EPHESI 4:15 - Mara Bible RV (BSI)

¹⁵ Kyhpachâna ta biedopa reipa ta, kyh to liata ano liata eima laiseih lymâ aw. Ano cha luh châ ta, cha cha Krista a châ.

EPHESI 4:15 ပူးပေါင်းရင်းမြစ်များ

HLAZY 32:2

Abeipa ta thailei pachâsa leipa ta, A hro liata haidihaiduana a y leipa chyhsa cha a nohlao na.

ZEKARIA 8:16

Hezy he nama tao awpa hmozy cha a châ: Biedopa a chho raihrie u la, adyhna a tlôkhei awpa pachiana dopa ta nama hawkazy liata ryureih teh u.

MALAKHAI 4:2

“Châhrasala nâmo, ei moh a chizapazy châta siana noh, a mathlaw liata tlâhna a ypa noh a vaw chhi aw. Pua aw ei chi ta, viahchaotaw a o tawhta pazopa hawhta châki nama zoh aw.

ZAWHÂNA 1:47

Zisu ta Nâthaniah ano lâ â vy haipa a hmô nahta, a thâtih reih ta, “Moh teh u, Izarei saw hmeiseihpa, haidihaiduana rai a hnei leipa chyhsa huh!” tah ta.

RAWMA 12:9

Kyhpachâna cha haiphiana a hlao leipa châ mawh sy. Moleina a hao u la, hmo phapa khâchâ patu muh vy.

1 KAWRINI 11:3

He deikua he nama pahno awpa ei khoh: Chapaw luh cha Krista châ ta, chanô luh cha chapaw châ ta, Krista luh cha Khazohpa a châ.

2 KAWRINI 4:2

Noza chhihpa hmo arulâta tao tyhpazy pahlei pi ta, dôvei hmâh leipa pi ta, Khazohpa bie panano ma pi. Biehmeiseihpa lâhâh ta reih pi ta, Khazohpa mohmô ta chyhsa to chhie nata pha pahnona liata modypa ta eima y tyh.

2 KAWRINI 8:8

Biepiepa hawhta reih leipa na ta, mohropazy phahnai ngiahna cha pahnosa ta, nâmo chhao kyhpachâna hmeiseihpa nama hneipa pasia nawpa ta ei reih.

EPHESI 1:22

Khazohpa ta hmo to zydua Krista phei ry liata soh ta, hmo to chô liata luh châ awpa ta, Krista cha Awnanopa hnohta a pie.

EPHESI 1:4

A hmiakô liata pathaihpa nata seina hnei leipa ta eima y thei nawpa ta, leilô y hlâ tawhta Krista liata miah a tlyh ta. Kyhpachâna ta,

EPHESI 2:21

Ano liana chata o sana lôzy paryhpa châ ta, Abeipa liata Achhyna o pathaihpa a vaw châ tyh.

EPHESI 4:25

Chavâta haipa bâhsai u la, nama vaih hnohta biedopa reih chyu teh u. Pôhpa miakha tawhta a pachiahpa sai eima châ.

EPHESI 5:23

Krista cha ano pôhpa Awnanopa luh châ ta, Awnanopa pachhatuhpa a châpa hawhta, vahpa cha lapinô luh a châ.

1 PITY 1:22

Unawhzy kyhpachâna hmeiseihpa hnei awpa ta biehmeiseihpa zyh ei chi ta, nama thlahpa nama pathaisa ha tawhta cha, palôh pathaihpa nata hmeiseihpa ta kyh a pachâ raihrie muh vy.

1 PITY 2:2

Hawsaih pih thiehpazy hawhta, thlahpa sâhpiti patapa vâ u la, chatanachata nama pachhana liata nama laiseih lymâ aw.

2 PITY 3:18

Eima Beipa nata Pachhatuhpa Zisu Krista ngiachhiena nata pahnona liata laiseih lymâ teh u. Tahmâ nata chhâzaw ta Abeipa hnohta rônahna y mawh sy. Amen.

1 ZAWHÂNA 3:18

Sawzy saih u, bie nata reikah deita ta kyh a pachâ leipa sih la, hmotaopa nata biehmeiseihpa ta kyh a pachâ ei suh u.

RYUREITUHPAZY 16:15

Delilâ ta a hnohta, “Kheihta ma, ‘Kyh ei cha pachâ’, na tah thei tly, na palôh keima liata a y leipa pi tlai ta? Ei thôh dua eina dôvei ha chi, na thatlôna rônahpa khâpa liata tlai ma a y tahpa na chho to va chi,” tah ta.