EPHESI 2:19 - Mara Bible RV (BSI)

¹⁹ Chavâta tahmâ la khichhaipa nata khitlyhpa dei châ khao veih ei chi. Mopathaihpazy nata hmaohkha ta khinarâh sawzy châ ha ei chi ta, Khazohpa chhôhkhazy tlao nama châ haw.

EPHESI 2:19 ပူးပေါင်းရင်းမြစ်များ

MATHAI 10:25

Pachupa cha ano pachutuhpa a lyupa a daih ta, sei ta a zibeipa a lyupa â daih. O hneituhpa hmahta Belzebu ama tah khiahta cha, a chhôhkhazy chhochhi cha khatlu ta ma ama reipachhie via aw tly!

KALATIA 6:10

Chavâta rypaohna eima hneipa hawhta, chyhsa zydua chô liata hmopha tao sih la, ngiapâtuhpa chhôhkhazy chô liata tao pachai suh u.

EPHESI 2:12

Kha nona kha, Krista a hlao leipa ta y ei chi ta, Izarei râh nata a maniahpa ta, bietai biehraizy liata khichhaipa châpa ta, hnabeiseihna hnei leipa nata Khazohpa hnei leipa ta khizaw liata nama y.

EPHESI 3:15

Ano cha lei nah vâ liata chhôhkha to moh bi hnâpa a châ.

EPHESI 3:6

Bienyupa cha he he a châ: Thâtihpha vâta Zenitaizy cha, Krista Zisu liata Izarei sawzy nata ryuto lâhpazy châ ei ta, pôhpa miakha pachiahpa a châ khohpazy nata bietai a hlypazy ama châ.

PHILIPI 3:20

Keimo khihsana deikua cha vârâh liata y ta, vârâh tawhta Pachhatuh Abeipa Zisu Krista a zu awpa cha ngiatiah leipa ta eima hâ.

HEBRAI 11:13

Cha zydua cha ngiapâna hneipa ta thi ha ei ta. Ama hnohta bietaipa hmozy ama to mâh leipa chhao ta, lâhlapi tawhta saipa ta a naoh ei ta, alei liata cha khichhaipa nata khitlyhpa dei ama châ tahpa ama pahno.

HEBRAI 13:14

He liata khihpi sôhpahlôhpa hnei tlôh lei khâh pi ta, khihpi a vaw y awpa cha tlao eima tlua.

1 PITY 2:11

Kho ngaitapa saih u, khichhaipa nata khitlyhpa nama châpa vâta, thlahpa a dyuhtuhpa sapa aohraohnazy bâhsai awpa ta ei châ haw ei.

1 ZAWHÂNA 3:1

Pachâ teh u, Paw ta kyh miah pachâna cha thata a châ kaw dia! Khazohpa sawzy ta miah a bie ha hih. Cha hawhpa cha eima châ tlai na. Khizaw ta Khazohpa a pahno leipa vâta, keimo chhao miah pahno veih ei.