EPHESI 4:29 - Mara Bible RV (BSI)

²⁹ Bie pha leipa rai nama pakah tawhta pua khah sy. Chyhsa taopathi nawpa bie deita, a daihti nata su a hmiepa ta, nama pakah tawhta pua mawh sy. Chatanachata a theituhpazy châta ngiachhiena ama tona a châ aw.

EPHESI 4:29 ပူးပေါင်းရင်းမြစ်များ

HLAZY 45:2

Chyhsa sawzy hlâta chhithai chai chi ta, Na hmaozy liata ngiachhiena hrypa châ ta, Chavâta Khazohpa ta chhâzaw ta vânoh a cha patosa.

HLAZY 5:9

Ama pakah liata ngâchhihna y leipa ta, Ama palôh cha paraona ta a bie. Ama rao cha thlâ a pahypa châ ta, Ama paleih ta hmiahmô ama châ tyh.

HLAZY 52:2

Nâ, dôveina rai a hriatuhpa, Na paleih ta raona patohpatia ta, Na paleih cha chaidâh tiahpa hawhta a châ.

HLAZY 71:24

Ei paleih he noh y ta na siana bie reih aw ta, Pasasa nâ chhuahpazy cha, Maophyuhpa nata hnabeidypa ta ama y.

BIESOZY 12:13

Moleipa cha ano hmao paraona liata a ao ta, Mosiapa deikua cha tymâna a khôkhâh tyh.

BIESOZY 15:23

Thlai ta achhyna pie tyhpa ta chyhsa palysa ta, A daihtita ta bie rei tyhpa cha a pha kaw dia!

BIESOZY 15:7

Asopazy hmao cha pahnona hiepatla ta, Ahrupazy palôh deikua cha cha hawhta châ vei.

BIESOZY 16:21

Palôh sopa cha hmo yzie a pahno thaipa tahpa châ aw ta, Reikah thlôhpa ta chyhsa a pahnie tyh.

BIECHHOTUHPA 10:12

Asopa cha a pakah biezy ta ngiachhiena pahlaosa ta, Ahrupa hmao deikua cha ano a palâtuhpa a châ.

ISAI 50:4

Bie hmâpa ta thachhâpazy thapatlôzie ei pahno thei nawpa ta, Abeipa Zehôvâh ta paleih asaomâna na pachu ta, My chareih ta na pahrapa ta, Paleih asaomâna na pachu awpa ta ei nah a pahra tyh.

MATHAI 5:16

Cha hawhna chata, nama khaihna cha chyhsa mohmô ta khaih mawh sy. Chatanachata nama hmo pha taopa hmô aw ei ta, nama Paw avâ liata a ypa ama palyupalih thei aw.

LUKA 4:22

Chyhsa zydua ta Zisu cha reithai ei ta, ngiachhiena bie a pakah tawhta a puapazy vâta ama noâh kaw ta, “He chyhsa he Zawsi sawchapawpa kha châ vei ma?” tah ei ta.

ZAWHÂNA 1:37

A pachupa pano ta a bie reipa ama thei nahta, Zisu cha zi ha ei ta.

RAWMA 14:19

Chavâta thlalôhna a tlôkhei awpa nata tha a patlô raihriena a châ awpa hmozy a chadai lymâ suh u.

RAWMA 15:2

Eima vaihzy thapatlô sih la, ama pha nawpa taopa ta palysa a chhuah chyu suh u.

1 KAWRINI 14:19

Chtahrasala Awnanopa pakhyna liata la, reihtheileipa ta biesâ thy kha reipa hlâta, mohropazy ei pachu thei nawpa ei ta, reih theipa ta biesâ miapangawh reipa pha ei tah via.

EPHESI 4:12

Chazy cha chakaona rai hria awpa ta mopathaihpazy pachhuahpanoh ta, Krista pôhpa pipatlohsa nawpa ta piepa a châ.

EPHESI 4:16

Ano liana chata pôhpa pachiahpa to a pazaopakhypa ta, pachiahpa to ta ama raihria chyu a phapa ta ama hria nahta, pôhpa cha kyhpachâna liata a laiseih tyh.

KAOLAOSÂ 4:6

Chyhsa to hnohta namâ chhyzie awpa nama pahno thei nawpa ta, nama reikah a puapa cha, khatino rai ta ngiachhiena ta bie sala, alôh hawhta iahpa châ lymâ mawh sy.

1 THYSALAWNIKA 5:11

Chavâta nama tao tyhpa hawhta, a pasyu raihrie u la, tha a patlô raihrie tyh muh vy.

1 PITY 2:12

Zenitaizy hry liata zachhihpa ta y teh u. Chatanachata moleina hmo a taopazy hawhta ama cha reipachhiepa chhao ta, nama hmo pha taopazy hmô aw ei ta, Khazohpa ta miah a vaw tly noh ta ano cha ama palyupalih thei aw.

1 PITY 3:1

Cha hawhna chata nâmo, lapinô saih u, nama vahpazy rei a ngiah teh u. Chatanachata Khazohpa bie a zyh leipa vahpazy ama y khiahta cha, bie ta chho cheingei hlei leipa chhao ta, ama lapinôzy hrozie ta pahniepa ta ama y thei aw.

2 PITY 2:18

A patahtheisa kawpa ta bie hraoleipazy reih ei ta, moleipa chyhsazy tawhta a râ dyupazy cha, sapa aohraohna moleina liata ama pahluasa tyh.