EPHESI 4:31 - Mara Bible RV (BSI)

³¹ Ruchhôna, pathiiana, hiehâhna, paphôhna nata reipachhiena zydua nâmo tawhta thy khai teh u.

EPHESI 4:31 ပူးပေါင်းရင်းမြစ်များ

ÂTHAONA 27:41

A paw ta byhnâ a patosa hapa vâta, Zakaw cha Esaw ta a hao kaw ta. Esaw ta a palôh liata, “Ei paw mâchhie eima sa nawpa nohzy a hnia ha ta, cha tina chata ei unawhpa Zakaw cha ei thie aw,” tah ta.

ÂTHAONA 37:21

Rubena ta ama biereipa cha a thei nahta, “A thie ngâsâ cha thie khah ei suh u,” tah ta, ama ku tawhta pachha a chhuah ta.

ÂTHAONA 37:4

Ama paw ta ano cha a unawh zydua hlâta kyh a pachâ via tahpa a unawhzy ta ama pahno nahta, ano cha a hao kaw ei ta, reikah phapa rai hlâ khoh leipa ei ta.

ÂTHAONA 4:8

Kainâ ta a unawhpa Abela hnohta, “Lyu lâ sie ei sih y,” tah ta. Lyu liata ama y nota, Kainâ ta a unawhpa Abela cha thyuhnao ta, thie ha ta.

2 SAMUELA 13:22

Absalaw deikua cha Amanaw hnohta bie chhiepa tlyma, bie phapa tlyma, khâpa hmah reih leipa ta, a sietanô Tâmâri noh a pazaopa vâta, Absalaw ta Amanaw cha a hao ngaita ta.

2 SAMUELA 19:27

Châhrasala nâ chakaotuhpa ta châ chakaotuhpa he ei zibeipa abei lâta â do leipa ta eina leih hapa tlao a châ. Ei zibeipa abei cha Khazohpa vâlyuhchâpa hawhta châ chi ta, pha na tahpa hawhta tao mah y.

2 SAMUELA 19:43

Izarei mo ta Zudâh mo cha a chhy ei ta, ama hnohta, “Abei liana heta tovyuh vyuh hrawh hnei pi ta, Dâvi liana heta nâmo hlâta tovyuh eima hnei via mâh tâh. Khazia ma khâpasaw ta miah nama rei vei? Eima bei a vaw chhi heih nawpa kyh he a pahrua tuatuhpa châ ma pi mâ?” tah ei ta. Châhrasala Zudâh mo bie cha Izarei mo bie hlâta pachyu via ha ta.

HLAZY 101:5

Ahy rai arulâta a vaih a leihtuhpa cha, Ei pahleipadia aw. Ahy rai a mo â sâhpa nata palôh laipa cha, Chhyh thai aw va na.

HLAZY 140:11

Kyhchhie a reih thaipazy cha, Râh liata paduapa châ leipa ei sala; Thachahra a hmâhpa chyhsazy cha, Hmo pha leipa ta a chatliepa ta chadai ei sala pahlei mawh ei sy.

HLAZY 15:3

A paleih ta kyh rei a hmâh leipa, A vaih chô liata hmo chhiepa a tao leipa, Â doleipa ta a viasa a reipachhie leipa;

HLAZY 37:8

Hiehâh lei awpa ta maoh oh la, Pathiiana a heihsai mah y! Na ru a pachhô khah y, Ruchhôna cha hmo pha leipa deita a tlôkhei tyh.

HLAZY 50:20

A tyuh chi ta, na unawhpa reipasipasua chi ta, Na nô sawchapawpa cheingei na reipachhie.

HLAZY 64:3

Chazy chata zaozi hawhta ama paleih chata ei ta, Châtai hawhta bie khapazy ta ama mopâ.

BIESOZY 10:12

Ahaona ta ahryuna papua ta, Kyhpachâna deikua cha paraona zydua a khu tyh.

BIESOZY 10:18

Ahaona a phihtuhpa cha hmao haihthaipa hnei ta, Kyh reina bie a papuapa cha ahrupa a châ.

BIESOZY 14:17

Pathi pachhohpa cha hru kawpa ta hmo tao ta, Hmo chhiepa tao â chhuahpa chhao a haopa a châ tyh.

