EPHESI 3:19 - Mara Bible RV (BSI)

¹⁹ Novâhna hlâta a sâh viapa Krista kyhpachâna pahno aw ei chi ta, Khazohpa pakina ta pabiepa nama châ aw.

EPHESI 3:19 ပူးပေါင်းရင်းမြစ်များ

HLAZY 17:15

Kei deikua la, siana ta na hmia sai aw na ta, Ei hra tita, Na hmia hmô aw na ta ei palôh a tlâh aw.

HLAZY 43:4

Chatanachata Khazohpa maisâh lâ pangai aw na ta, Ei lyna chaipa Khazohpa lâ ei pangai aw. Hy Khazohpa, keima Khazohpa y, Totâ ta ei cha reithai aw.

MATHAI 5:6

“Siana khopa vâta nodi dâhphipazy ama nohlao na, ama aoh a vei awpa vâta.

ZAWHÂNA 1:16

Ano pakina tawhta ngiachhiena to chyu pi ta, cha cha ngiachhiena chôta ngiachhie pachhuahna a châ.

ZAWHÂNA 17:3

He he chhâzaw hrona a châ: Nâ, Khazoh hmeiseihpa deita nata na tuapa Zisu Krista pahnopa hih.

RAWMA 8:35

Krista kyhpachâna tawhta ahy miah pachhaih thei aw? Rietheina ta tlyma, pachârôhna ta tlyma, taolana ta tlyma, chakâhna ta tlyma, thluahruana ta tlyma, chichhihna ta tlyma, zaozi ta tlyma miah a pachhaih aw ma?

RAWMA 8:39

asâhna nata athuna tlyma, hmotaopa zydua liata hmo hropa khâpa ta hmah eima Beipa Krista Zisu liata a ypa Khazohpa kyhpachâna tawhta miah pachhaih thei aw vei tahpa a sia ngaitapa ta ei pahno.

2 KAWRINI 5:14

Chyhsa zydua châta chyhsa pakha a thi khiahta cha, chyhsa zydua cha a thipa ama châ tahpa cha eima bietluna a châpa vâta, Krista kyhpachâna ta miah a tuah raruah.

KALATIA 2:20

Krista hnohta khaipâpa ta ei y. Châhrasala ei hroh. A hrohpa deikua cha kei châ khao va na, Krista cha kei liata tlao a hroh. Tahmâ pôhpa ta ei hropa he, kyh na pachâ ta, ei châta anosasyh â hlâtuhpa Khazohpa Sawchapawpa ngiapâna liata a hrohpa ei châ.

EPHESI 1:23

Awnanopa cha Krista pôhpa châ ta, ato pakituhpa pakina a châ.

EPHESI 3:18

mopathaihpa zydua chhaota Khazohpa kyhpachâna kawhzie, seihzie, asâhzie nata athuzie zy nama pahno thei aw.

EPHESI 5:2

Krista ta kyh miah pachâ ta, ropahâhpa châta Khazohpa lâta hmohlâpa ta nata atheihna ta keimo châta â piepa hawhna khata, kyhpachâna hro ta nâmo chhao hroh teh u.

EPHESI 5:25

Vahpa saih u, Krista ta Awnanopa kyhpachâ ta, Awnanopa châta â pie khaipa hawhta, nâmo chhao nama lapinôzy kyhpachâ teh u.

PHILIPI 1:7

Bâlia ei kypa liata nata thâtihpha a duakheipa ta ei pa-ina kyhzy liata Khazohpa ngiachhiena ei tolâhpazy nama châpa vâta, ei palôh liata khâ nama y. Chavâta nama zydua chô liata cha hawhpa palôh ei phaopa cha, kei châta tao awpa dopa a châ.

PHILIPI 4:7

Chatanachata Khazohpa thlalôhna, novâhna zydua hlâta sôh viapa ta nama palôh nata nama pachânazy cha Krista Zisu liata a cha vaipa lymâ aw ei.

KAOLAOSÂ 1:10

Chatanachata Abeipa hmâ tlâhpa chyhsa châ aw ei chi ta, kyh to liata ano palôh patlâhpa ta, raihria to liata pathei aw ei chi ta, Khazohpa pahnona liata nama laiseih rili aw.

1 PITY 1:8

Krista cha nama hmô leipa chhao ta a kyh pachâ ei chi ta, tahmâ hmô hra vei u la, a ngiapâ ei chi ta, pakah ta rei khai thei leipa alyna nata rônahna ta biepa ta,

2 PITY 3:18

Eima Beipa nata Pachhatuhpa Zisu Krista ngiachhiena nata pahnona liata laiseih lymâ teh u. Tahmâ nata chhâzaw ta Abeipa hnohta rônahna y mawh sy. Amen.