EPHESI 2:3 - Mara Bible RV (BSI)

³ Keimo chhao eikhano cha, reingiah leipazy hry liata eima vaw y hra. Eima sapa aohraohnazy papitlohsapa ta, sapa nata palôh khopazy vaw tao tyh pi ta, chyhsa hropazy hawhta hiehâhna saw ta a vaw pihpa eima châ.

EPHESI 2:3 ပူးပေါင်းရင်းမြစ်များ

ÂTHAONA 5:3

Âdâh cha kô 130 a châ nahta, ano a lyupa, ano kakuapa sawchapawpa sa ta, a moh Sethâ a bi.

ÂTHAONA 6:5

Alei chô liata chyhsapa cha thata vaw molei ta, a palôh phaozie chhao, khatino rai ta moleina lâ a heihpa a châzie Abeipa ta hmô ta.

ÂTHAONA 8:21

Abeipa ta ropahâhpa cha a thei nahta, Abeipa ta a palôh ta, “Alei he chyhsapa vâta chhiesa heih khao aw va na, chyhsapa palôrupa phaozie cha a hawti no tawhta moleipa châ tlôh ta. Tahmâ ta ei hriepa hawhna heta, hmohrohneipa to hrie heih khao aw va na.

ZAWBÂ 14:4

Ahy ma hmo pathaih leipa tawhta hmo pathaihpa a papua thei aw? Pakha hmah y veih ei.

ZAWBÂ 25:4

Kheihta ma chyhsapa cha Khazohpa hmiakô liata a sia thei aw? Kheihta ma chanô sapa chyhsa cha a pathaih thei aw?

HLAZY 51:5

Pachâ teh, paraona liata taopa châ na ta, Ei nô ta moleina liata a phaopa ei châ.

ISAI 53:6

Eima zydua ta mietaku hawhta pavia pi ta, Eima lâpi chyu lâta eima tlei; Eima zydua paraona cha, Abeipa ta ano chô liata a pahnieh haw.

MÂKA 4:19

châhrasala khizaw hmo pachâna nata hneirôna nata hmo hropazy tlaichhaina âmo liata a vaw ngia ta, cha chata bie cha disao ta, pathei thei leipa ta a y tyh.

ZAWHÂNA 1:13

Cha chyhsazy cha thisaih ta sapa châ leipa ei ta, sapa khozie ta sapa châ hra leipa ei ta, chyhsapa khozie ta sapa châ veih ei. Khazohpa ta a sapazy ama châ.

ZAWHÂNA 8:44

Nâmo cha nama paw ahripa tawhta a puapa châ ei chi ta, nama khopa cha, nama paw khopa taopa a châ. Ano cha âthaona tawhta lianycheihpa châ ta, ano liata biehmeiseihpa rai a y leipa vâta, biehmeiseihpa liata a duah vei. Haipa bie a rei nahta, ano châna dopa a palâsa tyh. Ano cha haihthaipa nata haipa bie zydua paw a châ.

HMOTAOPAZY 14:16

Hlâno daihtizy liata cha, phopi to âmo lâpi chyu a chhih awpa ta Khazohpa ta pasaih ta.

RAWMA 1:24

Chavâta ama pôhpa nozachhih ngaitapa ta a tao raihrie awpa ta, ama pathipalôh aohraohna hawhta hmo puapa tao awpa ta Khazohpa ta â heihsai ha ei.

RAWMA 11:30

Eikhano ta cha Khazohpa rei a ngiah leipa châ ei chi ta, tahmâ deikua cha, âmo reingiah leina zawhzi ta ngiachhiena nama to haw.

RAWMA 13:14

Abeipa Zisu Krista ta tlao a tobi u la, nama sapa khopa pipatlohsa nawpa ta khâpa hmah tao khuh vy.

RAWMA 2:14

Ryhpa a hnei leipa Zenitaizy ta ama pikheipa chhie nata pha pahnona hmâpa ta, ryhpa ta â hnawpazy ama tao tyh. Chavâta ryhpa ama hnei leipa chhao ta, cha cha âmo châta ryhpa a châ.

RAWMA 5:10

Khakhaipa eima châ nota hmahta, a Sawchapawpa thina vâta Khazohpa nata a ryhpa ta eima y khiahta cha, tahmâ eimâ ryh ha tawh chhochhi cha, a hrona vâta pachhapa ta eima y via pachai aw.

RAWMA 5:9

Chavâta tahmâ a thisaih ta thai pachâsapa eima châ tawhta chhochhi cha, ano vâta Khazohpa hiehâhna tawhta pachhapa ta eima y via pachai aw.

