EPHESI 3:16 - Mara Bible RV (BSI)

¹⁶ A rônahna hneirôh ngaitazie hawhta, Khazohpa ta a Thlahpa zawhzi ta nama chhôh lâ hro tha a cha patlô thei nawpa ei ta, thlah ei cha chhâpa ei.

EPHESI 3:16 ပူးပေါင်းရင်းမြစ်များ

ZAWBÂ 23:6

A hmotaotheina rônahpa ta eina chakhia aw tlyma i? Châ vei, na chakhia aw vei.

HLAZY 138:3

Ei cha pado noh ta, Nâ chhy chi ta, Ei hro tha na patlô tyh.

HLAZY 28:8

Abeipa cha a chyhsazy thatlôna châ ta, A sathawthupa châta pachhana thokhy a châ.

ISAI 41:10

Chavâta chi khah y, Na hnohta ei y mâh tâh; Ngiarohpa ta y hra khah y, Na Khazohpa ei châ hih. Tha cha patlôpa ta cha bao aw na ta, Ei siana ku chachâh lâta khâchâ ei cha patu aw.

ZEREMIAH 31:33

“Cha nohzy hnôhlâ ta Izarei pathlazy hnohta biehrai ei tao awpa cha, he he a châ,” Abeipa ta a tah. “Ama chhôh liata ei ryhpa bie soh aw na ta, ama palôh liata ei roh ha aw. Kei ama Khazohpa châ aw na ta, âmo cha ei phopi ama châ aw.

ZEKARIA 10:12

Zudâh pathlazy cha, Abeipa liata thatlôpa ta tao aw ei na ta, Ano moh ta hmo ama tao aw,” Abeipa ta a tah.

MATHAI 6:13

Reipasaona lâta miah a chhi khah y, Moleipa tawhta miah pachha mah y. Khinarâh zy, hmotaotheina zy, rônahna zy, Chhâzaw nata tlyzaw ta na eih châ tlôh ta. Amen.’

RAWMA 2:29

Zu châna cha chyhsa chhôh liata y ta, chopawtaina cha palôh liata a y, châbie ta chopawtaipa châ leipa ta, Thlahpa ta taipa tlao a châ. Cha hawhpa chyhsa cha, chyhsapa reithaina hlao leipa ta, Khazohpa reithaina a hlao tyh.

RAWMA 7:22

Ei palôh ta Khazohpa ryhpa liata a ly na ta,

RAWMA 9:23

Ngiachhiena beihzy chô liata a rônahna palâsa nawpa ta, cha hmo cha Khazohpa ta a rônahna châta â chhuanoh chhielie hapa châ sala, khâpa a pei aw?

1 KAWRINI 16:13

A vaih u la, ngiapâna liata â ipata a duahpa ta, riahphapa ta y u la, thatlôpa ta y teh u.

2 KAWRINI 12:9

Châhrasala Abeipa ta, “Ei ngiachhiena na châta â daih na, ei hmotaotheina he chiehleina liata pakipa ta a y tyh,” eina tah haw. Chavâta Krista hmotaotheina ei chô liata a y thei nawpa ta, ei chiehleinazy he a ly ngaitapa ta ei palaikhei via lymâ aw.

2 KAWRINI 4:16

Chavâta eima palôh chhâ vei. Eima khôtho lâ chyhsapa he rao lymâ hra sala, eima chhôh lâ chyhsapa cha noh chareih pathiehpa ta a y lymâ.

EPHESI 1:18

Awpa nama châna liata hnabeiseihna pahnopa ta, mopathaihpazy châta a ryuto rônahpa hluhzie nama pahno thei nawpa ta, nama pathipalôh mozy pavâsapa a châ thei nawpa ta thlah ei cha chhâpa hra ei.

EPHESI 1:7

A thisaih vâta ano liata chatlaina hnei pi ta, cha cha a ngiachhiena hneirôhzie lymâ hawhta, eima paraonazy angiahthaina a châ.

EPHESI 2:7

Chatanachata daihti vaw tlô awpazy liata, Krista liana chata Khazohpa ta eima chô liata a phana palâsa aw ta, panua tiah leipa a ngiachhiena hluhpi eima chô lia a palâsa aw.

EPHESI 3:15

Ano cha lei nah vâ liata chhôhkha to moh bi hnâpa a châ.

EPHESI 3:8

Mopathaihpa chyh chaipa hlâta chyh viapa châ hraw sah la, pahno khai thei leipa Krista hneirôna cha, Zenitaizy hnohta chho awpa ta, cha ngiachhiena cha piepa ei châ.

EPHESI 6:10

A chhâ chaina ta cha, Abeipa nata a thatlôna liata thatlôpa ta y teh u.

PHILIPI 4:13

Tha nâ patlôtuhpa Krista liata ato ei tao thei.

PHILIPI 4:19

Ei Khazohpa ta Krista Zisu liata a rônahna hneirôhzie lymâ hawhta namâ phahlana to liata a cha pazao aw ei.

KAOLAOSÂ 1:11

Tiamana nata pasataona liata a ly kawpa ta nama tao thei nawpa ta, a thatlôna rônahpa liata hmotaotheina zydua hmâpa ta tha a cha patlô aw ei.

KAOLAOSÂ 1:27

Cha bienyupa rônahpa hneirônazie cha Zenitaizy hry liata pahnosa awpa ta, Khazohpa ta mopathaihpazy a tlyh ta, cha bienyupa cha nâmo liata a ypa Krista cha châ ta, rônahna hnabeiseihpa cha a châ.

KAOLAOSÂ 2:2

Chatanachata ama palôhzy thapatlôpa ta y aw ta, kyhpachâna liata a chahry pabaoh aw ei ta, pahnopasiana liata hneirôna zydua topa ta, Khazohpa bienyupa, Krista cha ama pahno thei aw.

2 TIMAWTHY 4:17

Châhrasala keima hmâpa ta thâtihpha chho pakipa ta a y thei nawpa nata Zenitai zydua ta ama thei thei nawpa ta, Abeipa tlai ta nâ duakhei ta, tha eina patlô. Chatanachata chakeibarôhneipa pakah tawhta pachhapa ta ei y haw.

HEBRAI 11:34

Mei hmotaotheina pachhai ei ta, zaozi tiahpa khôkhâh ei ta, chiehleina tawhta thatlôpa ta taopa ama châ. Adyuhna liata pasaipha châ ei ta, chihropa pheisaihzy a chadai ei ta amâ râpai.

1 PITY 3:4

chhôh lâta atobina, chhithaina a tleih beih leipa, nônaina nata achalihna palôh ta tlao a tobipa châ mawh sy. Cha cha Khazohpa mohmô ta a sôh ngaita.