EPHESI 5:11 - Mara Bible RV (BSI)

¹¹ Zohna hmotaopa a pathei beih leipazy liata a hlao leipa u la, zohna hmotaopazy cha tlao palâhâh teh u.

EPHESI 5:11 ပူးပေါင်းရင်းမြစ်များ

ÂTHAONA 20:16

Sârâ hnohta, “Moh tua, na rilâhpa hnohta tâkâ tlaw sâh kha ei pie ha hih. He he na hnohta a ypa zydua mohmô liata na thaichâna palâsana a châ. Chyhsa zydua mohmô ta tlokhuh thai pachâsapa na châ haw,” tah ta.

HLAZY 141:5

Mosiapa ta cha na tu mawh sy, Cha cha eina khokheipa vâta a châ; Na chhorei mawh sy, Ei luh châta sathaw châ ta, Ei luh ta dytha khah sy. Chatanachôta hmo moleipa ama taopazy a dyuh na ta, Thlah ei chhâ lymâ.

BIESOZY 1:10

Ei sawchapawpa y, moleipazy ta ama cha reipasao khiahta cha, A pyh khah y.

BIESOZY 1:31

Âmo yzie thei nie aw ei ta, Âmo hmotaopazy ta lôhrâ amâ patlô aw.

BIESOZY 13:18

Pachuna a khoh leipa cha dyhchhiena nata nohzaona ta tlô thlu aw ta, Rana a pyhpa deikua cha palyupalihpa a châ tyh.

BIESOZY 15:12

Chyhsa mohnao a hmâhpa cha rana pasô leipa ta, Chyhsa sopa pangai aw vei.

BIESOZY 19:25

Chyhsa a pasipasawhpa cha tu la, Sona a phahlapa ta sona a chu aw ta; Chyhsa sovâhpa cha chhorei la, A pahnona a pôh aw.

BIESOZY 25:12

Ngôh rahy nata ngôh suapa atobina kho â chhihpa hawhta, Chyhsa sopa chhoreina chhao, Reingiahpa nakhaoh liata kho â chhih.

BIESOZY 28:4

Ryhpa a heihsaituhpazy cha moleipazy reithai tyh ei ta, Ryhpa a zyhtuhpazy deikua ta cha moleipazy amâ dyuh tyh.

BIESOZY 29:1

Khâ chhoreipa chhao ta a kuh a chhapa cha, Eikhapi ta thliepa châ aw ta, Tlâh thei khao aw vei.

ISAI 29:21

Chazy chata bie ta chyhsa thailei pachâ tyh ei ta, Thokhy chhikao liata chhoreituhpa cha, Ano paao nawpa ta khoheih chôh ei ta; Pahnokheina doleipa hmâpa ta, Mosiapa thailei ama pachâsa tyh.

ZEREMIAH 15:17

Haosai a taopazy hry liata a tyuh leipa na ta, Haosai liata a ly hra va na. Ei chô liata na ku y ta, Ruchhôna ta eina pabiepa vâ chi ta, Kei dei ta tlâ ei tyuh tyh.

THEIHTHAINA 19:17

“Na palôh ta na unawhpa nâ hao awpa châ leipa ta, a thaileichâna liata nâ hlao hra lei nawpa ta, na vaih cha na chhorei awpa a châ.

MATHAI 18:15

“Na unawhpa ta na chô liata hmo a parao khiahta cha, ano lâ charei la, ano nata nâma deita pahnopa ta â do leina cha chho mah y. A cha nathlie khiahta cha, na unawhpa cha na pahnie hapa a châ.

LUKA 3:19

Bei Herawda cha a unawhpa lapinô Herawdi kyh liata nata hmo moleipa a taopa zydua vâta Zawhâna ta vaw chhorei ta.

HMOTAOPAZY 26:18

Ama mozy pavâsapa ta, zohna tawhta khaihna lâ paheisa awpa nata Sâtâ hmotaotheina tawhta Khazohpa hmotaotheina lâ paheisa awpa ta ei cha tuah aw. Chatanachata molei ngiahthaina hmô aw ei ta, einâ ngiapâpa vâ ei ta, pathaisapazy hry liata tovyuh ama hnei hra aw,’ tahpa ta eina chho.

