EPHESI 1:19 - Mara Bible RV (BSI)

¹⁹ Chatanachata a thatlôna rônahpa raihriazie hawhta, keimo ngiapâtuhpazy chô liata a hmotaotheina rônah ngaitapa cha, khâpa ma a châ tahpa nama pahno thei aw.

EPHESI 1:19 ပူးပေါင်းရင်းမြစ်များ

ISAI 53:1

Ahy ma keimo tawhta bie a theipa a ngiapâ ta, Ahy hnohta ma Abeipa bâh phualuahpa a châ tly?

ZAWHÂNA 3:6

Sapa ta a pihpa cha sapa châ ta, Thlahpa ta a pihpa cha thlahpa a châ.

HMOTAOPAZY 26:18

Ama mozy pavâsapa ta, zohna tawhta khaihna lâ paheisa awpa nata Sâtâ hmotaotheina tawhta Khazohpa hmotaotheina lâ paheisa awpa ta ei cha tuah aw. Chatanachata molei ngiahthaina hmô aw ei ta, einâ ngiapâpa vâ ei ta, pathaisapazy hry liata tovyuh ama hnei hra aw,’ tahpa ta eina chho.

RAWMA 1:16

Thâtihpha cha zakhei tlôh lei khâh na ta. Ahy rai a ngiapâpa maih châta pachha châ nawpa ta Khazohpa hmotaotheina châ tlôh ta, a hmiatua ta Zu chyhsa châta châ ta, Krikâh mo châta chhao a châ.

2 KAWRINI 4:7

Châhrasala hmotaotheina rônah ngaitapa he, keimo tawhta a puapa châ leipa ta, Khazohpa eih a châpa eima palâsa thei nawpa ta, cha ryu cha alei beihzy liata eimâ vao.

2 KAWRINI 5:17

Chavâta ahy rai Krista liata a ypa cha hmotao thiehpa a châ. Hmo parohpazy lei ha ta, moh teh u, athiehpa a vaw châ haw.

EPHESI 2:10

Hmo pha tao awpa ta, Khazohpa ta Krista Zisu liata miah a tao. Cha hmo pha tao awpa cha, eima chânazie awpa ta Khazohpa ta â vaw chhuanoh chhieliepa a châ.

EPHESI 3:20

Tahmâ keimo liata a hria tyhpa hmotaotheina lymâ hawhta, eima hiapa nata pachâpa zydua hlâta tha via syulyu ta a tao theituhpa Khazohpa hnohta,

EPHESI 3:7

Khazohpa ngiachhiena hmosaipiepa vâta, cha thâtihpha chakaotuhpa ta taopa châ na ta, cha chakaona rai cha a hmotaotheina hmâpa ta ei hnohta eina pie.

EPHESI 6:10

A chhâ chaina ta cha, Abeipa nata a thatlôna liata thatlôpa ta y teh u.

PHILIPI 2:13

Ano alynazie tlaichhai ta, a khopa tao awpa ta, nâmo liata hriatuhpa cha Khazohpa a châ.

PHILIPI 3:21

Ato ano rei sai ta a paysa theipa Krista ta eima pôhpa nawh ngaitapazy he ano pôhpa rônahpa hawhta y awpa ta, a hmotaotheina hmâpa ta a taopathi aw.

KAOLAOSÂ 1:29

Cha châna chata hriapasa na ta, kei liata thatlô ngaitapa ta a hriatuhpa thatlôna zydua hmâpa ta ei tei lymâ.

KAOLAOSÂ 2:12

Bâtina liata a hnohta pabupa châ ei chi ta, athihpa hry tawhta ano a pathyutuhpa Khazohpa raihria hmotaotheina namâ ngiapâpa vâta, nâmo chhao a hnohta pathyupa nama châ.

1 THYSALAWNIKA 1:5

Thâtihpha nama hnohta eima vaw tlôkheipa kha, bie dei ta vaw tlôkhei leipa pi ta, hmotaotheina nata Thlahpa Pathaihpa nata ngiapâna a i ngaitapa chhaota eima vaw tlôkheipa a châ. Nama hry liata eima y nona kha, nâmo vâta kheihta ma eima y tahpa nama pahno.

2 THYSALAWNIKA 1:11

Khazohpa ta a awpa nama châna a phuhpa ta nama y thei nawpa nata hmopha tao namâ chhuahpazy nata ngiapâna ta hmo nama taopazy cha, a hmotaotheina ta hlao a cha patlohsa thei nawpa ei ta, thlah khâ eima cha chhâpa tyh.

ZÂMIE 1:18

A hmotaopazy hry liata hmia a sahpa eima châ thei nawpa ta, ano khozie hawhta biehmeiseihpa liata a sapa eima châ.

1 PITY 4:11

Ahy rai bie a reihpa maih Khazohpa bie hawhta reih sala, a chakaopa maih Khazohpa ta thatlôna a piepa lymâ hawhta chakao mawh sy. Chatanachata Zisu Krista vâta Khazohpa cha kyh to liata palyupalihpa ta a y thei aw. Rônahna nata hmotaotheina cha chhâzaw nata tlyzaw ta ano eih châ tlôh ta. Amen.