EPHESI 3:20 - Mara Bible RV (BSI)

²⁰ Tahmâ keimo liata a hria tyhpa hmotaotheina lymâ hawhta, eima hiapa nata pachâpa zydua hlâta tha via syulyu ta a tao theituhpa Khazohpa hnohta,

EPHESI 3:20 ပူးပေါင်းရင်းမြစ်များ

ÂTHAONA 17:1

Abarâ cha kô sychaki nata kô chaki a châ nahta, a hnohta Abeipa a vaw luah ta. Abeipa ta Abarâ hnohta, “Kei he Khazohpa Atotaotheipa ei châ. Ei hmiakô liata y la, seina rai hnei leipa ta y mah y.

ÂTHAONA 18:4

Ti chyhta cha vaw lapa aw ei na ta, nama pheizy a si u la, tho ry liana he a pahâ chy teh u.

2 SAMUELA 7:19

Hy Abeipa Zehôvâh y, chazy chhao cha nâma mohmô liata la hmo chyhpata a châ. Châ chakaotuhpa pathlazy chhichâ nawpa chhao kô hluhpi châta reih ha chi ta, Hy Abeipa Zehôvâh y, cha cha chyhsapa siezie awpa cha a châ.

1 ABEIZY 3:13

Na hia leipa hneirôna nata zachhihna chhao ei cha pie aw. Chatanachata na hro chhôh zydua ta, nâ hawhpa bei rai pua aw veih ei.

2 THÂTIHZYRONA 25:9

Amazia ta Khazohpa chyhsa hnohta, “Cha hawhpa khiah, Izarei pheisaihzy ei pie hapa talent 100 kha kheihta ei tao aw?” tah ta. Khazohpa chyhsa ta, “Abeipa ta kha hlâta hluh via a cha pie thei,” tah ta.

2 THÂTIHZYRONA 9:12

Bei Sawlawmaw ta Sebâ beinô cha, ano kaw phaopa a hlao leipa ta, a khopa nata a hiapa maih pie ta. Chatanachata a chakaotuhpazy chhaota a râh lâ a lie ha ta.

PUASAINA 34:6

Abeipa cha Mawsi hmiakô liata vaw sie ta, “Abeipa, Abeipa, zawngiahna nata ngiachhiena Khazohpa, hiehâh rupa, kyhpachâna nata ngâchhihna ta a biepa,

HLAZY HLA 5:1

Ei sadô, ei sietanô, ei myuh lâ cha a ngia na ta, Ei deiryh nata ropahâhpa lapakhypa ta, Ei kheihti nata ei kheihthlawh nie na ta, Ei sâhpiti nata ei kresawhti cha ei doh. Hy viasazy, niepa ta, doh u la, Kyhpachâna paripa ta y muh vy!

ISAI 35:2

Râhchawhpa ta a paw pakai aw ta, Thaphapa nata hla sapa ta â ly aw. Lebanaw rônahna a hnohta piepa châ aw ta, Kâmel nata Saraw angiana chhao, A hnohta piepa a châ aw. Abeipa rônahna hmô aw ei ta, Eima Khazohpa angiana ama hmô aw.

ISAI 55:7

Moleipa ta a hrozie siesai sala, Sialeipa ta a pachânazy pathleih sala, Abeipa lâ kua heih mawh sy, Abeipa ta a vaw ngiachhie aw; Eima Khazohpa lâ kua heih mawh sy, Khazohpa ta tlokhuh â ngiahthai aw.

ZEREMIAH 32:17

Hy Abeipa Zehôvâh, avâ nata alei he, nâma tlai ta na hmotaotheina rônahpa nata na bâh pazawhpa ta, na taopazy a châ hih! Nâma châta la hmo ru tupa y vei.

ZEREMIAH 32:27

“Pachâ teh, kei Abeipa he hmohrohneipa zydua Khazohpa ei châ. Ei châta hmo a ru tupa a y ma?

DÂNIAH 3:17

Patina meihô liata thypa eima châpa chhao ta, eima chakaopa eima Khazohpa ta patina meihô ru ngaitapa tawhta miah pachha thei ta, Hy abei y, nâma ku tawhta chhao miah a pachha thei.

