EPHESI 2:2 - Mara Bible RV (BSI)

² He khizaw ryhpa hawhta y ei chi ta, avâ ruapa liata ryureituhpa bei, reingiah leipazy chô liata tahmâ chhao a hria haipa thlahpa cha pazipa ta, paraona nata moleinazy liata nama vaw tlaih tyh.

EPHESI 2:2 ပူးပေါင်းရင်းမြစ်များ

ZAWBÂ 1:16

Bie a rei hai nota, chyhsa hropa vaw tlô ta, Zawbâ hnohta, “Avâ tawhta Khazohpa mei za tla ta, mietakuzy nata chakaotuhpazy kâ ta, a kâ patlô khai ha ei. Kei deita he thâtih cha chho awpa ta a vaw râpa ei châ,” tah ta.

ZAWBÂ 1:19

moh teh, râhchawhpa lâ tawhta thlihpi ru ngaitapa vaw pathli ta, o cha ki palih liata vaw su ta, thyutliazy pao thlu ta, ama thi haw. Kei deita he thâtih cha chho awpa ta a vaw râpa ei châ,” tah ta.

ZAWBÂ 1:7

Abeipa ta Sâtâ hnohta, “Khataih tawhta a vypa ma na châ?” tah ta. Sâtâ ta Abeipa cha a chhy ta, “Alei chô liata vawh heih, a vy heih, khy heih, zu heih tahna tawhta â vypa ei châ,” tah ta.

ZAWBÂ 31:7

Ei phei ta lâpi tleisai sala, Ei palôh ta ei mo zipa ta, Ei kuzy liata avyhpa â bai khiahta cha,

HLAZY 17:14

Hy Abeipa, cha hawhpa chyhsazy tawhta na ku ta na pachha la, Hro chhôh ta tovyuh a hneipa khizaw chyhsazy tawhta na pachha mah y. Ama chhi cha ryusôhpazy ta pabie chi ta, Palôhtlâhna taihta sawzy hnei ei ta, Ama hneinazy cha sawzy châta ama siesai tyh.

ISAI 30:1

“Saw chhorupazy ama hu a po na,” Abeipa ta a tah. “Ryhraona tao ei ta, Châhrasala keima ryhraopa châ vei; Azaona tao ei ta, Châhrasala ei Thlahpa ta taopa châ vei. Chavâta moleina ama baichha via lymâ.

ISAI 57:4

Ahy ma saisona ta nama hmâ tly? Ahy ma nama pakah pakawh thlu ei chi ta, Nama paleih nama pachhao chie tly? Nâmo palie kha moleina sawzy châ ei chi ta, Dôveina chipathlazy tlao châ veih ei chi ma?

ZEREMIAH 23:10

Râh cha apheipazy ta bie ta, Chhiesana vâta râh mâchhiesa ta, Râhchawhpa sibiepazy a raoh khai haw. Hmo pha leipa lâpi a chhih ei ta, Â doleipa ta ama thatlôna a hmâhpa ama châ.

HÔSIA 10:9

Hy Izarei, Kibia nohzy tawhna khata molei ha chi ta, Cha liata ama molei lymâ. Chavâta adoleipazy adyuhna chariah ta Âmo cha khazia Kibia liata a pahnie aw veih ei?

THEIHTHAINA 11:16

vawpô, valâtla, nârâ seihhaohpa, pahmôh chyhpa chi to,

MATHAI 11:19

Chyhsa Sawchapawpa a vy ta, nie ta, doh ta, ‘Moh tua u, azohpa nata kresawhti parâpa, chhiekheituhpazy nata moleipazy viasa huh!’ tah heih ei ta. Châhrasala sona cha a hmotaopazy tawhta â dozie â lâ tyh,” tah ta.

MATHAI 13:22

He he ahloh thih liata chi hiepa cha a châ. Bie cha thei ta, châhrasala khizaw hmo pachâna nata hneirôna tlaichhaina ta bie cha disao ta, pathei leipa ta a y tyh.

