EPHESI 4:19 - Mara Bible RV (BSI)

¹⁹ Nozana châh chhao pahno khao leipa ei ta, parâna liata âmosasyh a hlâ ei ta, karây ngaitapa ta hmo puapa to ama tao.

EPHESI 4:19 ပူးပေါင်းရင်းမြစ်များ

ZAWBÂ 15:16

Chyhsa pasichhihpa nata avyuhpa, Ti hawhta adoleina a dohpa chhochhi cha, A mohmô liata a tloh lei pachai aw dia!

ISAI 56:11

Izy cha pahâpahaohpa châ ei ta, Â daih tahna rai hnei veih ei. Izarei vaituhpazy deikua cha, Mietaku vaituhpazy châ taraw ei ta, Novâhna hnei veih ei; Ama lâpi chyu lâta a heih ei ta, Âmo athôhna lâ a heihpa sai ama châ.

MÂKA 7:22

uahvana, chhiena, dôveina, parâna, kiaphaona, reipachhiena, apalaina nata hruna zy he palôh tawhta a kaw pua tyhpa a châ.

EPHESI 4:17

He he Abeipa liata reih na ta, ei cha chho ei: Pachâna hraoleipa a hneipa Zenitaizy hawhta nama y khao awpa châ vei.

KAOLAOSÂ 3:5

Chavâta khizaw hro nâmo liata a ypa, apatlana, puana, parâna, molei khona nata uahvana zy cha thie teh u. Uahvana cha nothlahpa achhyna a châ.

1 TIMAWTHY 4:2

Cha hawhpa pachunazy cha phapakheipa haihthaipazy tawhta vaw pua ta, ama chhie nata pha pahnona cha thua sahpa ta pakâ hapa hawhta a châ.

1 PITY 4:3

Zenitaizy khopa taopa ta, parâna, aohraohna, paripangana, a hlao ta apatlana, sahma do pahmaohna nata nothlahpa achhyna pasichhihpa zy liata nama vaw tlaih tyhpa kha â daih ha bâ.

2 PITY 2:22

“I ta a palipa a nie heih tyh,” tahpa nata “Vao panô cha a ngai â si khai tawhta chiatlao liata â ny heih tyh,” tahpa bieso dopa ama chô liata a vaw tlô.

ZUDÂH 1:11

Ama hu a po na! Kaina lâpi a chhih ei ta, athôhna hmô awpa ta Bâlâma moleina lâpi liata a râ ei ta, Kôrâ adyuhna liata ama leidia.

BIEPHUAH 18:3

A sihryhna kresawhti doh ei ta, Phopi zydua ama pari khai haw; Lei beizy ta sihryhkhei ei ta, Lei liata sôhpalietuhpazy ta hneirôhkhei ei ta, A phasana hro ama hneirôhkhei,” tahpa ta awh ta.