EPHESI 2:21 - Mara Bible RV (BSI)

²¹ Ano liana chata o sana lôzy paryhpa châ ta, Abeipa liata Achhyna o pathaihpa a vaw châ tyh.

EPHESI 2:21 ပူးပေါင်းရင်းမြစ်များ

1 ABEIZY 6:7

Alô chaona su liata khai chiehpa alôzy ta Achhyna o cha sapa a châ. Chatanachata o sa chhôh zydua ta, syulô pyu, ahrei pyu nata thua chhaichhi pyu kheihawhpa hmahta Achhyna o liata thei awpa y vei.

HLAZY 93:5

Na bieraopazy a i ta, Hy Abeipa, pathaihna cha, Na o nata chhâzaw ta a hmiepa a châ.

EZEKIA 42:12

Chho lâta chhôhpadâhpazy angiana chhao maw lâtapa nata â lyu. Siepahliena athaona liata angiana miakha y ta, cha siepahliena cha nochhi lâta pâhchhô liatapa nata a lyupa a châ.

1 KAWRINI 3:9

Keimo he Khazohpa hrialâhpazy châ pi ta, nâmo Khazohpa lyu châ ei chi ta, Khazohpa o sapa nama châ.

2 KAWRINI 6:16

Khazohpa Achhyna o nata nothlahpazy ta khâpa aryhna ama hnei? Keimo he Khazohpa hrohpa Achhyna o cha eima châ, Khazohpa ta, “Ama hry liata pahrâ aw na ta, Ama hnohta ei charei aw; Ama Khazohpa châ aw na ta, Ei phopi ama châ aw,” a tahpa hawhna khata.

KAOLAOSÂ 2:19

Cha hawhpa chyhsa chata Luh cha khâchâ patu vei. Luh ta pôhpa pachiahpa a pazaopakhypazy chyh ta, Khazohpa khozie hawhta ama laiseih lymâ.

1 TIMAWTHY 3:15

vaw hawh pathlei mawh sah la, Khazohpa chhôhkha liata kheihta y awpa ma a châ tahpa na pahno thei nawpa ta ei vaw ropa a châ. Khazohpa chhôhkha cha Khazohpa hrohpa Awnanopa châ ta, cha cha bie hmeiseihpa tôh nata abôna a châ.