EPHESI 3:14 - Mara Bible RV (BSI)

¹⁴ Cha vâna chata Paw hmiakô liata pakhu paneihpa ta ei bôh tyh.

EPHESI 3:14 ပူးပေါင်းရင်းမြစ်များ

1 ABEIZY 19:18

Châhrasala Izarei râh liana heta Bâlâ hmiakô liata pakhu paneih beih leipa nata Bâlâ a pahnâ beih leipa chyhsa sâh sari kei châta ei pahlôh aw,” tah ta.

1 ABEIZY 8:54

Sawlawmaw cha Abeipa lâta thlahchhâna nata hiana zydua a hnei khai nahta, Abeipa maisâh hmiakô liata pakhu paneihpa ta avâ lâ ku pazawhpa ta a yna tawhta thyu ta.

2 THÂTIHZYRONA 6:13

Sawlawmaw cha dawh laitlâ, a doh lâ dy pangawh, a hâ lâ dy pangawh, â sâhna lâ dy thôh ta tao ta, Achhyna o dôhpachhôh tlyhmia liata a patyupa chô liata a duah ta. Izarei zawpi zydua hmiakô liata a pakhu paneih ta, avâ lâ a heipa ta a bâh pazawh ta, hetana heta thlah a chhâ.

EZRÂ 9:5

Zâlâ atheihna daihti liata kâhvileipa ta ei ypa tawhta thyu na ta, ei viahkao nata ei poh a hrie khai hapazy chhaota ei pakhu paneih na ta, Abeipa ei Khazohpa hmiakô lâ ei bâh pazawh na ta, a hnohta,

HLAZY 95:6

A vy u la, a chhypa ta a bôh sih la, Abeipa miah Taotuhpa hmiakô liata pakhu paneih ei suh u!

ISAI 45:23

Ei moh a reipa ta keimasasyh ta bie a taih na ta, Ei pakah tawhta siana ta bie pua ha ta, Vaw kua khao aw vei. Pakhu to ei hmiakô liata paneih aw ei ta, Paleih to ta na pazi awpa ta bie amâ taih aw.

DÂNIAH 6:10

Pakhâna biepiepa cha moh ro thlupa a châ haw tahpa a pahnopa nahta, Dâniah cha a o lâ thlai a di ta. A o chô chhâh opyzy cha Zerusale lâ paheipa ta pahypa châ ta. A vaw tao tyhpa hawhta, noh kha ta ei thôh a pakhu paneihpa ta, a Khazohpa hmiakô liata thlahchhâpa ta alyna bie reih ta.

LUKA 22:41

Alô vaw phana rakha lâ ânano ta sie ta, a pakhu paneih ta, thlahchhâ ta,

HMOTAOPAZY 20:36

Cha biezy cha a rei khai nahta, a pakhu paneih ta, ama zydua châta thlahchhâ ta.

HMOTAOPAZY 21:5

Cha liata y nawpa daihti a chhâ nahta, pua pi ta, sie heih pi ta. Unawhzy cha ama zydua ta, ama lapi sawzy chhaota, khih eima khô hlâlei miah vaw pathlie ei ta. Raphyu liata eima pakhu paneihpa ta thlah eima chhâ khai tawhta,

HMOTAOPAZY 7:60

A pakhu paneih ta, ao paro ngaitapa ta, “Abeipa y, he ama moleina maoh he âmo paphaosa khah y,” tah ta. Cha bie cha a rei khai nahta, a mô ha ta.

HMOTAOPAZY 9:40

Pity ta ama zydua khôtho lâ papua ta, pakhu paneihpa ta thlahchhâ ta, athihpa ri lâ a heih ta, “Tâbi, thyu teh,” tah ta. Tâbi cha a mo vaw padeih ta, Pity a hmô nahta, a kaw tyuh ta.

EPHESI 1:3

Khazohpa nata eima Beipa Zisu Krista Paw cha reithaipa ta y mawh sy. Ano chata avâ suzy liana khita Krista zawhzi ta thlahpa lâ byhnâ to miah pie ta.

EPHESI 3:15

Ano cha lei nah vâ liata chhôhkha to moh bi hnâpa a châ.

PHILIPI 2:10

Chatanachata avâ nata alei nata alei ry liata a ypa zydua ta Zisu moh ta ama pakhu paneih aw ei ta,