EPHESI 5:26 - Mara Bible RV (BSI)

²⁶ Awnanopa cha bie nata ti ta pasipa ta, a pathaisa thei nawpa ta, Krista cha Awnanopa châta â pie.

EPHESI 5:26 ပူးပေါင်းရင်းမြစ်များ

EZEKIA 16:9

“Chatawhcha ti ta cha pasi na ta, na thisaih cha cha pathaipa na ta, sathaw ei cha thu.

EZEKIA 36:25

Ti pathaihpa cha thia aw ei na ta, nama pathaih leina zydua tawhta vaw pathaih aw ei chi ta, nama khazoh nothlahpa zydua tawhta chhao ei cha pathai aw ei.

THEIHTHAINA 14:11

A pathaisatuhpa theihthaipa ta a pathaisa awpa chyhsa nata cha hmozy cha ahmaohna poh o chhikao liata Abeipa hmiakô ta a soh aw.

THEIHTHAINA 16:30

Cha noh liata, nâmo pathaisa awpa ta nama chatlaina taopa châ aw ta, chatanachata Abeipa hmiakô liata nama moleina zydua tawhta nama pathaih aw.

THEIHTHAINA 8:6

Mawsi ta Arawna nata a sawchapawzy cha a vaw chhi ta, ti ta ama ngai pasi ta.

ZEKARIA 13:1

“Cha noh liata, ama moleina pathai nawpa nata ama puana pasi nawpa ta, Dâvi pathlazy nata Zerusale mozy lâta tihnawh pahypa a châ aw.”

ZAWHÂNA 13:10

Zisu ta a hnohta, “Ngaisi chiehpa cha a phei dei leipa cha pasi byuh vei, a pôhpa cha a pathaih thlâh haw. Nâmo chhao nama pathaih, nama zydua ta deikua châ vei,” tah ta.

ZAWHÂNA 15:3

Nama hnohta ei bie reipa vâta, tahmâ chhao nama pathaih haw.

ZAWHÂNA 15:8

Thei hluhpi pathei ei chi ta, ei pachupazy nama châpa nama palâsapa liana heta, ei Paw cha parônahsapa ta a y.

ZAWHÂNA 17:7

Hmo to eina piepa zydua chi he, nâma tawhtapa a châzie tahmâ la ama pahno haw.

ZAWHÂNA 3:5

Zisu ta a chhy ta, “Hmeiseihta ta, hmeiseihta ta ei cha chho, ahy rai ti nata Thlahpa ta a pih leipa khiahta la, Khazohpa khinarâh a ngia thei aw vei.

HMOTAOPAZY 22:16

Khâpa na hâ khao? Tahmâ thyu la, a moh padopa ta bâti châ la, na moleinazy pasi teh,’ na tah ta.

HMOTAOPAZY 26:18

Ama mozy pavâsapa ta, zohna tawhta khaihna lâ paheisa awpa nata Sâtâ hmotaotheina tawhta Khazohpa hmotaotheina lâ paheisa awpa ta ei cha tuah aw. Chatanachata molei ngiahthaina hmô aw ei ta, einâ ngiapâpa vâ ei ta, pathaisapazy hry liata tovyuh ama hnei hra aw,’ tahpa ta eina chho.

RAWMA 10:8

Cha bie chata khâpa ma a reih? “Bie ta a châ hnia, na pakah nata na palôh liata a y,” tah ta, cha bie cha ngiapâna bie eima chhopa he a châ.

1 KAWRINI 6:11

Nama hry liata thokha chhao, cha hawhpa chyhsa nama châ tyhpa kha. Châhrasala pasipa nata pathaisapa châ ha ei chi ta, Abeipa Zisu Krista moh ta nata eima Khazohpa Thlahpa ta thai pachâsapa nama châ haw.

2 KAWRINI 11:2

Vahpa pakha, Krista tlai cha, châ pahawhpa ei na ta, ano châta laihsa kôpa pathaihpa châ awpa ta a hnohta ei hlâ hapa nama châpa vâta, Khazohpa hiatliana ta ei hia ei cha tlia ei.

