EPHESI 1:21 - Mara Bible RV (BSI)

²¹ Cha hmotaotheina cha, abeina zydua, biehneina zydua, hmotaotheina zydua nata ryureina zydua chô lâta y ta, he khizaw lia dei châ leipa ta, khizaw vaw y awpa liata chhao, moh bipa to chô lâta a y aw.

EPHESI 1:21 ပူးပေါင်းရင်းမြစ်များ

DÂNIAH 7:27

Chatawhcha khinarâh nata ryureina cha, Chônôchaipa phopi mopathaihpazy hnohta piepa châ aw ta; Avâ ry zydua liata khinarâhzy rônahna chhao, Ama hnohta piepa a châ aw. A khinarâh cha tlyzaw khinarâh a châ aw; Ryureituhpa zydua ta ano cha chakao aw ei ta, A rei amâ ngiah aw.’”

MATHAI 12:32

Chyhsa Sawchapawpa a reipachhiepa cha a ngiahthaipa châ aw ta, Thlahpa Pathaihpa a reipachhiepa deikua cha, he chhâ nata chhâ vaw y awpa liata chhao, a ngiahthaipa châ aw vei.

HMOTAOPAZY 4:12

Ahy liata hmah pachhana y vei. Avâ ry liata chyhsa moh bipa hry liata miah pachha thei awpa mohropa rai y veih ei,” tah ta.

EPHESI 2:2

He khizaw ryhpa hawhta y ei chi ta, avâ ruapa liata ryureituhpa bei, reingiah leipazy chô liata tahmâ chhao a hria haipa thlahpa cha pazipa ta, paraona nata moleinazy liata nama vaw tlaih tyh.

EPHESI 3:10

Chatanachata Khazohpa sona hnei hluhzie cha, avâ suzy liata ryureihtuhpazy nata biehneituhpazy hnohta, Awnanopa hmâpa ta pahnosapa ta a y thei aw.

EPHESI 6:12

Eimâ piapazy he sapa nata thisaih châ leipa ei ta, abeinazy, biehneinazy, he khizaw zohna chô liata hmotaotheinazy nata avâ suzy liata a ypa thlahpa moleipazy tlao ama châ.

KAOLAOSÂ 2:10

Ryureina nata biehneina zydua luhpa Krista liana chata nâmo chhao pakipa ta nama y.

KAOLAOSÂ 2:15

Krista ta ryureituhpazy nata biehneituhpazy cha ama châna pahluh ta, kraws liata âmo cha pahniepa ta, â lâhâhpa ta maophyuhpa ta a tao ha ei.

HEBRAI 1:4

Vâlyuhchâpazy moh hlâta Sawchapawpa ryuto moh â sâh viapa hawhta, Sawchapawpa cha vâlyuhchâpazy hlâta a sâh via syulyupa a châ.

HEBRAI 2:5

Khizaw vaw y awpa thâtih eima reipa he vâlyuhchâpazy biehneina liata soh vei.

HEBRAI 4:14

Chatanachata avâzy a siepahliepa theihthai beichaipa rônahpa, Khazohpa Sawchapawpa Zisu eima hneipa vâta, eimâ ngiapâna palâhâhna cha khâchâ patu ei suh u.

1 PITY 3:22

Zisu Krista cha vârâh lâ kiah ta, Khazohpa chachâh lâta y ta, vâlyuhchâpazy, biehneinazy nata hmotaotheinazy cha ano rei sai ta y awpa ta taopa ama châ.