpa liata a ku thapatlô ta.