EPHESI 6:1 - Mara Bible RV (BSI)

¹ Saw saih u, Abeipa liata nama nôpawzy rei a ngiah teh u. Cha cha hmo dopa châ tlôh ta.

EPHESI 6:1 ပူးပေါင်းရင်းမြစ်များ

ÂTHAONA 28:7

Zakaw chhao ta a nô nata a paw rei a ngiah ta, Pâdâ-Aramia lâ a sie haw tahpa Esaw ta pahno ta.

ÂTHAONA 37:13

Izarei ta Zawsi hnohta, “Na unawhzy Sekhe liata sahroh zaw lao ama pabâsa hai no châ vei ma? A vy teh, âmo lâ ei cha tuah aw,” tah ta. Zawsi ta a hnohta, “He liata ei y,” tah ta.

ÂTHAONA 48:12

Zawsi ta a sawchapawzy cha a paw pakhu likawh tawhta pasie ta, alei lâ a bôh ta, a paw cha a naoh ta.

ÂTHAONA 50:12

A sawchapawzy ta a bie ryuhipa hawhta taopa ei ta.

NEHEMIAH 9:13

Sinai Tlâh liata za chô chi ta, avâ tawhta âmo cha bie a chho chi ta, ryureina dopa, ryhpa dopa, bieraopa nata biepiepa phapazy na pie ei.

ESTHERI 2:20

Môdekai biepiepa vâta, Estheri ta ahy­zy ma a heinawhzy a châ ei tahpa nata kheihawhpa chipho ma a châ tahpa a pahnosa leipa ta. A vaw mohôh nota a bie a zyh tyhpa hawhta, Estheri ta Môdekai bie zyh lymâ ta.

ZAWBÂ 33:27

Chyhsapa cha chyhsazy hmiakô liata a phuah ta, ‘Hmoparaopa ta biedopa pako na ta, Châhrasala viarithôpa châ va na.

HLAZY 119:128

Chavâta na pachunazy â do khai tah na ta, Hrozie doleipa ei hao.

HLAZY 119:75

Hy Abeipa, na pachianazy â do tahpa pahno na ta, Pasa eina pataosapa chhao chi he â dopa a châ.

HLAZY 19:8

Abeipa pachuna cha a do ta, Palôh a palysa; Abeipa biepiepa cha khaih ta, Mo a pavâsa.

BIESOZY 1:8

Ei sawchapawpa y, na paw chhoreina bie nathlie la, Na nô pachuna bie a heihsai khah y;

BIESOZY 23:22

Châ satuhpa na paw bie nathlie la, Na nô a nôpi tita mohnao khah y.

BIESOZY 30:11

Ama pawzy chô liata chhie a sapazy y ei ta, Ama nôzy byhnâ a awpa leipazy chhao ama y.

BIESOZY 30:17

Paw a mohnaopa mokhaoh nata Nô a nawhtawpa mokhaoh cha, Saikao raawhzy ta thaoh aw ei ta, Vâkhiehzy ta ama nie aw.

BIESOZY 6:20

Ei sawchapawpa y, na paw biepiepa a ngiah la, Na nô pachuna a heihsai khah y.

ZEREMIAH 35:14

Rekhâ sawchapawpa Zônadâ ta a pathlazy hnohta kresawhti doh lei awpa ta biepie ta, a pathlazy ta âmo pathlatuhpa biepiepa cha zyh ei ta, tanoh taihta khâpa hmahta doh veih ei. Kei deikua cha ei cha chho ngâ thlâh hapa chhao ei ta, na nathlie veih ei chi.

ZEREMIAH 35:18

Rekhâ pathlazy hnohta deikua cha Zeremiah ta, “Pheisaihzy Abeipa, Izarei Khazohpa ta hetana heta a tah: Châ pathlatuhpa Zônadâ biepiepa zyh ei chi ta, a pachuna bie zydua a ngiahpa ta, a biepiepa zydua nama tao lymâpa vâta,

ZEREMIAH 35:8

Miah pathlatuhpa Rekhâ sawchapawpa Zônadâ ta eima hro chhôh zydua ta, keimo chhao, eima lapinôzy chhao, eima sawchapawzy nata eima sawchanôzy chhao, kresawhti doh lei awpa ta bie miah a piepa zydua eima zyh lymâ.

HÔSIA 14:9

“Chyhsa sopa ta He hmozy he a novâh sala, Chyhsa novâhpa ta Pahno thai mawh sy! Abeipa lâpizy cha a do ta, Mosiapazy ta amâ chhih thei; Moleipazy deikua cha, Amâ chapia aw.”

THEIHTHAINA 19:3

Nama nô nata nama paw nama za chyu awpa châ ta, ei Pahânohzy nama chay awpa a châ. Kei he Abeipa nama Khazohpa ei châ.

LUKA 2:51

A nôpawzy hnohta zu ta, Nâzari khih cha tlô ta, a nôpawzy bie zyhpa ta y ta. A nô ta hmo zydua cha a palôh ta a vao thlâh ha ta.

RAWMA 12:2

He khizaw ryhpa hawhna heta y leipa u la, nama palôh pathiehpa ta tlao anano lymâ teh u. Chatanachata Khazohpa khopa cha khâpa ma a châ tahpa pahno thei aw ei chi ta, hmo phapa a pyh tlâhpa nata phapakipa cha nama pahno thei aw.

RAWMA 16:2

Mopathaihpa a châna nata â phuhpa ta Abeipa liata a vaw ly u la, bao â ngiahna maih liata vaw bao lymâ muh vy. Kei nata chyhsa hluhpi miah a deichhy tyhpa a châ.

RAWMA 7:12

Chavâta ryhpa cha pathaih ta, biepiepa chhao pathaih ta, sia ta, a pha.

1 KAWRINI 15:58

Chavâta unawh kho ngaitapazy saih u, â ipa ta a duah u la, papie thei lei awpa ta a pachyu teh u. Nama hriapasana cha Abeipa liata hraoleipa châ vei tahpa pahnopa ta, Abeipa raihria cha phahnai ngiah ngaitapa ta hria lymâ teh u.

RYHPACHANEINA 21:18

“Chyhsa ta sawchapaw chhorupa nata atyhmâhpa hnei sala, a nô nata a paw rei a ngiah leipa sala, ama chhoreipa chhao ta ama bie a nathlie khoh leipa khiahta cha,

1 TIMAWTHY 5:4

Châhrasala nôhmei cha sawzy tlyma, samohzy tlyma a hnei khiahta cha, Khazohpa chyhsa ama châna cha ama chhôhkha liata palâsa ei sala, ama nôpawzy chyh awpa ta a chu tua mawh ei sy. Cha cha Khazohpa alynazie a châ.

1 PITY 2:13

Ryureih awpa ta raopazy cha, Abeipa vâta ama rei a ngiah teh u. Biehnei chaipa bei rai châ sala,

RUTHI 3:5

Ruthi ta, “Na reipa zydua cha ei tao aw,” tah ta.

1 SAMUELA 17:20

Dâvi cha mydi ta thyu ta, mietakuzy cha vaituhpa pakha pavaosa ta. A paw Zese ta bie a piepa hawhta niedozy phaopa ta, sie ta. Riehmo kei tlô ta, hrâsie awpa ta a pahô pahâhpa ta pheisaihzy ama pua hai no vaw châ ta.