MATHAI 13:38

Lyu cha khizaw châ ta, chi phapa cha khinarâh sawzy ama châ. Sâh pakheipazy cha moleipa sawzy châ ei ta,

MÂKA 4:19

châhrasala khizaw hmo pachâna nata hneirôna nata hmo hropazy tlaichhaina âmo liata a vaw ngia ta, cha chata bie cha disao ta, pathei thei leipa ta a y tyh.

LUKA 16:8

A zibeipa ta sôh mohôhtuhpa adoleipa cha ryhraona a pahno thaipa liata tlao reithai ha ta. Khizaw sawzy he âmo chhâ hmo kyh liata la, khaihpa sawzy hlâta ama vaw so via.

LUKA 22:31

“Saimaw, Saimaw, pachâ teh, Sâtâ ta sâh chanei ta a cha chanei thei nawpa ta, cha hnei awpa a khoh.

ZAWHÂNA 12:31

Tahmâ he khizaw pachiana daihti châ ta, tahmâ he khizaw bei cha thypa a châ aw.

ZAWHÂNA 13:2

Ahripa ta Saimaw sawchapawpa Zudâh Iskari cha, Zisu patusa awpa pachâna a palôh liata soh ta. Chatanachata zâpati ama dôh nota,

ZAWHÂNA 13:27

Viahchhâ a pie khai nahta, Zudâh Iskari chhôh liata Sâtâ a ngia ta. Zisu ta a hnohta, “Na tao awpa cha tao para teh,” tah ta.

ZAWHÂNA 14:30

He tawhta la nama hnohta bie reih hluh thei khao aw va na, khizaw ryureituhpa a vy tlôh aw ta. Ei chô liata biehnei taraw vei,

ZAWHÂNA 15:19

Khizawpa châ u la, khizaw ta ano eih hawhta kyh a cha pachâ aw ei. Châhrasala khizawpa châ leipa ei chi ta, khizaw tawhta ei tlyh papuapa nama châpa vâta, khizaw ta a châ hao ei.

ZAWHÂNA 16:11

Pachiana kyh liata ama thaileichâna cha, khizaw ryureituhpa he a thâtih pachiapa a châ hapa vâta a châ.

ZAWHÂNA 7:7

Khizaw ta nâmo cha châ hao thei vei, kei deikua cha einâ hao, a hmotaopazy a moleizie ei palâhâhpa vâta.

ZAWHÂNA 8:23

Zisu ta ama hnohta, “Nâmo cha ry lâ tawhta a puapa châ ei chi ta, kei deikua cha, chô lâ tawhta a puapa ei châ. Nâmo cha khizaw tawhta a puapa châ ei chi ta, kei deikua cha, he khizaw tawhta a puapa châ va na.

ZAWHÂNA 8:44

Nâmo cha nama paw ahripa tawhta a puapa châ ei chi ta, nama khopa cha, nama paw khopa taopa a châ. Ano cha âthaona tawhta lianycheihpa châ ta, ano liata biehmeiseihpa rai a y leipa vâta, biehmeiseihpa liata a duah vei. Haipa bie a rei nahta, ano châna dopa a palâsa tyh. Ano cha haihthaipa nata haipa bie zydua paw a châ.

HMOTAOPAZY 19:35

Khihpi chârohtuhpa ta zawpi cha a chalihsa khai nahta, “Ephesi mo saih u, Ephesi mo he Artemi rônahpa achhyna o nata avâ tawhta ano nothlahpa zâ tlapa a vaituhpa nama châ tahpa, a pahno leipa ahy ma a y tly?

HMOTAOPAZY 5:3

Pity ta, “Anania, Thlahpa Pathaihpa dô awpa nata râh zuana ty phih bâ awpa ta, khazia Sâtâ ta na palôh a pabie?

RAWMA 12:2

He khizaw ryhpa hawhna heta y leipa u la, nama palôh pathiehpa ta tlao anano lymâ teh u. Chatanachata Khazohpa khopa cha khâpa ma a châ tahpa pahno thei aw ei chi ta, hmo phapa a pyh tlâhpa nata phapakipa cha nama pahno thei aw.

