EPHESI 2:12 - Mara Bible RV (BSI)

¹² Kha nona kha, Krista a hlao leipa ta y ei chi ta, Izarei râh nata a maniahpa ta, bietai biehraizy liata khichhaipa châpa ta, hnabeiseihna hnei leipa nata Khazohpa hnei leipa ta khizaw liata nama y.

EPHESI 2:12 ပူးပေါင်းရင်းမြစ်များ

ÂTHAONA 15:18

Cha noh liata Abeipa ta, “Izi chavah tawhta chavah laipa Ufrâti taihta, he râh he na pathlazy hnohta ei pie ei.

2 THÂTIHZYRONA 15:3

Bohpi chhôh Izarei cha Khazoh hmeiseihpa hnei leipa ta y ta, pachutuhpa theihthaipa nata ryhpa zy hnei leipa ta a y.

EZRÂ 4:3

Châhrasala Zerubâbe nata Zesua nata Izarei pho pawhrâhpa hropazy ta ama hnohta, “Eima Kha­zohpa o sana liata namâ hlao hra nawpa kyh y vei. Persia bei Kôresâ ta bie miah a piepa hawhta, keimo tlai ta Abeipa, Izarei Khazohpa o cha eima sa aw,” tah ei ta.

PUASAINA 12:45

Chihropa nata hriahlaopazy ta ama nie awpa châ vei.

ISAI 14:1

Abeipa ta Zakaw ngiachhiepa ta, Izarei a tlyh heih aw ta, ama râh tlai liata a paysa heih aw ei. Chihropazy ta âmo cha a bai aw ei ta, Zakaw pathlazy cha amâ pazao aw.

ISAI 44:6

Abeipa, Izarei Beipa ta hetana heta tah ta, Izarei Chatlaituhpa Pheisaihzy Abeipa ta hetana heta a tah: “Kei he hmiatuachaipa nata hnôhchaipa cha ei châ, Keima leipa ta Khazoh hropa rai y veih ei.

ISAI 45:20

“A pahmaohpa ta a vy u la, Nâmo, phopi laibâhpazy saih u, Hmaohkha ta a vaw hnia teh u! Ama tho khazoh nothlahpa a phaoh laihpa phopizy ta Pahnona rai hnei leipa ei ta, A pachha thei leipa khazoh lâ thlah khâ ama chhâ tyh.

ISAI 61:5

Hmia pahno leipazy ta nama sahroh zawzy a duapâ aw ei ta, Ama lao ama pabâsa aw; Chihropazy ta nama leizy palie aw ei ta, Nama kre sadôzy ama mohôh aw.

ZEREMIAH 14:8

Hy Izarei hnabeiseihpa, Nôpo nota ano pachhatuhpa y, Khazia râh liana heta chihropa hawhta y aw chi ta, Zâ kha rie ta a chapiapa khichhaipa hawhta na y aw?

ZEREMIAH 17:13

Hy Abeipa, Izarei hnabeiseihpa y, Châ siesaipa zydua cha maophyuh aw ei ta, Châ tleisaipazy chhao, Abeipa, hrona tihnawh ama siesaipa vâta, Dohlei liata moh ropa hawhta ama leidia aw.

EZEKIA 13:9

Aluahna phichhyhpa a hmôpa nata haipa ta a pachaopadâhpa hrohsopazy chô liata ei ku ei hy aw. Ei phopi pakhypi liata a hlao leipa aw ei ta, Izarei pathlazy moh rona liata ropa châ hra leipa aw ei ta, Izarei râh a ngia aw veih ei. Chatanachata Abeipa Zehôvâh ei châ tahpa nama pahno aw.

EZEKIA 37:26

Ama hnohta adyhna biehrai tao aw na ta, cha cha âmo châta chhâzaw biehrai a châ aw. Ama râh liata pahrâsa aw ei na ta, ama maluh papôh aw na ta, ama hry liata chhâzaw ta ei supathaihpa ei padua aw.