EPHESI 6:17

Chatawhcha pachhana lakhu a khu u la, Thlahpa zaozi a chaba teh u. Thlahpa zaozi cha Khazohpa bie a châ.

KAOLAOSÂ 3:16

Krista bie cha nâmo liata biepakhôpa ta y mawh sy. Sona to ta a pachupa ta a chhorei raihrie u la, palôh alyna chôta, reithaina hlazy nata thlahpa hlazy Khazohpa lâ sa teh u.

TITU 2:14

Ano cha paraona zydua tawhta miah chatlaituhpa châ ta, hmo pha taona kyh liata phahnai a ngiahpa, a ryuto phopi châta miah pathaisa awpa ta, anosasyh ta keimo châta a hlâpa a châ.

HEBRAI 10:10

Cha hmochhuahpa hawhna chata, chhâzaw châta ei kha hlâpa Zisu Krista pôhpa ta pathaisapa ta eima y haw.

HEBRAI 10:14

Ei kha â hlâna ta a pathaisa hapazy cha, chhâzaw châta a pakipa ha ei.

HEBRAI 10:22

eima palôh liata chhie nata pha pahnona pha leipazy pathaipa ta, eima pôhpa ti pathaihpa ta pasi sih la, ngiapâna liata alôhna a ipa hneipa ta Khazohpa a hnia ei suh u.

HEBRAI 10:29

Khazohpa Sawchapawpa tlypâ ta, ano pathaisana biehrai thisaih papuapaleipa ta, ngiachhiena Thlahpa ru a pachhôpa cha, kha tluta hriena tha viapa to sala nama pangiasa?

HEBRAI 13:12

Cha hawhna chata Zisu chhao ta ano thisaih tlai ta chyhsazy a pathaisa thei nawpa ta, khihpi thokhy khôtho liata pasa a vaw tao.

HEBRAI 4:12

Khazohpa bie cha hroh ta, hmo tao thei ta, zaozi hâh nopa hlâta tiah via ta, hrona nata thlahpa, ru nata lathli pachhaih theina taihta chhôpahlie thei ta, palôh pachâna nata achhuahnazy a pahno thei.

HEBRAI 9:14

chhâzaw Thlahpa zawhzi ta, seina hnei leipa ta Khazohpa lâ anosasy ta a hlâtuhpa thisaih chhochhi ta cha, eima chhie nata pha pahnona cha hmotaopa thipa tawhta Khazohpa hrohpa chakaona lâta a pathaisa via pachai aw dia!

ZÂMIE 1:18

A hmotaopazy hry liata hmia a sahpa eima châ thei nawpa ta, ano khozie hawhta biehmeiseihpa liata a sapa eima châ.

1 PITY 1:2

Paw Khazohpa pahno chhieliepa hawhta atlyhpazy, Zisu Krista rei a ngiah awpa nata a thisaih ta thia awpa ta Thlahpa ta pathaisapazy ei cha naoh ei. Nama chô liata ngiachhiena nata thlalôhna papôhsapa ta y mawh sy.

1 PITY 3:21

Cha taozie nata a lyupa bâtina ta nâmo chhao tahmâ pachhapa nama châ. Pôhpa tawhta apuapa pathaipa hawhta châ leipa ta, chhie nata pha pahnona pathaihpa hmâpa ta Khazohpa nama padopa vâta, Zisu Krista thyuheihna zawhzi ta pachhapazy nama châ.

2 PITY 1:9

Ahy rai, cha chânazy a hnei leipa cha mochaopa châ ta, lâhniapa dei hmô thei ta, kha hlâta moleina a vaw taopazy pathaisa hapa a châzie a my haw.

1 ZAWHÂNA 5:6

Zisu Krista cha ti nata thisaih ta a vypa châ ta, ti dei ta châ leipa ta, ti nata thisaih ta â vy. Thlahpa cha biehmeiseihpa a châpa vâta, Thlahpa ta ano cha a pahnokhei.

ZUDÂH 1:1

Zisu Krista chakaotuhpa nata Zâmie unawhpa Zudâh ta Paw Khazohpa liata kyhpachâpa nata Zisu Krista châta awpa nata vaipa sahlaozy ei châ naoh ei.