1 KAWRINI 5:10

Khizaw chyhsa apatlana moleina a taopazy, khohleikhopa nata aparupazy nata nothlahpa a chhypazy a pahlao chachei lei awpa ei tahpa deikua châ vei. Cha hawhpa châ sala, khizaw nama puasai awpa byuh tlôh aw ta.

1 KAWRINI 6:11

Nama hry liata thokha chhao, cha hawhpa chyhsa nama châ tyhpa kha. Châhrasala pasipa nata pathaisapa châ ha ei chi ta, Abeipa Zisu Krista moh ta nata eima Khazohpa Thlahpa ta thai pachâsapa nama châ haw.

2 KAWRINI 4:4

Krista cha Khazohpa a lyupa châ ta, a rônahna thâtihpha khaihpa ama hmô lei nawpa ta, he khizaw khazoh ta ngiapâleipazy palôh mo a pachao haw.

KALATIA 1:4

Ano cha eima Khazohpa nata eima Paw khozie hawhta, tahmâhlâ khizaw moleina tawhta miah pachha awpa ta, eima moleinazy vyuhpa ta anosasyh â hlâpa a châ.

EPHESI 1:21

Cha hmotaotheina cha, abeina zydua, biehneina zydua, hmotaotheina zydua nata ryureina zydua chô lâta y ta, he khizaw lia dei châ leipa ta, khizaw vaw y awpa liata chhao, moh bipa to chô lâta a y aw.

EPHESI 2:11

Chavâta he he a thei thlâh ha teh u. Hlâno ta cha, nâmo, sapa liata Zenitaizy cha chopawtaipazy ta, “Chopawtaileipa” ama cha tah tyh. Chopawtaipa cha pôhpa liata ku ta taopa a châ.

EPHESI 2:13

Tahmâ Krista Zisu liata deikua cha, nâmo, eikhano ta lâhlapi ta a y tyhpazy kha, Krista thisaih ta pahniasapa ta nama y haw.

EPHESI 2:3

Keimo chhao eikhano cha, reingiah leipazy hry liata eima vaw y hra. Eima sapa aohraohnazy papitlohsapa ta, sapa nata palôh khopazy vaw tao tyh pi ta, chyhsa hropazy hawhta hiehâhna saw ta a vaw pihpa eima châ.

EPHESI 4:17

He he Abeipa liata reih na ta, ei cha chho ei: Pachâna hraoleipa a hneipa Zenitaizy hawhta nama y khao awpa châ vei.

EPHESI 4:22

Eikhano ta nama hrozie ta a hrohpa, dôveina piehpie aohraohna ta a parao tyhpa, nama chyhsa parohpa kha pahluh u la,

EPHESI 5:6

Ahy hmahta hraoleipa bie ta cha dôvei khah ei sy. Cha hmozy vâna chata Khazohpa pathiiana cha ngiapâleipa sawzy chô liata a tlô tyh.

EPHESI 5:8

Hlâno cha zohpa châ ei chi ta, tahmâ deikua, Abeipa liata khaihpa nama vaw châ haw. Khaihpa sawzy hawhta hroh teh u.

EPHESI 6:12

Eimâ piapazy he sapa nata thisaih châ leipa ei ta, abeinazy, biehneinazy, he khizaw zohna chô liata hmotaotheinazy nata avâ suzy liata a ypa thlahpa moleipazy tlao ama châ.

KAOLAOSÂ 1:21

Nâmo chhao eikhano cha, moleinazy taopa ta, Khazohpa nata a maniah ei chi ta, nama palôh ta ano khakhaipazy nama châ.

2 TIMAWTHY 4:10

Demâ cha tahmâhlâ khizaw he a tlaichhaipa vâta na siesai ta, Thysalawnika lâ sie ha ta, Krekisâ chhao Kalatia lâ sie ha ta, Titu chhao Dalmatia lâ a sie haw.

ZÂMIE 1:27

Khazohpa nata Paw mohmô liata zyhna pathaihpa nata papuapalei leipa cha, Hâra nata nôhmeizy ama riethei pasataona liata deichhypa nata khizaw puapa kia leipa ta ypa he a châ.

