EPHESI 5:6 - Mara Bible RV (BSI)

⁶ Ahy hmahta hraoleipa bie ta cha dôvei khah ei sy. Cha hmozy vâna chata Khazohpa pathiiana cha ngiapâleipa sawzy chô liata a tlô tyh.

EPHESI 5:6 ပူးပေါင်းရင်းမြစ်များ

2 ABEIZY 18:20

Bie thlâhthlipazy cha a dyuhzie thaina nata hmotaotheina hawhta ma na pachâ? Ahy a ngâchhâ chi ta ma, tahmâ einâ dyuh chi?

HLAZY 78:31

Khazohpa hiehâhna ama chô liata vaw tlô ta, Ama chyhsa thatlô chaipazy thie ta, Izarei satliazy a tusao ha ei.

ZEREMIAH 27:9

“Chavâta, ‘Babylaw bei nama chakao awpa châ vei,’ châ tahtuhpa nama hrohsopazy, peihthaipazy, mâsathaipazy, moliethaipazy nata dyuthaipazy bie nama nathlie awpa châ vei.

ZEREMIAH 29:31

“Seichâna liata â tâhpa zydua lâ chyhsa tuah la, ama hnohta, ‘Nehelâ chyhsa Semiah kyh liata Abeipa ta hetana heta a tah: Kei ta ei tua leipa pi tlai ta, Semiah ta nama hnohta hrohsona bie phuah ta, haipa bie a cha pazosa ei.

ZEREMIAH 37:9

Abeipa ta hetana heta a tah, “Kaldia mo cha miah ama siesai pyly aw,” tahpa ta nâmosasyh a dôvei khuh vy. Sie aw veih ei.

MIKÂ 3:5

Ei phopi a chhi chheipa hrohsopazy kyh liata, Abeipa ta hetana heta a tah: Nie awpa ama hnei nota, Adyhna phuah ei ta; Ama pakah pabie awpa a hnei leipazy hnohta, Adyuhna ama phuah tyh.

MATHAI 24:24

Mesia pakheipazy nata hrohso pakheipazy vaw pua aw ei ta, ngiana nata hmonoâh rônahpazy ama tao aw. Tao theipa châ sala, atlyhpazy taih ama dôvei aw.

MATHAI 24:4

Zisu ta âmo cha a chhy ta, “Ahy hmahta ama cha dôvei lei nawpa ta a vaih teh u.

MÂKA 13:22

Mesia pakheipazy nata hrohso pakheipazy vaw pua aw ei ta, ngiana nata hmonoâhpazy ama tao aw. Tao theipa châ sala, atlyhpazy taih ama dôvei aw.

MÂKA 13:5

Zisu ta ama hnohta, “Ahy hmahta ama cha dôvei lei nawpa ta a vaih teh u.

RAWMA 1:18

Khazohpa a pachâ leipa nata chyhsa sia leipa zydua chô liata Khazohpa pathiiana avâ tawhta a zâ luah. Âmo cha ama sialeina vâta biehmeiseihpa a pakhâtuhpazy ama châ.

KAOLAOSÂ 2:18

Ahy hmahta areisina pakheipa nata vâlyuhchâpazy achhyna a duakheipa ta, nama lymâ hmô thei lei awpa ta cha tao khah ei sy. Cha hawpa chyhsa cha aluahna a hmôpazy kyh â kichopa ta reih tyh ta, a chhâpa y leipa ta sapa palôh ta thata â palai tyh.

KAOLAOSÂ 2:4

Ahy hmahta reikah thaipa ta ama cha dôvei lei nawpa ta, cha bie cha ei reih.

KAOLAOSÂ 2:8

Ahy hmahta Krista bie hawhta châ leipa ta, chyhsapa taozietyhpa nata khizaw siezie hawhta ama châ chhi lei nawpa nata, ama thaisona nata dôveina ruapa hmâpa ta ama cha parao lei nawpa ta, a hrohrua teh u.

KAOLAOSÂ 3:6

Cha hmozy vâna chata Khazohpa hiehâhna cha ngiapâleipazy chô liata a tlô hai.

2 THYSALAWNIKA 2:3

Ahy hmahta kheihawhta hmah cha dôvei khah ei sy. Paosaina a vaw tlô ha tua leipa nata ryhpa paraotuhpa leidia sawchapawpa â vaw luah tua leipa ta cha, cha Noh cha vaw tlô aw vei.

HEBRAI 13:9

Pachuna nanopa nata noâhchhihpazy ta paviasapa ta y khuh vy. Palôh he niedo ta thapatlô awpa châ leipa ta, ngiachhiena ta thapatlô awpa tlao a châ. Niedo kyh sai ta a tymâkheipazy châta niedo ta athôhna tlôkhei hlei vei.

HEBRAI 3:19

Amâ ngiapâleipa vâta a ngia thei khao veih ei tahpa eima pahno.

1 PITY 2:8

Achapiana lô vaw châ ta, Moleina lôpanô a vaw châ haw.” Bie ama zyh leipa vâta a chapia ei ta, cha hawhta y awpa ta raopa rai ama châ.

1 ZAWHÂNA 4:1

Kho ngaitapa saih u, thlahpa momaih zo khuh vy. Hrohso pakheipa hluhpi khizaw liata ama vaw pua hapa vâta, thlahpazy cha Khazohpa tawhta a châ ma, châ vei ma tahpa pasia tyh muh vy.