EZEKIA 47:22

Râh cha Izarei sawzy ta nama ryuto râh ta a rai aw ei chi ta, nama hry liata chihropa a pahrâpa, nama hry liata saw a hnei hapazy chhao nama rai hra aw. Âmo cha Izarei saw ta a pihpa hawhta châ aw ei ta, Izarei chizy hry liata, nâmo hawhta ryuto râh ama hnei hra awpa a châ.

HÔSIA 3:4

He he Izarei sawzy ta noh hluhpi bei tlyma, beisaw tlyma hnei leipa ta ama y awpa nata atheihna tlyma, panana tôh tlyma, ephaw nata terâfi zy hnei leipa ta ama y awpa pamosana a châ aw.

MALUHREINA 18:19

Izarei sawzy ta chalopa hlâna ta Abeipa lâta ama hlâpa hmo pathaihpa zydua cha, nâ nata na sawchapawzy nata na sawchanôzy hnohta chhâzaw ta nama tovyuh châta ei cha pie ei. Cha cha nâ nata na hnohta a ypa na sawchapawzy nata na sawchanôzy châta, Abeipa hmiakô liata chhâzaw alôh biehrai a châ aw,” tah ta.

LUKA 1:72

Miah pathlatuhpazy hnohta Zawngiahna bietai palâsa ta, A biehrai pathaihpa â thei thlâh haw.

ZAWHÂNA 10:16

He mietaku sadô liata a y leipa mietaku hropazy ei hnei. Âmo chhao a vaw chhi aw ei na ta, ei ao ama thei hra aw. Chatanachata zaw kha ta y aw ei ta, vaituhpa pakha ama hnei aw.

ZAWHÂNA 15:5

Kei kre zôh châ na ta, nâmo a chiahzy nama châ. Ahy rai keima liata y thlâh ha ta, kei chhao ano liata ei y thlâh hana chyhsa cha thei hluhpi a pathei tyh. Keima leipa ta khâpa hmah tao thei veih ei chi.

ZAWHÂNA 4:22

Nâmo ta nama pahno leipa a chhy tyh ei chi ta, keimo deikua ta cha eima pahnopa eimâ chhy tyh. Pachhana cha Zuzy tawhta a vaw puapa a châ.

HMOTAOPAZY 2:39

Bietai cha nâmo châta châ ta, nama sawzy châta châ hra ta, lâhlapi ta a ypa zydua châta chhao châ ta, Abeipa eima Khazohpa ta a awpa zydua châta a châ,” tah ta.

HMOTAOPAZY 28:20

Cha kyh vâna chata, nâmo châ hmô awpa nata bie cha reikhei awpa ta ei châ hawpa ei a châ, Izarei hnabeiseihpa vâta, he bâlia he a kypa châ tlôh na ta,” tah ta.

HMOTAOPAZY 3:25

Nâmo he hrohsopazy saw châ ei chi ta, Khazohpa ta châ pathlatuhpazy hnohta biehrai tao ta, Abarahâ hnohta, ‘Na pathla tawhta khizaw liata phopi to byhnâ topa ta ama y aw,’ a vaw tahpa biehrai sawzy nama châ.

RAWMA 9:8

Cha yzie cha, sapa sawzy cha Khazohpa sawzy châ leipa ei ta, bietai sawzy cha Abarahâ pathla ta raopa tlao ama châ.

KALATIA 4:8

Khazohpa nama pahno vei nona kha, ama pizie rai chhao ta khazoh a châ leipazy sei ta y ei chi ta.

EPHESI 2:19

Chavâta tahmâ la khichhaipa nata khitlyhpa dei châ khao veih ei chi. Mopathaihpazy nata hmaohkha ta khinarâh sawzy châ ha ei chi ta, Khazohpa chhôhkhazy tlao nama châ haw.

EPHESI 4:18

Ama palôh kuhchhapa vâta pahno leina âmo liata y ta, cha chata ama pahnona pazohsa ta, Khazohpa hrona tawhta pachhaihpa ta ama y.

