EPHESI 4:14 - Mara Bible RV (BSI)

¹⁴ Chatanachata chyhsa so piehpiena nata dôthaina hmotaopa tichatlaopazy ta hao lâ he lâ a chatlaopa nata pachuna ziza to ta a phao pahaipa hawtipa châ khao aw ma pi.

EPHESI 4:14 ပူးပေါင်းရင်းမြစ်များ

HLAZY 10:9

Chakeibarôhneipa hawhta chhohbuh hry liata a byupa ta a byh ta, Dyhchhiepazy patu awpa ta a byhpa ta, A sao liata a aopa dyhchhiepazy cha a patu lymâ ei.

HLAZY 59:3

Hy Abeipa, moh tua, Ei hrona a byh ei ta, Thatlôpazy ta eina tei ei. Ei paraona vâta châ leipa ta, Ei moleina vâta châ hra vei.

ISAI 28:9

Sahma a paripa theihthaipa nata hrohsopa kyh liata, “Ahy hnohta ma pahnona a pachu bao hra aw tly? Ahy hnohta ma bietapa a chhopasia bao hra aw tly? Sâhpi ti a pathleih dyupazy ma a pachu aw ei? Sâhpi a ngieh khao leipazy ma a chhopasia aw ei?

MIKÂ 7:2

Khazohpa chyhsa cha, Alei tawhta leidia ha ta; Chyhsapa hry liata Adopa rai y khao veih ei; Thisaih palo awpa ta a byhpa sai châ ei ta, Sao ta a unawhpa a chadipa sai ama châ.

MATHAI 11:7

Zawhâna pachupazy ama sie nahta, Zisu ta zawpi hnohta Zawhâna thâtih reih ta: “Khâpa mo awpa ta ma râhchawhpa lâ nama sie? Ziza ta lohthi a chalyupa mo awpa ta ma?

MATHAI 24:11

Hrohso pakheipa hluhpi vaw pua aw ei ta, chyhsa hluhpi ama dôvei aw.

MATHAI 24:24

Mesia pakheipazy nata hrohso pakheipazy vaw pua aw ei ta, ngiana nata hmonoâh rônahpazy ama tao aw. Tao theipa châ sala, atlyhpazy taih ama dôvei aw.

HMOTAOPAZY 23:21

Châhrasala ama bie vaw zo khah y. Ama chyhsa sypalih hlâta hluh via ta amâ byh thlâh haw. Cha chyhsazy chata Pawla ama thie hlâlei cha khâpa hmah nie leipa nata doh lei awpa ta bie a taih ei ta, tahmâ he na paryhsana hâpa ta amâ chiehpa ta ama y thlâh haw,” tah ta.

1 KAWRINI 12:2

Ngiapâleipa nama châ no kha, nothlahpa reih pathlie thai leipazy lâta a chhipa ta y ei chi ta, lâpi paviasapa ta nama ypa nama pahno.

1 KAWRINI 14:20

Unawh saih u, hawti palôh phaoh khah u. Moleina kyh liata cha hawsaih hawhta châ u la, palôh lâta deikua cha pitlohpa ta y teh u.

1 KAWRINI 3:19

He khizaw sona he, Khazohpa pachâ ta hruna châ tlôh ta. “Khazohpa ta chyhsa sopazy cha, âmo so piehpiena ta a paao tyh,” tahpa ta ropa a châ.

2 KAWRINI 2:17

Chyhsa hluhpi ta Khazohpa bie he sôhpaliena ta ama hmâpa hawhta keimo la hmâh ma pi. Keimo la Khazohpa tuapa chyhsa ngâchhihpazy châ pi ta, Khazohpa mohmô ta Krista liata bie eima reih tyh.

2 KAWRINI 4:2

Noza chhihpa hmo arulâta tao tyhpazy pahlei pi ta, dôvei hmâh leipa pi ta, Khazohpa bie panano ma pi. Biehmeiseihpa lâhâh ta reih pi ta, Khazohpa mohmô ta chyhsa to chhie nata pha pahnona liata modypa ta eima y tyh.

