EPHESI 4:11 - Mara Bible RV (BSI)

¹¹ Chatanachata thokha lyuhchâpa châ awpa ta, thokha hrohsopa châ awpa ta, thokha biechhotuhpa châ awpa ta, thokha mietaku vaituhpa châ awpa nata thokha pachutuhpa châ awpa ta Krista ta a rao ei.

EPHESI 4:11 ပူးပေါင်းရင်းမြစ်များ

2 THÂTIHZYRONA 15:3

Bohpi chhôh Izarei cha Khazoh hmeiseihpa hnei leipa ta y ta, pachutuhpa theihthaipa nata ryhpa zy hnei leipa ta a y.

ZEREMIAH 3:15

“Keima palôh a phaohpa mietaku vaituhpazy cha pie aw ei na ta, âmo ta pahnona nata novâhnazy ta ama cha chhihtha aw.

MATHAI 28:20

bie ei cha piepa zydua ei kha zyh awpa ta pachu teh u. Nathlie teh u, nama hnohta ei y thlâh ha aw, khizaw chhâna taih ta,” tah ta.

HMOTAOPAZY 13:1

Antiôkâ Awnanopa sahlaozy hry liata hrohsopazy nata pachutuhpazy y ei ta. Chazy cha Bânabâ zy, Nikâ ama tahpa Simeôna zy, Kurini khihpa Lukia zy, Bei Herawda unawh heihpa Manaina nata Sawla zy ama châ.

HMOTAOPAZY 20:28

Khazohpa Awnanopa sahlao, ano thisaih ta a chaleipazy pasa awpa ta, nâmo nata nama sahlao zydua chô liata a chado teh u. Thlahpa Pathaihpa ta ama chô liata hyutuhpa ta a cha tao ei hih.

HMOTAOPAZY 21:8

A mylâ ta pua pi ta, Kaisaria tlô pi ta, biechhotuhpa Phili o liata tlô pi ta. Ano cha pasaripazy hry liata a hlao hrapa a châ.

RAWMA 12:7

chakao awpa a châ khiahta cha chakao sih la, pachutuhpa ta pachu sala,

1 KAWRINI 12:4

Hmopiepa chi hluhpi y ta, Thlahpa deikua cha pakha a châ.

EPHESI 2:20

Krista Zisu cha a ki liata alô peimawh chaipa châ ta, lyuhchâpazy nata hrohsopazy lôbôpa chô liata sapa nama châ.

EPHESI 3:5

Cha thâtihpha bienyupa cha, tahmâ nota a lyuhchâpa pathaihpazy nata a hrohsopa pathaihpazy hnohta Thlahpa ta a pahnosapa hawhna heta, kha hlâta chyhsa sawzy hnohta pahnosapa châ beih vei.

EPHESI 4:8

Chavâta, “Chô lâ a khy nota, Seichâna cha sei ta a chhi ta, Chyhsazy hnohta Hmosaipiepazy a pie ei,” tahpa a châ.

2 TIMAWTHY 4:5

Nâ deikua cha, ato liata a sohsi la, riethei tao la, thâtihpha chhotuhpa rai hria la, na chakaona patlô mah y.

HEBRAI 5:12

A daihti pachâpa ta, pachutuhpa a châ bâ awpa châ ei chi ta, châhrasala Khazohpa bie thabypa pachu namâ ngiah thlâh ha chy. Sâhpiti a ngiah chy ei chi ta, pati hmeiseihpa nie thei mâh veih ei chi.

ZUDÂH 1:17

Kho ngaitapa saih u, nâmo deikua la, eima Beipa Zisu Krista lyuhchâpazy bie chhochhieliepa kha a thei thlâh ha muh vy.

BIEPHUAH 18:20

“Hy avâ, ano vâta a ly la, Nâmo, mopathaihpazy, Nâmo, lyuhchâpazy, Nâmo, hrohsopazy, Ano vâta a ly teh u; Khazohpa ta a chô liata Viari a cha thôpa ha ei hih.”

BIEPHUAH 21:14

Khihpi thokhy cha lôbô miahrawh hleino hnei ta, chazy liata Mietakutaw lyuhchâpa pahrawh hleino mohzy a choh ta.