EPHESI 5:9 - Mara Bible RV (BSI)

⁹ Khaihna theilâpa cha phana nata siana nata biehmeiseihpa to liata â lâ tyh.

EPHESI 5:9 ပူးပေါင်းရင်းမြစ်များ

MATHAI 3:8

Rona moh phaoh tlâhpa ta pathei teh u.

ZAWHÂNA 1:47

Zisu ta Nâthaniah ano lâ â vy haipa a hmô nahta, a thâtih reih ta, “Moh teh u, Izarei saw hmeiseihpa, haidihaiduana rai a hnei leipa chyhsa huh!” tah ta.

RAWMA 15:14

Unawh saih u, phana ta bie ei chi ta, sona to hnei ei chi ta, namâ pachu raihrie thei, tahpa keima tlai ta a siapa ta ei pahno.

RAWMA 2:4

A châ vei khiah, Khazohpa phana cha rona lâ châ chhi awpa a châpa pahno leipa ta, a phana hluhzie nata a nôphazie nata a palôh pasizie zy cha, hraoleipa hawhta ma na pachâ?

EPHESI 4:15

Kyhpachâna ta biedopa reipa ta, kyh to liata ano liata eima laiseih lymâ aw. Ano cha luh châ ta, cha cha Krista a châ.

EPHESI 4:25

Chavâta haipa bâhsai u la, nama vaih hnohta biedopa reih chyu teh u. Pôhpa miakha tawhta a pachiahpa sai eima châ.

EPHESI 6:14

Biehmeiseihpa ta nama chai a saih u la, siana chachôhna vyhphao a kypa ta a duah teh u.

PHILIPI 1:11

Khazohpa rônah nawpa nata reithai nawpa ta, Zisu Krista zawhzi ta a patheipa siana thei ta pabiepa nama châ aw.

KAOLAOSÂ 3:18

Lapinô saih u, Abeipa liata namâ ngiarihpa hawhta, nama vahpazy liata a ngiarih teh u.

1 TIMAWTHY 6:11

Nâ, Khazohpa chyhsa y, cha hmozy cha a râsai la, siana, Khazohpa pachâna, ngiapâna, kyhpachâna, daotheina nata nônaina zy a chadai lymâ mah y.

HEBRAI 1:8

Sawchapawpa kyh liata deikua cha, hetana heta a tah: “Hy Khazohpa, na beidyuchhai cha, Chhâzaw nata tlyzaw ta y ta, Siana chôchahrei cha, Na khinarâh chôchahrei a châ.

HEBRAI 11:33

Âmo cha ngiapâna ta khinarâhzy la ei ta, adona a duakhei ei ta, bietaizy to ei ta, chakeibarôhneipa pakahzy ama pamosa.

1 ZAWHÂNA 2:29

Ano cha mosiapa a châ tahpa nama pahno khiahta cha, siana a hrokheipa maih cha ano sapa a châ tahpa nama pahno aw.

3 ZAWHÂNA 1:11

Kho ngaitapa y, moleina hâ a la leipa la, hmo phapa hâ a la mah y. Hmo pha a taotuhpa cha Khazohpa tawhtapa châ ta, moleina hmo a taotuhpa cha Khazohpa a hmô leipa a châ.