EPHESI 2:16 - Mara Bible RV (BSI)

¹⁶ Kraws zawhzi ta panozy cha pôhpa miakha châpa ta, Khazohpa nata miah paryhsa ta, chatanachata akhakhaina cha a thie haw.

EPHESI 2:16 ပူးပေါင်းရင်းမြစ်များ

RAWMA 5:10

Khakhaipa eima châ nota hmahta, a Sawchapawpa thina vâta Khazohpa nata a ryhpa ta eima y khiahta cha, tahmâ eimâ ryh ha tawh chhochhi cha, a hrona vâta pachhapa ta eima y via pachai aw.

RAWMA 6:6

Moleina a phaohpa pôhpa he pahleipadiapa ta, moleina sei ta eima y khao lei nawpa ta, eima chyhsa parohpa cha a hnohta khaipâpa ta a y haw tahpa eima pahno.

RAWMA 8:3

Sapa chiehleina vâta ryhpa ta a tao thei leipa cha, Khazohpa ta a tao haw. Ano Sawchapawpa tlai cha, molei theipa sapa pôhpa paphaosapa ta, molei atheihna châta vaw tuah ta, sapa liata moleina a ypa cha thailei a pachâsa haw.

RAWMA 8:7

Sapa hmo pachâna cha, Khazohpa ryhpa ry liata a y leipa vâta, Khazohpa a dyuhpa a châ. Hmeiseihta ta, sapa hmo a pachâpa châta cha, Khazohpa ryhpa ry liata y hmeiseih thei awpa châ vei.

1 KAWRINI 10:17

Viahchhâ cha tlâ kha a châpa hawhta, cha viahchhâ tlâ kha tawhta a niepa keimo, chyhsa hluhpi chhao pi he, pôhpa miakha eima châ.

KALATIA 2:20

Krista hnohta khaipâpa ta ei y. Châhrasala ei hroh. A hrohpa deikua cha kei châ khao va na, Krista cha kei liata tlao a hroh. Tahmâ pôhpa ta ei hropa he, kyh na pachâ ta, ei châta anosasyh â hlâtuhpa Khazohpa Sawchapawpa ngiapâna liata a hrohpa ei châ.

EPHESI 2:15

ryhpa biepiepa nata bieraopazy pahlei ta, panozy cha ano liata chyhsa thiehpa pôhkha pachâsapa ta, aryhna a tao haw.

EPHESI 3:6

Bienyupa cha he he a châ: Thâtihpha vâta Zenitaizy cha, Krista Zisu liata Izarei sawzy nata ryuto lâhpazy châ ei ta, pôhpa miakha pachiahpa a châ khohpazy nata bietai a hlypazy ama châ.

EPHESI 4:4

Pôhpa miakha nata Thlahpa pakha dei y ta, cha hawhna chata, awpa nama châ nona kha, hnabeiseihna miakha hnei awpa ta awpa nama châ.

KAOLAOSÂ 2:14

Ku ta ropa ryhpazy cha miah dyuhtuhpa nata miah chakhiatuhpa châ ei ta, châhrasala zyh awpa ta eimâ bâh tlôhpazy ama châ. Krista deikua cha eimâ bâhpa zydua phie ta, kraws liata khaipâpa ta pahlei ta, eima moleina zydua miah ngiahthaituhpa a châ.

KAOLAOSÂ 3:15

Krista thlalôhna ta nama palôh liata ryureih mawh sy. Cha hawhta châ awpa ta pôhpa miakha liata awpa nama châ. Chavâta a ly teh u.