EPHESI 5:19 - Mara Bible RV (BSI)

¹⁹ Reithaina hlazy, Khazohpa hlazy, thlahpa hlazy ta bie a chho raihrie u la, nama pathipalôh ta Abeipa lâ hla sapa ta, totâ tô teh u.

EPHESI 5:19 ပူးပေါင်းရင်းမြစ်များ

HLAZY 147:7

Alyna bie hlâpa ta Abeipa lâ hla sa u la, Totâ chhaota eima Khazohpa cha reithai teh u!

HLAZY 62:8

Hy chyhsazy saih u, ano cha khâ ngâ u la, A hmiakô liata nama palôh pakeichheih muh vy; Khazohpa cha eimâ chhaina a châ. Selah

HLAZY 86:12

Hy Abeipa ei Khazohpa, Ei palôh zydua ta alyna bie cha hlâ na ta, Chhâzaw ta na moh ei parônahsa aw.

HLAZY 95:2

Alyna bie reipa ta a hmiakô lâ vawh ei sih la, Reithaina hla sapa ta thaphapa ta ano lâ ao papua ei suh u!

ISAI 65:14

Nâ chakaotuhpazy cha palôh tlâhna hla sa aw ei ta, Nâmo deikua cha palôh pasapa ta cha aw ei chi ta, Thlahpa rietheipa ta namâ hrô aw.

MATHAI 15:8

“‘He phopi heta, Ama hmao ta na palyupalih ei ta, Ama pathipalôh ta deikua einâ hla kaw ei.

MATHAI 26:30

Hla ama sa khai nahta, Ôli tlâh lâ sie ha ei ta.

HMOTAOPAZY 16:25

Zâcho ta Pawla nata Sila cha Khazohpa lâ thlahchhâpa ta hlazy sa ei ta, atâhpazy ta nathlie ei ta.

1 KAWRINI 14:15

Kheihta a châ aw tly? Thlahpa ta thlahchhâ aw na ta, ei palôh chhao ta ei chhâ aw. Thlahpa ta hla sa aw na ta, ei palôh chhao ta ei sa aw.

1 KAWRINI 14:26

Cha khiahta la unawh saih u, kheihta a châ aw? Namâ pakhy nahta, chyhsa to ta hla, pachuna bie, aluahna, reihtheileipa nata a chhopasiana zy nama hnei chyu. Hmo to zydua he taopathina châta châ khai mawh sy.

KAOLAOSÂ 3:16

Krista bie cha nâmo liata biepakhôpa ta y mawh sy. Sona to ta a pachupa ta a chhorei raihrie u la, palôh alyna chôta, reithaina hlazy nata thlahpa hlazy Khazohpa lâ sa teh u.

ZÂMIE 5:13

Nama hry liata pasataopa ama y ma? Thlahchhâ mawh sy. Alypa ama y ma? Reithaina hla sa mawh sy.

BIEPHUAH 5:9

Chatawhcha âmo chata, “Nâ cha châbu chatypa a la tlâhpa châ chi ta, A chahnaonazy a pathlâ tlâhpa na châ. Thiepa ta y chi ta, Na thisaih ta, Chi to nata reih to, Phopi to nata râh to zy cha, Khazohpa châta na chatlai ha ei.