EPHESI 3:9 - Mara Bible RV (BSI)

⁹ Khazohpa ato taotuhpa hnohta nyu kôzawpa bienyupa achhuahna cha palâsa awpa ta, cha ngiachhiena cha piepa ei châ hra.

EPHESI 3:9 ပူးပေါင်းရင်းမြစ်များ

HLAZY 33:6

Abeipa bie ta avâzy khi taopa châ ta, A pakah hu ta avâ liata a ypa zydua khi taopa a châ.

ISAI 44:24

Abeipa, châ chatlaituhpa ta hetana heta tah ta, Chhi tawhta châ paduatuhpa ta hetana heta a tah: “Kei he Abeipa, ato zydua taotuhpa ei châ; Avâzy a paraituhpa a y chhôhpa châ na ta, Alei a pazawhtuhpa a y chhôhpa ei châ.

MATHAI 10:27

Zohna liata ei cha chhopa ei he, khaihna liata reih u la, bieparu ta nama theipa kha, vâphuh chô tawhta awh teh u.

MATHAI 13:35

Cha hmo cha hrohsopa ta, “Pakhona biezy hmâpa ta ei pakah â aw na ta, Hmo nyupazy ei phuah aw, Khizaw y tua no tawhta nyu hapazy cha,” tahpa ta a reipa kha a vaw tlô thei nawpa ta a châ.

MATHAI 25:34

Abeipa ta a chachâh lâta a ypazy hnohta, ‘Ei Paw ta byhnâ a piepazy saih u, a vy u la, khizaw tao tua no tawhta khinarâh a chhuahdypa cha to teh u.

MATHAI 28:19

Chavâta sie u la, phopi zydua pachupazy ta tao u la, Paw nata Sawchapawpa nata Thlahpa Pathaihpa moh ta bâti pachâsa u la,

LUKA 24:47

ano moh ta rona nata molei ngiahthaina thâtih cha, Zerusale tawhta pathaopa ta, phopi to hnohta chhopa a châ aw.’

ZAWHÂNA 10:30

Kei nata Paw cha pôhkha eima châ,” tah ta.

ZAWHÂNA 5:17

Zisu ta âmo cha a chhy ta, “Ei Paw cha tahmâ taihta rai hria lymâ ta, kei chhao ei hria lymâ hra,” tah ta.

ZAWHÂNA 5:19

Zisu ta ama hnohta, “Hmeiseihta ta, hmeiseihta ta ei cha chho ei, Sawchapawpa ta ano rei sai ta khâpa hmah tao thei vei. Paw hmotaopa a hmôpa deita a tao tyh. Paw ta a taopa maih cha, Sawchapawpa chhao ta a tao tyh.

HMOTAOPAZY 15:18

Hlâno tawhta pahnopa Abeipa ta a tah,’ tahpa ta ama vaw chho haw.

RAWMA 11:25

Unawh saih u, he bienyupa he nama pahno lei awpa khoh va na. Chataleipatala namâ palai pathlei aw na. Zenitaizy pakina a vaw tlô hlâta, Izarei chô liata kuhchhana a rakhapa ta a vaw tlô chypa a châ.

1 KAWRINI 2:7

Eima rônah nawpa ta Khazohpa ta khizaw y hlâta a vaw rao chhielie hapa, Khazohpa sona bieru nata bienyupa tlao eima pachu tyh.

EPHESI 1:4

A hmiakô liata pathaihpa nata seina hnei leipa ta eima y thei nawpa ta, leilô y hlâ tawhta Krista liata miah a tlyh ta. Kyhpachâna ta,

EPHESI 3:2

Khazohpa ta nâmo châta ngiachhie chakaona raihria eina piepa kyh nama vaw pahno ha aw.

EPHESI 6:19

Pakah âpa ta thâtihpha bienyupa riahpha ngaitapa ta phuah awpa ta, bie rei awpazy piepa ei châ thei nawpa ta, kei châta na hiapa hra teh u.

KAOLAOSÂ 1:23

Ngiapâna liata y thlâh ha u la, â ipa ta a duah teh u. Thâtihpha hnabeiseihna nama pahnopa tawhna khata nama tleisai leipa khiahta cha, cha hawhta nama châ thei aw. Cha thâtihpha cha avâ ry liata hmotaopa zydua hnohta phuahpa châ ta, kei, Pawla he, cha thâtihpha chakaotuhpa cha ei châ.

