EPHESI 5:15 - Mara Bible RV (BSI)

¹⁵ Chatanachata asoleipazy hawhta y leipa u la, asopazy hawhta ypa ta, nama yzie liata a chado teh u.

EPHESI 5:15 ပူးပေါင်းရင်းမြစ်များ

2 SAMUELA 24:10

Châhrasala chyhsa maluh a rei khai nahta, Dâvi cha a palôh liata thata a tymâ ta. Dâvi ta Abeipa hnohta, “Ei hmo taopa liata thata ei vaw molei haw. Châhrasala tahmâ he, Hy Abeipa y, ei châ haw na, châ chakaotuhpa paraona he rie pahlei ha mah y. Hru ngaitapa ta na ei vaw tao haw,” tah ta.

ZAWBÂ 2:10

Zawbâ ta a lapinô hnohta, “Chanô hrupa bie rei ta dua na rei thlâh haw. Khazohpa tawhta hmo phapa hmô pi ta, hmo chhiepa chhao eima hmô hra awpa châ vei ma?” tah ta. He hmo zydua liana heta, Zawbâ chata a hmao ta moleina hmo rai reih vei.

HLAZY 73:22

Ahrupa nata hmo a pahno leipa châ na ta, Na hmiakô liata râhsa hawhta ei ypa kha.

PUASAINA 23:13

Nama hnohta ei reipa zydua he pachâ u la, khazoh hropazy moh rai reih leipa u la, na pakah tawhta a pua rai ta pua khah sy.

BIESOZY 14:8

Asopa sona cha a sie nawpa lâpi pahnosa ta, Ahrupazy hruna deikua cha dôveina a châ.

BIESOZY 15:21

Hruna cha sona a phahlapa châta â lyna châ ta, Chyhsa novâhpa deikua cha lâpi patlâpa liata a sie tyh.

MATHAI 10:16

“Pachâ teh u, changie hry liata mietaku hawhta ei cha tua ei hih. Chavâta parihzy hawhta so u la, vachhuhzy hawhta nônaipa ta y teh u.

MATHAI 25:2

Ama hry liata papangawh ahrupa châ ei ta, papangawh asopa ama châ.

MATHAI 27:24

Pilâ ta khâpa hmahta tao thei leipa ta, tlao â tymâ via rilipa a hmô nahta, ti la ta, zawpi hmiakô liata a ku a si ta, “He chyhsa siapa thisaih liana heta ei pathaih na, nâmo tao ta tao teh u,” tah ta.

MATHAI 27:4

Ama hnohta, “Pei hria leipa thisaih ei paphasaipa vâta, ei vaw molei haw,” tah ta. Âmo ta, “Cha cha keimo châta khâpa a pei aw? Nâma tao ta tao teh” tah ei ta.

MATHAI 8:4

Zisu ta a hnohta, “Ahy hmahta chho lei awpa ta a sohsi mah y. Anodeikuacha ama zo thei nawpa ta, sie la, theihthaipa a kei pamosa la, Mawsi ta hmo hlâ awpa a raopa kha kei hlâ mah y,” tah ta.

LUKA 24:25

Zisu ta ama hnohta, “Hy ahrupa saih u! Hrohsopazy bie reipa zydua a ngiapâ nawpa kyh liata nainôsôpazy saih u!

1 KAWRINI 14:20

Unawh saih u, hawti palôh phaoh khah u. Moleina kyh liata cha hawsaih hawhta châ u la, palôh lâta deikua cha pitlohpa ta y teh u.

KALATIA 3:1

Hy Kalatia mo ahrupa saih u! Ahy ma châ dyu ei? Nama mohmô lia tlai ta, Zisu Krista cha khaipâpa ta a ypa a siapa ta palâsapa a châ.

KALATIA 3:3

Khazia he tlu po ta nama hru tly? Thlahpa ta pathao ei chi ta, sapa ta ma nama pachhâ aw?

EPHESI 5:2

Krista ta kyh miah pachâ ta, ropahâhpa châta Khazohpa lâta hmohlâpa ta nata atheihna ta keimo châta â piepa hawhna khata, kyhpachâna hro ta nâmo chhao hroh teh u.

EPHESI 5:33

Khâpa rai châ sala, ahy rai ta ano kyh â pachâpa hawhta a lapinô kyhpachâ sala, lapinô chhao ta a vahpa za thai mawh sy.

PHILIPI 1:27

Khâpa rai châ sala, nama hro cha Krista thâtihpha nata a hmie tua mawh sy. Chatanachata nâmo ei châ vaw hmô ei tlyma, hmô vei ei tlyma, thlahpa miakha liata â ipa ta a duahpa ta, palôh miakha phaopa ta thâtihpha ngiapâna bie a châhkhei ei chi ta, nama tei lymâ tahpa ei vaw pahno aw.

KAOLAOSÂ 1:9

Cha vâna chata, nama thâtih eima thei noh tawhta, nâmo châta thlahchhâ bâh beih ma pi. Thlahpa lâ sona nata novâhna zydua hneipa ta, ano khopa pahnona ta pabiepa nama châ thei nawpa ta, eima cha hiapa tyh.

KAOLAOSÂ 4:5

Rypaohna patu thai lymâpa ta, khôtho chyhsazy liata so ngaitapa ta y teh u.

1 THYSALAWNIKA 5:15

Moleina cha moleina ta viarithô leipa u la, hmopha a taopa raihriepa ta, chyhsa to chô liata hmopha tao teh u.

1 TIMAWTHY 6:9

Hneirôh a chhuahpazy ta reipasaona liata a ngia ei ta, khoheih liata amâ ao tyh. Âmo a parao thei awpa hmozy khoh ei ta, hru kawpa ta hmo taopa ta, ama pao tyh. Hneirôh khona ta chyhsazy cha raona nata leidiana liata a pamôh tyh ei.

HEBRAI 12:25

Biereituhpa khoh leipa ta nama y pathlei lei nawpa ta a chado teh u. Alei liata zikyurâtuhpazy khoh leipa hmahta hriena ama khôkhâh vei khiahta cha, vârâh tawhta zikyu miah râtuhpa eima dytha khiahta cha, hriena eima khôkhâh lei pachai aw dia!

ZÂMIE 3:13

Nama hry liata ahy ma asopa nata novâhpa a y? A reisi ngaitapa nata so ngaitapa ta, a hmotaopazy cha hrozie phapa ta pamosa mawh sy.

1 PITY 1:22

Unawhzy kyhpachâna hmeiseihpa hnei awpa ta biehmeiseihpa zyh ei chi ta, nama thlahpa nama pathaisa ha tawhta cha, palôh pathaihpa nata hmeiseihpa ta kyh a pachâ raihrie muh vy.

BIEPHUAH 19:10

Ano a chhy awpa ta a phei thaby liata kei pao na ta. Châhrasala ano ta ei hnohta, “Khata tao khah y! Kei cha nâ nata na unawhpa, Zisu bie a pyhtuhpazy chakaolâhpa ei châ. Khazohpa tlao a chhy teh. Zisu bie cha hrohsona thlahpa châ tlôh ta,” tah ta.