KALATIA 3:1

Hy Kalatia mo ahrupa saih u! Ahy ma châ dyu ei? Nama mohmô lia tlai ta, Zisu Krista cha khaipâpa ta a ypa a siapa ta palâsapa a châ.

EPHESI 6:11

Ahripa reipasaonazy nama pahnie thei nawpa ta, Khazohpa chariah chhaichhi pakipa ta a tobi teh u.

1 TIMAWTHY 3:6

Ngiapâ thiehpa chyhsa a châ awpa châ vei. Chataleipatala a palai aw ta, ahripa thailei pachâsana liata a pao pathlei aw.

2 TIMAWTHY 1:15

Asia râh liata a ypa zydua ta einâ heihsai ha ei tahpa pahno chi ta, ama hry liata Phukelâ nata Hamôkene zy amâ hlao hra.

2 TIMAWTHY 3:13

Moleipa nata dôtuhpazy deikua cha, chyhsa dôtuhpa nata dôpa ta a ypazy châ ei ta, chhiena tawhta chhie viana lâ ama pangai lymâ aw.

2 TIMAWTHY 4:3

Chyhsazy ta pachuna dopa nathlie hoh leipa ta, ama nah â za hapa vâta, ama thei khohpa biezy a reih awpa pachutuhpazy deita ama hrua khohna daihti a vaw tlô aw.

HEBRAI 13:9

Pachuna nanopa nata noâhchhihpazy ta paviasapa ta y khuh vy. Palôh he niedo ta thapatlô awpa châ leipa ta, ngiachhiena ta thapatlô awpa tlao a châ. Niedo kyh sai ta a tymâkheipazy châta niedo ta athôhna tlôkhei hlei vei.

ZÂMIE 1:6

Châhrasala alôhleina hnei leipa ta, ngiapâna ta hiah mawh sy. A lôh leipa chyhsa cha tilaipi chatlaopa hawhta châ ta, thlih ta phao ta, a pathluahpa hawhta a châ.

ZÂMIE 3:4

Balyhzy chhao he pachâ tua u, lai ngaita ta, thlih rupa ta a pasiesapa a châ tarawpa ta, haohtuhpa ta pahiehna chyhpata hmâpa ta a khona lâ maih a pasiesa thei.

2 PITY 2:18

A patahtheisa kawpa ta bie hraoleipazy reih ei ta, moleipa chyhsazy tawhta a râ dyupazy cha, sapa aohraohna moleina liata ama pahluasa tyh.

1 ZAWHÂNA 2:19

Âmo cha eima hry tawhta pua ei ta, châhrasala eima chyhsa hmeiseihpa châ veih ei. Eima chyhsa hmeiseihpa châ ei sala, eima hnohta ama y lymâ aw. Châhrasala ama zydua ta eima chyhsa hmeiseihpa châ veih ei tahpa a lâ pasia nawpa ta, miah ama puasai haw.

1 ZAWHÂNA 2:26

Cha paviasa a chhuahpazy vâta, chazy cha nâmo lâ ei vaw roh.

1 ZAWHÂNA 4:1

Kho ngaitapa saih u, thlahpa momaih zo khuh vy. Hrohso pakheipa hluhpi khizaw liata ama vaw pua hapa vâta, thlahpazy cha Khazohpa tawhta a châ ma, châ vei ma tahpa pasia tyh muh vy.

ZUDÂH 1:12

Chazy chata china châh rai pahno leipa ta, nama kyhpachâna kyhchhi patizy niepa ta papuapalei ei ta, ti hnei leipa meihdo, thlih ta a phao pahaipa, châhvâ tho a pathei leipa, ei no a thi hapa nata a thari phia hapazy ama châ.

BIEPHUAH 19:20

Sahrâhpa cha patupa châ ta. Sahrâhpa ngiana a hneipa nata sahrâhpa nothlahpa a chhytuhpazy dôveina hmonoâhpa a mohmô liata a tao tyhpa hrohso pakheipa chhao, a hnohta patu pâpa châ ta, kaih ta a kâ ngâpa mei tipo liata ama pano ta ahrohpa ta thypa ama châ.