BIESOZY 18:8

Hohiahpa biezy cha pati pahâhpa hawhta châ ta, Py chhôh lâ a zu tyh.

BIESOZY 19:12

Abei hiehâna cha chakeibarôhneipa a rôhpa hawhta châ ta, A khokheina deikua cha sibiepa chôta diati a tlapa hawhta a châ.

BIESOZY 25:23

Maw thlih ta vâsua vaw tlôkhei ta, Kyh rei a hmâhpa paleih ta hiehâhna hmia a tlôkhei.

BIESOZY 26:20

Tho chhâ ta mei a thipa hawhta, Hohiahpa y leina liata cha ahryuna chhao â chalih.

BIESOZY 29:22

Chyhsa pathichhiepa cha ahryuna pathyu ta, Chyhsa hiehâhpa ta hmo hluhpi a parao tyh.

BIESOZY 29:9

Chyhsa sopa ta chyhsa hrupa ryureina liata â ngiakhei khiahta cha, Ahrupa cha hiehâhpa nata pahneiparâpa ta y ta, Aryhna y thei vei.

BIESOZY 6:19

Haipa hu a sopa pahnokheituh pakheipa nata Unawhzy achhaihna chi tutuhpazy ama châ.

BIECHHOTUHPA 7:9

Hiehâhna cha ahrupazy palôh liata riehmo a paryhpa châ ta, Chavâta hiehâh awpa ta na palôh a para khah y.

ZEREMIAH 6:28

Ama zydua ta palôh laipa nata chhorupa châ ei ta, Chyhsa a reipachhie thaipazy a kao tyhpa ama châ. Dawh nata thua châ ei ta, Avyuhna a taopazy ama châ.

ZEREMIAH 9:4

“Chyhsa to ama vaih tawhta a vaih ei sala, Ama unawhpa chhao ngâ khah ei sy. Unawh to dôvei a hmâhpa sai châ ei ta, Vaihzy chhao kyh rei a thaipa sai ama châ.

HMOTAOPAZY 21:30

A khihpi duata a tymâ ei ta, zawpi a râ pakhy ei ta. Pawla cha patupa ta Achhyna o tawhta a daophi ei ta, ochhizy thlai khaw ei ta.

RAWMA 3:14

Ama pakah cha chhiesana nata ruchhôna ta a bie.

1 KAWRINI 14:20

Unawh saih u, hawti palôh phaoh khah u. Moleina kyh liata cha hawsaih hawhta châ u la, palôh lâta deikua cha pitlohpa ta y teh u.

1 KAWRINI 5:8

Chavâta Zawpakhô kyhchhi ei suh u. Thinô parohpa, nôchhiena nata moleina thinô ta châ leipa ta, thinô pahlao leipa viahchhâ, palôh dopa nata biehmeiseihpa ta kyhchhi ei suh u.

2 KAWRINI 12:20

Ei vy tita, ei pachâpa hawhta ei cha hmô lei awpa ei chi na ta, nâmo chhao ta nama pachâpa hawhta eina hmô lei awpa ei chi ei ngiaroh kaw. Ahryuna, hiatliana, hiehâhna, akhakhaina, areipachhiena, kyh reina, apasâhsana nata tymâna zy a y pathlei aw tahpa ei chi kaw.

KALATIA 5:20

nothlahpa achhyna, dyuthaina, ahaona, ahryuna, hiatliana, pathichhiena, ateina, apananona, achhaihna,

EPHESI 4:22

Eikhano ta nama hrozie ta a hrohpa, dôveina piehpie aohraohna ta a parao tyhpa, nama chyhsa parohpa kha pahluh u la,

EPHESI 4:25

Chavâta haipa bâhsai u la, nama vaih hnohta biedopa reih chyu teh u. Pôhpa miakha tawhta a pachiahpa sai eima châ.

EPHESI 4:26

Nama hiehâh sala, molei deikua molei khuh vy. Nama hiehâhna cha noh ta tlakhei leipa sala,

KAOLAOSÂ 3:19

Vahpa saih u, nama lapinôzy kyhpachâ u la, ama chô liata a hrâhraoh khuh vy.

