EPHESI 5:20 - Mara Bible RV (BSI)

²⁰ Eima Beipa Zisu Krista moh ta, ato liata Paw Khazohpa hnohta alyna bie khâ reih u la,

EPHESI 5:20 ပူးပေါင်းရင်းမြစ်များ

ZAWBÂ 1:21

“Ei nô chhi tawhta Thluahruapa ta vaw pua na ta, Thluahruapa ta ei kua aw. Abeipa ta pie ta, Abeipa ta a la pakhua haw. Abeipa moh cha Reithaipa ta y mawh sy.”

HLAZY 34:1

Abeipa cha khâ reithai aw na ta, Ano reithaina cha ei pakah liata a y ngâ thlâh ha aw.

ISAI 63:7

Abeipa cha ato miah pietuhpa châ ta, A zawngiahna nata a ngâchhihna lymâ hawhta, Izarei chô liata a pha ngaitapa a châ; Chavâta Abeipa ngâchhihna cha, Khâ a thei aw na ta; Abeipa reithainazy cha, Khâ ei thei thlâh ha aw.

ZAWHÂNA 15:16

Nâmo ta nâ tlyh veih ei chi, kei ta tlao châ tlyh ei na ta, sie ta, thei pathei awpa nata khâ pathei awpa ta ei cha rao ei. Chatanachata ei moh ta Paw lâ nama hiapa maih a cha pie lymâ aw ei.

HMOTAOPAZY 5:41

Lyuhchâpazy cha ryureina tawhta pua ei ta, cha moh vâta maophyuhna a tao tlâhpa ta raopa ama châpa cha a ly ngaita ei ta.

RAWMA 1:8

A hmiatua chai ta, namâ ngiapâna kyh Khizaw zydua liata a pathâhpa vâta, nama zydua châta Zisu Krista moh ta ei Khazohpa lâ alyna bie ei reih.

1 KAWRINI 1:4

Krista Zisu liata Khazohpa ngiachhiena piepa nama châpa vâta, Khazohpa hnohta alyna bie khâ ei reih tyh.

1 KAWRINI 15:24

Cha khai tawhta chhâna a vaw tlô aw. Cha tita Krista ta ryureina, biehneina nata hmotaotheina zydua pahnie khai aw ta, Paw Khazohpa hnohta khinarâh a hlâ aw.

EPHESI 5:4

Bie puapa reipa zy, bie hrupa reipa zy, saiso pathaih leipa bie reipa zy a ngia vei. Chazy taopa hlâta cha alyna bie tlao reih tyh muh vy.

PHILIPI 1:3

Ei châ theina maih ei ta ei Khazohpa hnohta alyna bie ei reih tyh.

PHILIPI 4:6

Khâpa liata hmah nôpopa ta y leipa u la, ato liata thlahchhâpa nata hiapa ta alyna bie reih u la, nama khopazy cha Khazohpa hnohta pahnosa teh u.

KAOLAOSÂ 3:17

Nama taopa maih, biereipa rai châ sala, hmotaopa rai châ sala, Abeipa Zisu moh ta ato tao u la, ano zawhzi ta Paw Khazohpa hnohta alyna bie reih tyh muh vy.

1 THYSALAWNIKA 3:9

Nâmo vâta eima Khazohpa hmiakô liata eimâ lyna zydua vâna heta, Khazohpa lâta alyna bie rei tiah lei eimâ bâh.

1 THYSALAWNIKA 5:18

kyh to liata alyna bie reih teh u. Cha cha nama châta Krista Zisu liata Khazohpa khozie a châ.

2 THYSALAWNIKA 1:3

Unawh saih u, nâmo vâta Khazohpa hnohta alyna bie khâ a reih awpa eima châ. Cha cha eima tao awpa rai a châ. Ngiapâna kyh liata thata laiseih ei chi ta, kyh namâ pachâ raihriena mo to liata a pôh rili.

2 THYSALAWNIKA 2:13

Abeipa kyhpachâpa unawh kho ngaitapa saih u, Thlahpa Pathaihpa pathaisana nata biehmeiseihpa ngiapâna vâta pachha châna liata thei hmiatuapazy châ awpa ta, Khazohpa ta â tlyhpa nama châpa vâta, nâmo vâta Khazohpa lâ alyna bie khâ a reih awpa eima châ.

HEBRAI 13:15

Chatanachata ano zawhzi ta reithaina atheihna cha Khazohpa hnohta khâ hlâ suh vy. Cha cha a moh achâhkheina hmaozy theilâpa a châ.

1 PITY 2:5

Zisu Krista zawhzi ta Khazohpa a pyh tlâhpa thlahpa atheihna hlâtuhpa theihthai pathaihpazy châ awpa ta, alô hrohpa hawhta paduapa thlahpa o nama châ.

1 PITY 4:11

Ahy rai bie a reihpa maih Khazohpa bie hawhta reih sala, a chakaopa maih Khazohpa ta thatlôna a piepa lymâ hawhta chakao mawh sy. Chatanachata Zisu Krista vâta Khazohpa cha kyh to liata palyupalihpa ta a y thei aw. Rônahna nata hmotaotheina cha chhâzaw nata tlyzaw ta ano eih châ tlôh ta. Amen.