RAWMA 6:12

Nama sapa khona pipatlohsa awpa ta, nama pôhpa thi theipa chô liata moleina ta ryureih khah sy.

RAWMA 7:18

Ei sapa liata hmo phapa rai y vei tahpa ei pahno. Hmo pha tao khona keima liata y ta, châhrasala tao theina hnei va na.

RAWMA 9:22

Khazohpa ta a hiehâhna palâsa ta, a hmotaotheina pahnosa awpa khoh hra sala, hiehâhna beih a leidia tlâhpazy chô liata palôh pasi ngaitapa ta a dao lylia khiahta cha, khâpa a pei aw?

1 KAWRINI 4:7

Ahy ma mohropazy nata ananopa ta châ tao? Na dao leipa hmo khâpa na hnei? Na daopa a châ tlôh khiahta cha, khazia daopa a châ leipa hmo hawhta nâ palaikhei?

2 KAWRINI 7:1

Kyhpachâ ngaitapa saih u, cha bietaizy cha eima hneipa vâta, pôhpa nata thlahpa a papuapaleipa zydua tawhta a pathai sih la, Khazohpa chipa ta pathaih pakipa ta y suh u.

KALATIA 3:22

Châhrasala Khazohpa bietai cha, Zisu Krista ngiapâna vâta, ngiapâtuhpazy hnohta piepa a châ thei nawpa ta, khizaw zydua he moleina liata a tâhpa a châzie Biehrai ta a phuah.

EPHESI 2:2

He khizaw ryhpa hawhta y ei chi ta, avâ ruapa liata ryureituhpa bei, reingiah leipazy chô liata tahmâ chhao a hria haipa thlahpa cha pazipa ta, paraona nata moleinazy liata nama vaw tlaih tyh.

EPHESI 4:22

Eikhano ta nama hrozie ta a hrohpa, dôveina piehpie aohraohna ta a parao tyhpa, nama chyhsa parohpa kha pahluh u la,

KAOLAOSÂ 1:21

Nâmo chhao eikhano cha, moleinazy taopa ta, Khazohpa nata a maniah ei chi ta, nama palôh ta ano khakhaipazy nama châ.

1 THYSALAWNIKA 4:13

Unawh saih u, hnabeiseihna rai a hnei leipa mohropazy hawhta nama pachâ a rôh lei nawpa ta, a môpazy thâtih nama pahno lei awpa khoh ma pi.

1 THYSALAWNIKA 5:6

Chavâta mohropazy hawhta a mô leipa ta, a hra sih la, palôh pasohpa ta y ei suh u.

1 TIMAWTHY 6:9

Hneirôh a chhuahpazy ta reipasaona liata a ngia ei ta, khoheih liata amâ ao tyh. Âmo a parao thei awpa hmozy khoh ei ta, hru kawpa ta hmo taopa ta, ama pao tyh. Hneirôh khona ta chyhsazy cha raona nata leidiana liata a pamôh tyh ei.

TITU 3:3

Kha hlâta cha keimo chhao chyhsa hrupa, chhorupa, dôvei naopa, aohraohna nata phasana to sei ta a ypa, moleina nata hnâchhaona ta a hrohpa, chyhsa ta amâ haopa nata keimo nata keimo a hao raihriepazy eima vaw châ.

1 PITY 1:14

Saw phapazy hawhta y u la, kha hlâta nama pahno lei nota nama aohraohnazy hawh khata y khao khuh vy.

2 PITY 2:14

Ama mokhaoh cha apheina ta bie ta, moleina hmo taona liata ama rih a bie beih leipa ama châ. Chyhsa a i leipazy sydie ei ta, karâhneina palôh phaoh ei ta, chhiesapa sawzy ama châ.

2 PITY 2:18

A patahtheisa kawpa ta bie hraoleipazy reih ei ta, moleipa chyhsazy tawhta a râ dyupazy cha, sapa aohraohna moleina liata ama pahluasa tyh.

1 ZAWHÂNA 2:16

Khizaw liata hmo a ypa zydua, sapa aohraohna, mokhaoh aohraohna nata hro chhôh hneirôna a palaikheina zy he Paw tawhta a puapa châ leipa ta, khizaw tawhta a puapa a châ.

1 ZAWHÂNA 2:8

Kao kha lâ tawhta la, biepie thiehpa nâmo lâ a vaw rohpa ei châna kao a y. Cha cha ano liata nata nâmo liata â do, zohna cha lei hai ta, khaihna hmeiseihpa a vaw khaih hapa vâta.