KAOLAOSÂ 3:8

Tahmâ deikua cha, hiehâhna, pathichhiena, ahaona, reipachhiena nata bie puapa zy nama pakah tawhta nama pahlei awpa a châ.

1 TIMAWTHY 3:11

Cha hawhna chata chanôzy chhao chyhsa zachhihpa, chyhsa kyh a reih leipa, a sohsi theipa nata ato liata ngâchhihpa ama châ awpa a châ.

1 TIMAWTHY 3:3

kresawhti pari hmâh leipa, thachahra hmâh leipa chyhsa nônaipa, ahryuchhiana a tao leipa nata tâkâ sôh liata karâ y leipa a châ awpa a châ.

1 TIMAWTHY 5:13

Cha dei châ vei, thathipa ta y ei ta, o to ta amâ khiekhâ tyh. Ama thathipa dei châ leipa ta, chyhsa kyh reih ei ta, biethâhzy taopa ta, rei lei awpazy ama reih tyh.

2 TIMAWTHY 2:23

Aeichhiana hrupa nata phahnai leipazy cha ahryusina a papua tyh tahpa pahno chi ta, chavâta cha hawhpa liata a hlaohli khah y.

2 TIMAWTHY 3:3

kyhpachâna a pikhei leipazy, aryhna a tao khoh leipazy, haipa ta chyhsa leih hmâhpazy, a sohsi thei leipazy, nôchhiepazy, hmo pha a khoh leipazy,

TITU 1:7

Awnanopa chhituhpa cha Khazohpa sôh mokhâhtuhpa a châpa vâta, seina hnei leipa a châ awpa a châ. Chyhsa apalaipa, pathichhiepa, kresawhti pari hmâhpa, thachahra a hmâhpa nata avyuhna ta athôhna a tluapa a châ awpa châ vei.

TITU 2:3

Nôhrâhpazy chhao, ama yzie liata Khazohpa a chizapa, chyhsa kyh a reih leipa nata kresawhti sei ta y leipa ta, hmo phapa pachutuhpazy châ awpa ta pachu mah y.

ZÂMIE 1:19

Unawh kho ngaitapa saih u, he he pahno teh u. Chyhsa to ta bie rei a chhu leipa ta, nathlie tlao a chhu ei sala, hiehâh rupa châ mawh ei sy.

ZÂMIE 3:14

Nama palôh liata hiatlia pasa kawpa nata khohlei khona a hneipa nama châ khiahta deikua cha, nama sona cha a palaikhei leipa u la, biedopa a dyuhpa ta haipa bie reih khuh vy.

ZÂMIE 4:11

Unawh saih u, nâmo nata nâmo a reipachhie khuh vy. Ahy rai unawhpa a reipachhiepa tlyma, unawhpa a seipa tlyma cha, ryhpa a reipachhiepa nata a seipa a châ. Ryhpa na sei khiahta cha, ryhpa a zyhtuhpa châ leipa chi ta, ryhpa a pachiatuhpa tlao na châ.

1 PITY 2:1

Chavâta ahaona, haidihaiduana, phapakheina, hiatliana nata reipachhiena zydua bâhsai teh u.

1 ZAWHÂNA 3:12

Moleipa tawhta a puapa, ano unawhpa a thietuhpa Kainâ hawhna khata eima y awpa châ vei. Khâpa vâta ma a unawhpa kha a thie? A hmotaopazy kha moleina hmo châ ta, a unawhpa hmotaopazy kha a siapa a châpa vâta a châ.

1 ZAWHÂNA 3:15

Ahy rai a unawhpa a haopa cha lianycheihpa châ ta, lianycheihpa ahy hmah chhâzaw hrona a chakaihpa y veih ei tahpa nama pahno.

BIEPHUAH 12:10

Chatawhcha avâ liata ao paro ngaitapa thei na ta, ao chata, “Tahmâ cha eima Khazohpa pachhana, hmotaotheina, khinarâh nata a Krista biehneina zy a vaw tlô haw. Eima unawhzy a leihtuhpa, eima Khazohpa hmiakô liata chhô nah zâ ta âmo a leih tyhtuhpa cha, za thy pathlahpa a châ haw.