KAOLAOSÂ 1:21

Nâmo chhao eikhano cha, moleinazy taopa ta, Khazohpa nata a maniah ei chi ta, nama palôh ta ano khakhaipazy nama châ.

KAOLAOSÂ 1:27

Cha bienyupa rônahpa hneirônazie cha Zenitaizy hry liata pahnosa awpa ta, Khazohpa ta mopathaihpazy a tlyh ta, cha bienyupa cha nâmo liata a ypa Krista cha châ ta, rônahna hnabeiseihpa cha a châ.

KAOLAOSÂ 1:5

vârâh liata nama châta hnabeiseihna sopa a châpa vâta, nâmo vâta Khazohpa lâta alyna bie khâ eima reih tyh. Cha hnabeiseihna cha thâtihpha biehmeiseihpa tawhta nama theipa kha a châ.

1 THYSALAWNIKA 4:13

Unawh saih u, hnabeiseihna rai a hnei leipa mohropazy hawhta nama pachâ a rôh lei nawpa ta, a môpazy thâtih nama pahno lei awpa khoh ma pi.

1 THYSALAWNIKA 4:5

Khazohpa a pahno leipa Zenitaizy hawhta parâna liata a hmâh khuh vy.

2 THYSALAWNIKA 2:16

Eima Beipa Zisu Krista nata Khazohpa eima Paw, kyh miah pachâ ta, ngiachhiena vâta chhâzaw thlalôhna nata hnabeiseihna phapa miah pietuhpa ta

1 TIMAWTHY 1:1

Kei, Pawla, Khazohpa miah Pachhatuhpa nata Krista Zisu eima hnabeiseihna biepiepa hawhta Krista Zisu lyuhchâpa ta

HEBRAI 11:34

Mei hmotaotheina pachhai ei ta, zaozi tiahpa khôkhâh ei ta, chiehleina tawhta thatlôpa ta taopa ama châ. Adyuhna liata pasaipha châ ei ta, chihropa pheisaihzy a chadai ei ta amâ râpai.

HEBRAI 6:18

Chatanachata hmo anano beih leipa miano vâta, haipa bie rei awpa cha Khazohpa châta hmo thei leipa châ ta, a boh awpa ta ano lâ a râpazy pi heta eima hmiakô liata hnabeiseihna sopa cha thlalôhpa ta eima hnei thei aw.

HEBRAI 8:6

Tahmâ deikua, Krista cha biehrai pha viapa lyuhchâpa a châpa hawhta, chakaona rai pha via syulyupa to ha ta, cha biehrai cha bietai pha viapazy chô liata taopa a châ.

1 PITY 1:21

Khazohpa ta Krista cha athihpa hry tawhta pathyupa ta rônahna patosa ta, Krista zawhzi ta Khazohpa ngiapâtuhpazy nama vaw châ haw. Chatanachata namâ ngiapâna nata hnabeiseihna cha Khazohpa liata a y thlâh ha aw.

1 PITY 1:3

Eima Beipa Zisu Krista Khazohpa nata Paw cha reithaipa ta y mawh sy! Ano cha zawngiahna rônah ngaitapa a hneipa a châpa hawhta, athihpa hry tawhta Zisu Krista thyuheihna zawhzi ta hnabeiseihna hrohpa hnei awpa ta miah papihpathisa ta,

1 PITY 3:15

Nama palôh liata deikua cha, Krista cha Abeipa ta hnei u la, hnabeiseihna nama hneina chhâpa châ hiahripa maih a chhy awpa ta khatino rai ta a mâ chiehpa ta y teh u. Cha hawhta nama tao tita deikua, nônaina, zana nata

1 ZAWHÂNA 3:3

Ahy rai ano liata hnabeiseihna a hneipa maih cha, ano a pathaihpa hawhta, anosasyh ta â pathaisa tyh.