EPHESI 1:9 - Mara Bible RV (BSI)

⁹ A hmochhuahpa bienyupa cha, â chhuahpa hawh tlai ta Krista liata a vaw patlôsapa kyh miah a pahnosa haw.

EPHESI 1:9 ပူးပေါင်းရင်းမြစ်များ

HLAZY 33:11

Abeipa ryhraona deikua cha chhâzaw ta a duah ta, A palôh achhuahnazy chhao chhâ zydua ta â duah aw.

ZEREMIAH 2:29

Khazia einâ dyuh ei chi tly? Nama zydua ta ei chô liata hmo nama parao haw,” Abeipa ta a tah.

MATHAI 13:11

Zisu ta âmo cha a chhy ta, ama hnohta, “Nâmo cha vârâh khinarâh bieparuzy pahno awpa ta piepa châ ei chi ta, âmo deikua cha piepa châ veih ei.

LUKA 12:32

“Sahlao chyhpa saih u, chi khuh vy. Khinarâh a cha pie awpa ei cha nama Paw alynazie a châ.

LUKA 2:14

“Khazoh Chônôchaipa hnohta rônahna y sala, Lei chô liata â lypa chyhsazy hnohta thlalôhna y mawh sy!” tah ei ta.

HMOTAOPAZY 13:48

Cha biezy cha Zenitaizy ta ama thei nahta, a ly ngaita ei ta, Khazohpa bie cha parônahsa ei ta; chhâzaw hrona hnei awpa ta raopa hluhpizy cha a ngiapâ ha ei ta.

HMOTAOPAZY 2:23

Kha Zisu kha Khazohpa pachhuahpanohpa nata pahno chhieliepa hawhta, nâmo ta patusa ei chi ta, moleipazy ku ta khaipâ ei chi ta, nama thie hapa a châ.

HMOTAOPAZY 4:28

Na ku nata nâ chhuahna ta hmo a vaw tlô awpa na rao chhieliepazy tao awpa ta amâ hmaohpakhypa a châ.

RAWMA 11:25

Unawh saih u, he bienyupa he nama pahno lei awpa khoh va na. Chataleipatala namâ palai pathlei aw na. Zenitaizy pakina a vaw tlô hlâta, Izarei chô liata kuhchhana a rakhapa ta a vaw tlô chypa a châ.

RAWMA 8:28

Khazohpa kyh a pachâtuhpa, ano achhuahna hawhta a awpazy châta, Khazohpa ta ato liata ama pha nawpa ta a hriapa tyh ei tahpa eima pahno.

1 KAWRINI 1:21

Khazohpa sona liata cha, khizaw ta sona hmâpa ta Khazohpa a pahno thei vei tawhta cha, biechhona hrupa hmâpa ta a ngiapâpazy pachhapa cha Khazohpa ta pha a tah ngaita.

KALATIA 1:12

Chyhsa tawhta ei daopa thâtihpha châ leipa ta, eina pachupa ei thâtihpha châ hra vei, Zisu Krista aluahna ta ei daopa thâtihpha a châ.

KALATIA 1:15

Châhrasala Khazohpa ta ei nô chhi liata ei y no tawhta na vaw panano ha ta, a ngiachhiena vâta eina aw haw.

KALATIA 1:16

Zenitaizy hry liata a thâtihpha ei chho thei nawpa ta, Khazohpa ta a Sawchapawpa cha palôhtlâh ngaitapa ta kei liata a vaw paluahsa. Kha nona kha ahy hmah a saohiah veih ei na.

EPHESI 1:11

Keimo cha Khazohpa ryhraopa hawhta rao chhieliepazy châ pi ta, Krista liata Khazohpa ryutozy eima châ. Ano ta a khozie hawhta ryhrao ta, hmo to a tao.

EPHESI 1:8

Cha ngiachhiena vâna chata sona nata novâhna to ta miah a vaohei.

EPHESI 3:11

Cha cha Khazohpa chhâzaw hmochhuahpa châ ta, eima Beipa Krista Zisu liata a vaw patlôsa.

1 TIMAWTHY 3:16

Khazohpa pahnona bienyupa cha a rônah ngaita, reipasipasua awpa y vei: Sapa ta a vaw luah ta, Thlahpa ta thai pachâsa ta, Vâlyuhchâpazy ta ama hmô. Phopizy hry liata phuahpa châ ta, Khizaw ta a ngiapâ ta, Rônahpa ta chô lâ a chhipa a châ.

2 TIMAWTHY 1:9

Ano cha eima hmotaopazy vâta châ leipa ta, a hmochhuahpa nata a ngiachhiena vâta miah pachha ta, awna pathaihpa ta miah awtuhpa a châ. Cha ngiachhiena cha khizaw y hlâta Krista Zisu liata miah a pie haw.