ZÂMIE 1:7

Cha hawhpa chyhsa cha khâpa hmah Abeipa tawhta hmô awpa a pangiasa khah sy.

ZÂMIE 4:4

Nâmo, apheipa saih u, khizaw viasa châpa he Khazohpa nata akhakhaina a châ tahpa pahno veih ei chi ma? Chavâta ahy rai khizaw viasa châ a khohpa maih, Khazohpa khakhaipa ta â tao tyh.

1 PITY 1:14

Saw phapazy hawhta y u la, kha hlâta nama pahno lei nota nama aohraohnazy hawh khata y khao khuh vy.

1 PITY 4:3

Zenitaizy khopa taopa ta, parâna, aohraohna, paripangana, a hlao ta apatlana, sahma do pahmaohna nata nothlahpa achhyna pasichhihpa zy liata nama vaw tlaih tyhpa kha â daih ha bâ.

2 PITY 2:14

Ama mokhaoh cha apheina ta bie ta, moleina hmo taona liata ama rih a bie beih leipa ama châ. Chyhsa a i leipazy sydie ei ta, karâhneina palôh phaoh ei ta, chhiesapa sawzy ama châ.

1 ZAWHÂNA 3:10

He liana heta ahyzy ma Khazohpa sawzy châ ei ta, ahyzy ma ahripa sawzy a châ ei tahpa â hno: Ahy rai siana a hrokhei leipa cha, Khazohpa tawhta a puapa châ vei. A unawhpa kyh a pachâ leipa chhao Khazohpa tawhta a puapa châ vei.

1 ZAWHÂNA 3:8

Ahripa cha âthaona tawhta a molei ngâ thlâh hapa châ ta, chavâta a molei ngâ thlâh hapa chyhsa cha ahripa tawhta a puapa a châ. Ahripa raihria pahleipadia awpa cha, Khazohpa Sawchapawpa â vaw luahna chhâpa a châ.

1 ZAWHÂNA 4:4

Sawzy saih u, nâmo la, Khazohpa tawhtapa châ ei chi ta, nâmo liata a ypa cha khizaw liata a ypa hlâta a rônah viapa vâta, chazy cha nama tiah haw.

1 ZAWHÂNA 5:19

Keimo cha Khazohpa tawhtapa châ pi ta, khizaw pôhpalôhpa he Sâtâ rei sai ta a y tahpa eima pahno.

1 ZAWHÂNA 5:4

Khazohpa sapa maihta khizaw ama tiah tyh. He he khizaw pahniepa ta eima tiahna cha a châ, eimâ ngiapâna hih.

BIEPHUAH 12:9

Chatawhcha drâkao lai ngaitapa, parih hlôpa, ahripa nata Sâtâ tahpa ta moh bipa, khizaw zydua a dôtuhpa cha za thy pathlah ei ta. Alei lâ za thy ei ta, a vâlyuhchâpazy chhao a hnohta za thy pâ hra ei ta.

BIEPHUAH 13:14

Sahrâhpa hmiatuapa moh ta hmonoâhpa taotheina hmotaotheina piepa a châpa hmâpa ta, alei liata a pahrâpazy dôvei ta, zaozi hmah phaoh ta a hroh heihpa sahrâhpa nothlahpa padua awpa ta a chho ei.

BIEPHUAH 13:8

Alei chô liata a pahrâpa zydua, khizaw â thao tua no tawhta thie chiehpa Mietakutaw hrona châbu liata moh ro leipa maihta ano cha amâ chhy aw.

BIEPHUAH 16:17

Vâlyuhchâpa pasarina ta a biebuh cha aruapa liata patlai ta. Achhyna o liata beidyuchhai tawhta ao paro ngaitapa vaw pua ta, ao chata, “A ngoh haw!” tah ta.

BIEPHUAH 20:2

Drâkao parih hlôpa, ahripa nata Sâtâ cha patu ta, kô sâh kha châta chahry ta.