EPHESI 4:13 - Mara Bible RV (BSI)

¹³ Eima zydua ta ngiapâna nata Khazohpa Sawchapawpa pahnona liata pôhkha châpa ta, pitlohna hro hneipa ta, Krista pakina tlu ta pakipa ta eima y thei nawpa ta piepa a châ.

EPHESI 4:13 ပူးပေါင်းရင်းမြစ်များ

ISAI 53:11

Pasataona khô lâta hrona khaihna hmô aw ta, Palôhtlâh ngaitapa ta a y aw. Nâ chakaotuhpa chyhsa siapa cha, A pahnona hmâpa ta chyhsa hluhpi thai pachâsa aw ta, Ama paraonazy a phaopa aw ei.

ZEPHANIA 3:9

“Cha daihti liata, Phopizy hmao panano aw na ta, Hmao pathaihpa ta ei tao aw ei; Chatanachata ama zydua ta Abeipa moh pado aw ei ta, Lôraohpa ta ano ama chakao aw.

ZEKARIA 14:9

Abeipa cha alei chô zydua liata Bei a châ aw. Cha noh liata, Abeipa pakha deita y aw ta, a moh chhao moh kha dei a châ aw.

MATHAI 11:27

Ei Paw ta ato zydua eina hlâ haw. Paw dei leipa ta cha, ahy hmahta Sawchapawpa he pahno leipa ei ta, Sawchapawpa nata ano ta a hnohta a palâhâhpa tah dei leipa ta cha, ahy hmahta Paw pahno veih ei.

ZAWHÂNA 1:16

Ano pakina tawhta ngiachhiena to chyu pi ta, cha cha ngiachhiena chôta ngiachhie pachhuahna a châ.

ZAWHÂNA 16:3

Paw nata kei miah ama pahno leipa vâta, cha hawhpa hmozy cha ama tao aw.

ZAWHÂNA 17:21

Chatanachata ei Paw y, nâ liata kei y na ta, kei liata nâ na ypa hawhna heta, âmo chhao keimo liata ypa ta, ama zydua ta pôhkha châ aw ei ta, nâ ta eina tuah chi tahpa khizaw ta ama zo aw.

ZAWHÂNA 17:3

He he chhâzaw hrona a châ: Nâ, Khazoh hmeiseihpa deita nata na tuapa Zisu Krista pahnopa hih.

ZAWHÂNA 6:69

keimo chhao ta châ ngiapâ pi ta, Khazohpa Mopathaihpa na châ tahpa eima pahno haw,” tah ta.

HMOTAOPAZY 4:32

Ngiapâtuhpa manôh zydua cha palôh miakha nata pachâna su kha ta y ei ta. Ahy hmahta a sôh hneipazy cha ano eih sai ta rao leipa ta, hmo zydua a hly khai ei ta.

1 KAWRINI 1:10

Unawh saih u, nama hry liata achhaihna rai a y lei nawpa ta, nama zydua reiraohpa ta, palôh miakha nata pachâna miakha phaopa ta a pôhkha awpa ta, eima Beipa Zisu Krista moh ta ei châ haw ei.

1 KAWRINI 14:20

Unawh saih u, hawti palôh phaoh khah u. Moleina kyh liata cha hawsaih hawhta châ u la, palôh lâta deikua cha pitlohpa ta y teh u.

1 KAWRINI 2:6

Pitlohpazy hry liata deikua cha, biesozy eima pachu tyh. Châhrasala he khizaw biesozy châ leipa ta, he khizaw ryureituhpa a leidia awpazy bieso châ hra vei.

2 KAWRINI 4:6

“Zohna tawhta khaihna vaw khaih mawh sy,” a tahtuhpa Khazohpa ta, Khazohpa rônahna pahnona khaihna cha miah pie awpa ta, Zisu Krista hmia liata eima palôh a pakhaihsa haw.

KALATIA 4:19

Ei saw saih u, Krista lyuna nâmo liata a y hlâlei cha, saw zeih ta ei châ zeih ei hih!

EPHESI 1:17

Krista nama pahno pasia thei nawpa ta, eima Beipa Zisu Krista Khazohpa, rônahna Paw ta sona nata aluahna Thlahpa a cha pie awpa ei ta thlah ei cha chhâpa ei.

EPHESI 1:23

Awnanopa cha Krista pôhpa châ ta, ato pakituhpa pakina a châ.

EPHESI 2:15

ryhpa biepiepa nata bieraopazy pahlei ta, panozy cha ano liata chyhsa thiehpa pôhkha pachâsapa ta, aryhna a tao haw.

EPHESI 4:12

Chazy cha chakaona rai hria awpa ta mopathaihpazy pachhuahpanoh ta, Krista pôhpa pipatlohsa nawpa ta piepa a châ.

EPHESI 4:3

Thlahpa apôhkhana a y lymâ thei nawpa ta, adyhna ta a chahrypa ta tei lymâ teh u.

EPHESI 4:5

Abeipa pakha, ngiapâna miakha, bâtina miakha nata

PHILIPI 3:10

Chatanachata Krista nata a thyuheihna hmotaotheina cha pahno aw na ta, a rietheitaona liata a hlao hrapa ta, a thina liata ano hawhta thi hrapa ta,

PHILIPI 3:8

Cha dei châ vei, ei Beipa Zisu Krista pahnopa cha hmo hropa zydua hlâta sôh via ta, chavâta hmo to kyna ta ei rao khai. Krista cha ei thôhkhei thei nawpa ta, ano vâta hmo to ky na ta, hmo hropa zydua cha hnaihny hawh dei ta ei rao.

KAOLAOSÂ 1:28

Chyhsa to Krista liata phapakipa ta eima paduasa thei nawpa ta, chyhsa to chhoreipa ta, sona to pachupa ta, Krista thâtih eima chho tyh.

KAOLAOSÂ 2:2

Chatanachata ama palôhzy thapatlôpa ta y aw ta, kyhpachâna liata a chahry pabaoh aw ei ta, pahnopasiana liata hneirôna zydua topa ta, Khazohpa bienyupa, Krista cha ama pahno thei aw.

HEBRAI 5:14

Pati hmeiseihpa deikua cha, pitlohpazy châta châ ta, pati hmeiseihpa nie amâ chu lymâpa vâta, chhie nata pha pahrua thaina a hneipa pitlohpazy ama châ.

2 PITY 1:4

Chatanachata a bietai sôh ngaitapa nata rônah ngaitapazy miah pie ta, chazy zawhzi ta moleina aohraohna vâta khizaw liata paraona a ypa cha a râsaipa ta, Khazohpa nôchâ a hlytuhpazy nama vaw châ haw.

2 PITY 3:18

Eima Beipa nata Pachhatuhpa Zisu Krista ngiachhiena nata pahnona liata laiseih lymâ teh u. Tahmâ nata chhâzaw ta Abeipa hnohta rônahna y mawh sy. Amen.

1 ZAWHÂNA 5:20

A hmeiseihpa cha ahy ma a châ tahpa eima pahno thei nawpa ta, Khazohpa Sawchapawpa cha a vy ta, novâhna miah a pie tahpa eima pahno. Keimo cha a hmeiseihpa, a Sawchapawpa Zisu Krista liata a ypazy eima châ. Ano cha Khazohpa hmeiseihpa châ ta, chhâzaw hrona a châ.