RAWMA 13:12

Zâ he chhâ daihmâ ta, khih a deih daihmâ. Chavâta zohna hmotaopa zydua thy sih la, khaihna chhaichhi ta a tobi suh u.

RAWMA 16:17

Unawh saih u, biezyhpa eima cha pachupa chakhiapa ta, achhaihna taopa ta, paona châ sokhâhtuhpazy tawhta a vaih awpa ta ei châ haw ei. Âmo cha a kâsai teh u.

RAWMA 6:21

Tahmâ ta nama zakhei kawpa hmo nama vaw tao tyhpazy tawhna khata, khâpa theilâpa ma nama hmô? Kha hmozy chhâna cha thina a châ.

KALATIA 6:8

Ano sapa châta chi a tupa cha, sapa thina thei hria aw ta; Thlahpa châta chi a tupa cha, chhâzaw hrona Thlahpa thei a hria aw.

EPHESI 4:22

Eikhano ta nama hrozie ta a hrohpa, dôveina piehpie aohraohna ta a parao tyhpa, nama chyhsa parohpa kha pahluh u la,

EPHESI 5:12

Arulâta ama tao tyhpazy cha, reipa chhao ta nozachhihpa hmo a châ.

EPHESI 5:7

Chavâta âmo cha a hlykhei khuh vy.

KAOLAOSÂ 1:12

Chatanachata khaihna khinarâh liata mopathaihpazy ryutolâhpa châ awpa ta châ patlohsatuhpa Paw hnohta alyna bie nama reih thei aw.

1 THYSALAWNIKA 5:7

A môpazy cha zâ ta a mô tyh ei ta, sahma paripazy chhao zâ ta ama pari tyh.

2 THYSALAWNIKA 3:14

Ahy rai, he châpaphaopa liata eima bie a zyh vei khiahta cha, cha chyhsa cha ngia u la, nozapa ta a y thei nawpa ta, a pahlao khuh vy.

2 THYSALAWNIKA 3:6

Unawh saih u, keimo tawhta pachuna bie nama daopa hawhta y leipa ta, thathipa ta a ypa unawh tawhta a panano awpa ta eima Beipa Zisu Krista moh ta bie eima cha pie.

1 TIMAWTHY 5:20

Moleina taotuhpazy cha, zawpi hmiakô liata chhorei la, chatanachata mohropazy chhao ta ama chi aw.

1 TIMAWTHY 5:22

Chyhsa chô liata ku pahnieh awpa ta a para leipa la, mohropazy moleina liata a hlao leipa la, pathaihpa ta y mah y.

1 TIMAWTHY 6:5

Chyhsa nata chyhsa likah liata bie pha leipa a tu tyhpa châ ei ta, cha hawhpa chyhsazy cha palôh chhiepa, biehmeiseihpa liata a duah leipa, Khazohpa lâ hmo pachâpa cha athôhna khiah ma a tahpazy ama châ.

2 TIMAWTHY 3:5

Khazohpa chyhsa hawhta a lâ aw ei ta, châhrasala a hmotaotheina deikua zo aw veih ei. Cha hawhpa chyhsazy cha a heihsai mah y.

2 TIMAWTHY 4:2

Bie cha chho teh. A daihti nata a daihti leipa liata chhao chho teh. Dao thei ngaitana chôta nata pachuna chôta ama thaileizie pahnosa la, chhorei la, pasyu teh.

TITU 2:15

Cha biezy cha pachupa ta, pasyu la, biehneina zydua chhaota chhorei mah y. Ahy hmahta cha mohnao khah ei sy.

BIEPHUAH 18:4

Chatawhcha avâ tawhta ao hropa thei na ta, ao chata, “Hy ei phopi, Ano tawhta vaw pua teh u; Chataleipatala a moleinazy liata a hlao pathlei aw ei chi ta, A potlana liata namâ hlao pathlei aw na.