Moleina nama tao hapa zydua nâmo tawhta thy khai u la, palôh thiehpa nata pachâna thiehpa hneipa ta nâmosasyh â taopathi ha muh vy. Hy Izarei pathlazy saih u, khazia nama thi aw tly?
Palôh thiehpa cha pie aw ei na ta, nama chhôh liata thlahpa thiehpa ei soh aw. Nama pôhpa tawhta palôh châkarupa la aw na ta, palôh naipa ei cha pie aw ei.
He khizaw ryhpa hawhna heta y leipa u la, nama palôh pathiehpa ta tlao anano lymâ teh u. Chatanachata Khazohpa khopa cha khâpa ma a châ tahpa pahno thei aw ei chi ta, hmo phapa a pyh tlâhpa nata phapakipa cha nama pahno thei aw.
A thina liata bâti châpa ta, a hnohta pabupa ta y pi ta, Krista cha Paw rônahna ta athihpa hry tawhta a pathyupa hawhna khata, keimo chhao hrona thiehpa ta eima charei aw.
Hmo pha tao awpa ta, Khazohpa ta Krista Zisu liata miah a tao. Cha hmo pha tao awpa cha, eima chânazie awpa ta Khazohpa ta â vaw chhuanoh chhieliepa a châ.
siana ta eima hmotaopa vâta châ leipa ta, a zawngiahna vâta miah a pachha. Cha pachhana cha pipathina ta miah pathaisa ta, Thlahpa Pathaihpa taopathina zawhzi ta eima hmôpa a châ.
Chavâta nama palôh chai a saihpa ta a hrohrua u la, Zisu Krista â vaw luah tita ngiachhiena a cha vaw phaopa awpa ei cha khâchâ hnabeiseihpa ta y teh u.
