EPHESI 4:26 - Mara Bible RV (BSI)

²⁶ Nama hiehâh sala, molei deikua molei khuh vy. Nama hiehâhna cha noh ta tlakhei leipa sala,

EPHESI 4:26 ပူးပေါင်းရင်းမြစ်များ

HLAZY 37:8

Hiehâh lei awpa ta maoh oh la, Pathiiana a heihsai mah y! Na ru a pachhô khah y, Ruchhôna cha hmo pha leipa deita a tlôkhei tyh.

HLAZY 4:4

Nama hiehâh sala, Molei deikua molei khuh vy; Nama rakhô chô liata nama palôh ta pachâ u la, A chalihsai thlâh ha muh vy. Selah

PUASAINA 11:8

Châ chakaotuhpa zydua he ei hnohta a zu aw ei ta, ei hmiakô liata a bôhpa ta, ‘Nâ nata châ zituhpa chyhsa zydua he pua teh u,’ tah aw ei ta, cha khai tawhta ei pua aw,” tah ta. Chatanachata Phiraoh tawhtapa cha hiehâh ngaitapa ta pua ha ta.

BIESOZY 14:29

Hiehâhna kyh liata nainôsôpa chyhsa cha novâhna a hnei hluhpa châ ta, Thlai ta a hie a hâh thlâh ha tyhpa chyhsa deikua cha hruna a cheihchalo tyh.

BIESOZY 19:11

Sona ta chyhsa palôh pasisa ta, Pasasana mopakhôpa cha a rônahna a châ.

BIESOZY 25:23

Maw thlih ta vâsua vaw tlôkhei ta, Kyh rei a hmâhpa paleih ta hiehâhna hmia a tlôkhei.

BIECHHOTUHPA 7:9

Hiehâhna cha ahrupazy palôh liata riehmo a paryhpa châ ta, Chavâta hiehâh awpa ta na palôh a para khah y.

MALUHREINA 20:24

“Arawna cha a chiheihzy hnohta pahlyhpa a châ aw. Meribâ tizy liata ei biepiepa namâ dyuhpa vâna khata, Izarei sawzy ei piepa râh liata a ngia aw vei.

MATHAI 5:22

Kei deikua ta cha ei cha chho ei. Ahy rai a unawhpa chô liata a hie a hâhpa cha, a thâtih pachia tlâh a châ. A unawhpa ‘Dyutlaileipa’ a tahpa cha ryureina liata tlôkhei tlâh châ ta, ‘Ahrupa’ a tahpa chhao, hriena su mei lâ sie tlâh a châ.

MÂKA 10:14

Zisu deikua ta, cha cha a hmô nahta, a ly leipa ta, ama hnohta, “Hawtizy kei lâ a vaw chhi u la, dytha khah u. Khazohpa khinarâh cha, he hawhpa chyhsazy eih châ tlôh ta.

MÂKA 3:5

Hiehâhpa ta âmo cha moh ta, ama palôh kuhchhapa vâta a palôh pasa ngaita ta, kusypa hnohta, “Na ku pazawh teh” tah ta. A ku pazawh ta, a kusypa cha pha ha ta.

RYHPACHANEINA 24:15

Dyhchhiepa châ ei ta, ama noh hlao cha amâ ngâchhâ chhôhpa a châpa vâta, ama hria noh lia tlai ta, noh tla hlâta ama hria hlao nama pie lymâ awpa a châ. Chataleipatala nama chô liata ama palôh tlâh leina Abeipa lâ tlôkhei aw ei ta, moleina vâta thailei nama châ pathlei aw.

ZÂMIE 1:19

Unawh kho ngaitapa saih u, he he pahno teh u. Chyhsa to ta bie rei a chhu leipa ta, nathlie tlao a chhu ei sala, hiehâh rupa châ mawh ei sy.

ZÂMIE 1:20

Chyhsapa hiehâhna ta Khazohpa siana palâsa vei.

1 SAMUELA 20:34

Zawnathâ cha tlâhkhai tawhta hiehâh ngaitapa ta thyu ta, thla thiehpa noh nona noh cha pati rai nie vei. A paw ta Dâvi a pamaophyuhsa ngaitapa vâta, Dâvi cha a pachâ thata a rôhkhei.