DÂNIAH 6:20

Dâniah yna lôpu cha â hnia nahta, pachârôh ngaitana chôta awh ta. Abei ta Dâniah cha bie a chho ta, a hnohta, “Hy Dâniah, Khazoh hrohpa chakaotuhpa y, na chakao tyhpa na Khazohpa ta chakeibarôhneipazy tawhtapa a cha pachha thei ma?” tah ta.

MATHAI 3:9

‘Abarahâ pathla eima châ,’ a tah khuh vy. Khazohpa ta he alôzy tawhna heta Abarahâ pathlazy a padua thei tahpa ei cha chho ei.

ZAWHÂNA 10:10

Parutuhpa cha paru awpa nata thie awpa nata parao awpa leipa ta cha a vy vei. Kei la, hrona ama hnei nawpa ta, â kipa ta ama hnei nawpa ta a vypa ei châ.

RAWMA 16:25

Kô hluhpi nyupa ta a ypa bienyupa liata aluahna zipa ta, ei thâtihpha reipa nata Zisu Krista bie ei chhopa hawhta tha châ patlô theituhpa Khazohpa hnohta rônahna y mawh sy.

RAWMA 4:21

Khazohpa cha a bietai hawhta a tao thei tahpa khâchâ a ngiapâ ta.

1 KAWRINI 2:9

“Ano kyh a pachâpazy châta Khazohpa ta â chhuahdypa cha, Mo ta hmô veih ei; Nah ta thei leipa ei ta, Palôh ta pachâ veih ei,” tahpa ropa hawhta ama châ.

2 KAWRINI 9:8

Khazohpa ta ngiachhiena hluhpi nama chô liata vaohei thei ta, chatanachata khati no rai ta hmo to namâ ngiahpa hawhta hnei aw ei chi ta, raihria phapa hluhpi nama hria thei aw,

EPHESI 1:19

Chatanachata a thatlôna rônahpa raihriazie hawhta, keimo ngiapâtuhpazy chô liata a hmotaotheina rônah ngaitapa cha, khâpa ma a châ tahpa nama pahno thei aw.

EPHESI 3:7

Khazohpa ngiachhiena hmosaipiepa vâta, cha thâtihpha chakaotuhpa ta taopa châ na ta, cha chakaona rai cha a hmotaotheina hmâpa ta ei hnohta eina pie.

KAOLAOSÂ 1:29

Cha châna chata hriapasa na ta, kei liata thatlô ngaitapa ta a hriatuhpa thatlôna zydua hmâpa ta ei tei lymâ.

1 TIMAWTHY 1:14

Chatanachata eima Beipa ngiachhiena cha Krista Zisu liata a ypa ngiapâna nata kyhpachâna chhaota ei chô liata lei thlupa ta a y.

HEBRAI 11:19

Khazohpa cha athihpa chhao a pathyu thei tahpa a ngiapâ ta, Aisika cha a hmô pakhua haw. A hlâ hapa vâta Aisika cha a thi hapa hawhta pachâpa a châ.

HEBRAI 7:25

Zisu cha chyhsazy châta thlahchhâ awpa ta chhâzaw ta a hroh thlâhpa a châpa vâta, ano siepahliepa ta Khazohpa a pangaipazy cha, khatino rai ta a pachha thei ei.

ZÂMIE 4:12

Ryhpa pietuhpa nata a pachiatuhpa pakha deita a y. Ano cha a pachha theipa nata a pahlei theipa a châ. Na vaih a seituhpa chi cha ahy ma na châ tly?

2 PITY 1:11

Chatanachata eima Beipa nata Pachhatuhpa Zisu Krista chhâzaw khinarâh liata a ngia theina cha, pasai ngaitapa ta piepa nama châ aw.

ZUDÂH 1:24

Tahmâ he nama pao lei nawpa ta châ hrôbieh theipa ei nata a rônahna hmiakô liata seina hnei leipa ta, a ly ngaitapa ta châ soh theipa ei,