KAOLAOSÂ 1:26

Cha Khazohpa bie cha, kô hluhpi nata chhâ hluhpi nyu hapa bienyupa châ ta, tahmâ deikua cha a mopathaihpazy hnohta phualuahpa ta a y.

KAOLAOSÂ 3:3

Thi ha ei chi ta, nama hrona cha Khazohpa liata Krista hnohta nyupa ta a y haw.

KAOLAOSÂ 4:3

Bâlia ei kyna chhâpa Krista bienyupa chho awpa ta, Khazohpa ta a bie châta ochhi miah a pahypa thei nawpa ta, thlah miah chhâpa u la,

2 THYSALAWNIKA 2:13

Abeipa kyhpachâpa unawh kho ngaitapa saih u, Thlahpa Pathaihpa pathaisana nata biehmeiseihpa ngiapâna vâta pachha châna liata thei hmiatuapazy châ awpa ta, Khazohpa ta â tlyhpa nama châpa vâta, nâmo vâta Khazohpa lâ alyna bie khâ a reih awpa eima châ.

1 TIMAWTHY 3:16

Khazohpa pahnona bienyupa cha a rônah ngaita, reipasipasua awpa y vei: Sapa ta a vaw luah ta, Thlahpa ta thai pachâsa ta, Vâlyuhchâpazy ta ama hmô. Phopizy hry liata phuahpa châ ta, Khizaw ta a ngiapâ ta, Rônahpa ta chô lâ a chhipa a châ.

2 TIMAWTHY 1:9

Ano cha eima hmotaopazy vâta châ leipa ta, a hmochhuahpa nata a ngiachhiena vâta miah pachha ta, awna pathaihpa ta miah awtuhpa a châ. Cha ngiachhiena cha khizaw y hlâta Krista Zisu liata miah a pie haw.

2 TIMAWTHY 4:17

Châhrasala keima hmâpa ta thâtihpha chho pakipa ta a y thei nawpa nata Zenitai zydua ta ama thei thei nawpa ta, Abeipa tlai ta nâ duakhei ta, tha eina patlô. Chatanachata chakeibarôhneipa pakah tawhta pachhapa ta ei y haw.

TITU 1:2

Haipa bie a reih beih leipa nata khizaw y hlâ tawhta chhâzaw hrona bie a vaw taih hapa Khazohpa a ngiapâtuhpa ei châ.

1 PITY 1:20

Ano cha leilô y hlâ tawhta pahno chhieliepa châ ta, nâmo châ deikua ta cha daihti hnôhchaipazy liata palâhâhpa a châ.

BIEPHUAH 13:8

Alei chô liata a pahrâpa zydua, khizaw â thao tua no tawhta thie chiehpa Mietakutaw hrona châbu liata moh ro leipa maihta ano cha amâ chhy aw.

BIEPHUAH 14:6

Chatawhcha vâlyuhchâpa hropa avâ liata a zaw ngâpa hmô na ta. Ano cha alei liata a pahrâpa râh to, chi to, reih to nata phopi to hnohta phuah awpa tlyzaw thâtihpha a hneipa a châ.

BIEPHUAH 17:8

Sahrâhpa na hmôpa kha vaw y ta, y khao heih leipa ta, aleichiepa khaohtlô tawhta kaw pua aw ta, leidiana lâ a sie aw. Chatawhcha lei liata a pahrâpazy, leilô tao tua no tawhta hrona châbu liata moh ro leipazy ta, y ha ta, a y khao heih leipa, a vy heih awpa sahrâhpa cha ama hmô tita, noâh ama tah ngaita aw.

BIEPHUAH 4:11

“Hy Eima Beipa nata Khazohpa, Nâ cha rônahna zy, palyupalihna zy, hmotaotheina zy A to tlâh na châ na; Hmo to tao chi ta, Na bie hawhta vaw y ei ta, Na bie hawhta paysapa ama châ,” tahpa ta chhâzaw nata tlyzaw ta a hroh thlâhpa cha amâ chhy.