EPHESI 2:17 - Mara Bible RV (BSI)

¹⁷ Krista â vy nona khata, nâmo, lâhlapi ta a ypazy hnohta aryhna bie cha chho ei ta, lâhnia liata a ypazy hnohta chhao a cha chho hra ei.

EPHESI 2:17 ပူးပေါင်းရင်းမြစ်များ

HLAZY 148:14

A mopathaihpa zydua rônahna châta, A phopi ki cheihchalo ta; A kiapâh liata a ypa Izarei sawzy châta, A phopi ki a cheihchalo haw. Abeipa cha reithai teh u!

HLAZY 75:1

Hy Khazohpa, alyna bie eima cha hlâ; Na moh â hniapa vâta alyna bie cha hlâ pi ta, Na hmonoâh taopa kyhzy eima phuah.

HLAZY 85:10

Ngâchhihna nata biehmeiseihpa a tyh ei ta, Siana nata thlalôhna ta amâ pahnâ.

ISAI 27:5

Cha ta a châ vei khiahta cha, Ei thokhy liata a vaw chhai ei sala, Nâ vaw dyh mawh ei sy, Nâ vaw dyh mawh ei sy.”

ISAI 52:7

Thlalôhna bie phuahpa ta, Lôtlâhna bie vaw tlôkhei ta, Zaio pachhana phuahpa ta, Zaio hnohta, “Na Khazohpa ta ryu a reih,” a tahtuhpa, Tlâhzy liata thâtihpha a vaw tlôkheituhpa phei cha, Â ngia ngaita kaw dia!

ZEKARIA 9:10

Epharai tawhta talailih chhawh pathlah aw na ta, Zerusale tawhta adyuhna arâ ei chhawh pathlah aw; Adyuhna libaw thlie pachhôpa châ aw ta, Phopizy hnohta adyhna bie a phuah aw; A ryureina cha tilaipi tawhta tilaipi taihta châ aw ta, Chavah tawhta khizaw kaokih chhâna taihta a châ aw.

MATHAI 10:13

Cha o liata chyhsazy cha a naoh tlâh ama châ khiahta cha, nama thlapalôhna bie ama chô liata tlô sala, a naoh tlâh ama châ vei khiahta deikua cha, nama thlapalôhna bie cha nâmo lâ vaw kua heih mawh sy.

LUKA 15:8

“Cha leipa chhao ta, ahy chanô ma tâkâ tlaw hrawh hnei ta, tlaw kha pahlei ha sala, meiôh raopa ta o phi aw ta, a hmô hlâlei pakhâta ta tlua leipa ta a y aw?

LUKA 2:14

“Khazoh Chônôchaipa hnohta rônahna y sala, Lei chô liata â lypa chyhsazy hnohta thlalôhna y mawh sy!” tah ei ta.

HMOTAOPAZY 10:36

Khazohpa ta Izarei sawzy hnohta bie vaw tlôkhei ta, Zisu Krista hmâpa ta thlalôhna thâtihpha cha ama hnohta vaw tlôkhei tlai ta, châhrasala Zisu cha ato zydua Beipa a châ.

HMOTAOPAZY 2:39

Bietai cha nâmo châta châ ta, nama sawzy châta châ hra ta, lâhlapi ta a ypa zydua châta chhao châ ta, Abeipa eima Khazohpa ta a awpa zydua châta a châ,” tah ta.

RAWMA 10:14

Cha khiahta la, amâ ngiapâ leipa cha kheihta ama pado thei aw? Ama thei beih leipa cha kheihta amâ ngiapâ thei aw? Biechhotuhpa y leipa ta kheihta ama thei thei aw.

RAWMA 5:1

Chavâta ngiapâna vâta thai eima châ ha tawhta cha, eima Beipa Zisu Krista zawhzi ta Khazohpa nata a ryhpa ta eima y haw.

2 KAWRINI 5:20

Chavâta Krista lyuhchâpazy châ pi ta, Khazohpa ta keimo miah hmâpa ta a châ haw ei. Khazohpa nata a ryhpa ta y awpa ta, Krista vyuhpa ta eima châ haw.

EPHESI 4:21

A thâtih thei ei chi ta, Zisu liata biehmeiseihpa a ypa hawhta, ano liata pachupa nama châ.

RYHPACHANEINA 4:7

Eima padona maih miah a hnia tyhpa Abeipa eima Khazohpa hawhta a hnia tyhpa khazoh a hnei hrapa phopi rônahpa khei hawhpa ma a y?