EPHESI 5:29 - Mara Bible RV (BSI)

²⁹ Ahy hmahta ano pôhpa a hao beih vei. Krista ta Awnanopa chyh ta, a mohôhpa hawhta, chyhsa ta a pôhpa cha chyh ta a mohôh tyh.

EPHESI 5:29 ပူးပေါင်းရင်းမြစ်များ

ÂTHAONA 2:23

Âdâh ta, “He tlai he ei rupazy rupa châ ta, Ei sapazy sapa cha a châ hih; Chapaw tawhta lapa a châpa vâta, ‘Chanô’ tahpa ta bipa a châ aw,” tah ta.

BIESOZY 11:17

Zawngiah theipa chyhsa cha ano hro châta hmo phapa tao ta, Chyhsa chhiepa deikua cha ano sapa châta pasana a tlôkhei tyh.

BIECHHOTUHPA 4:5

Ahrupa cha a ku pako ta, Ano sa â nie tyh.

ISAI 40:11

Mietaku vaituhpa hawhta, A mietaku zawzy a vaih aw; Mietakutawzy cha a bâh ta chalopa ta, A chachôhna liata a pyh aw ta; A taw a chhipazy cha, Dusawta ta a siekhei aw ei.

EZEKIA 34:27

Lyu liata thozy ta ama thei pathei aw ei ta, alei ta kôvei papua aw ta, ama râh liata â bohpa ta ama y aw. Ama raopaky thliepa ta, sei ta a taotuhpazy ku tawhta ei pachha ti ei ta, kei he Abeipa ei châ tahpa ama pahno aw.

MATHAI 23:37

“Hy Zerusale, Zerusale, hrohsopazy thie chi ta, nâ lâta tuapazy alô ta a vawhsaotuhpa khihpi! Awhpanô ta a tachhihzy a mathlaw ry liata a pahmaohpa hawhta, na sawzy pahmaoh a chhuah tyh na ta, châhrasala khoh va chi!

MATHAI 6:26

“Vâ pavawzy khi moh tua u: Chi cheih leipa ei ta, hria hra leipa ei ta, sawvâ liata ryh hra veih ei. Châhrasala nama Paw vârâh liata a ypa ta a pasa lymâ ei. Nâmo cha âmo hlâta sôh via syulyu veih ei chi ma?

RAWMA 1:31

ahrupa, ngiapâ leipa, palôh a hnei leipa nata zawngiahna a hnei leipazy ama châ.

EPHESI 5:28

Cha hawhna chata, vahpazy ta ama lapinôzy cha âmo pôhpa hawhta pachâpa ta, ama lapinôzy kyh ama pachâ awpa a châ. A lapinô kyh a pachâpa cha anosasyh kyh a pachâpa a châ.

EPHESI 5:30

Krista pôhpa pachiahpazy eima châ.

EPHESI 5:31

“Chavâta chapaw ta a nô nata paw siesai aw ta, a lapinô a patu aw; chatanachata pôhpa miakha ama vaw châ ha aw.”