EPHESI 1:1 - Mara Bible RV (BSI)

¹ Pawla, Khazohpa khozie hawhta Krista Zisu lyuhchâpa ta Ephesi khih liata mopathaihpazy nata Krista Zisu liata ngâchhihpazy ei châ naoh ei.

EPHESI 1:1 ပူးပေါင်းရင်းမြစ်များ

MALUHREINA 12:7

Nâ chakaotuhpa Mawsi deikua cha, cha hawhta châ vei. Ano cha ei o liata ngâchhihpa a châ.

LUKA 16:10

“A chyhta chô liata ngâchhihpa cha, a hluhpi chô liata chhao ngâ â chhih tyh. A chyhta chô liata ngâchhih leipa cha, a hluhpi chô liata ngâchhih hra aw vei.

HMOTAOPAZY 16:15

Ano nata a chhôhkhazy bâti ama châ khai nahta, eima hnohta, “Abeipa châta ngâchhihpa ta eina rao khiah ei chi ta la, ei o lâ a vy u la, vaw tlô teh u,” tahpa ta miah a haw ta. Chatanachata miah thlyu ha ta.

HMOTAOPAZY 18:19

Ephesi khih tlô ei ta, cha liata âmo cha siesai ta. Pawla deikua cha pakhyna o liata a ngia ta, Zuzy cha Biehrai a laichadaikhei ta.

HMOTAOPAZY 18:21

“Khazohpa ta a pasaih khiahta cha, nâmo lâ ei vy heih aw,” tahpa ta reih phapa ta âmo cha siesai ta, Ephesi tawhta balyh ta sie ha ta.

HMOTAOPAZY 9:13

Anania ta a chhy ta, “Abeipa, cha chyhsa kyh cha chyhsa hluhpi tawhta ei thei mâh tâh. Zerusale liata na mopathaihpazy chô liata hmo chhiepa thata a taopa kha a châ.

RAWMA 1:1

Pawla, Zisu Krista chakaotuhpa, lyuhchâpa châ awpa ta awpa nata Khazohpa thâtihpha châta pananopa ta, he châpaphaopa he a roh.

RAWMA 1:7

Rawma khihpi liata Khazohpa kyhpachâpazy nata a mopathaihpazy châ awpa ta a awpa zydua ei châ naoh ei. Khazohpa eima Paw nata Abeipa Zisu Krista tawhta ngiachhiena nata thlalôhna nama hnohta y mawh sy.

RAWMA 8:1

Chavâta tahmâ la Krista Zisu liata a ypa, sapa ta hroh leipa ta, Thlahpa ta a hrohpazy châta cha thailei pachâsana rai y khao vei.

1 KAWRINI 4:12

Keimo ku ta hria pi ta, eima hriapasa ngaita. Pasipasawhpa ta eima y nahta, byhnâ awpa pi ta; taolapa ta eima y nahta, eima tao hualua tyh.

1 KAWRINI 4:17

Cha vâna chata Abeipa liata ei saw kho ngaitapa nata ngâchhihpa Timothy nâmo lâ ei vaw tuah. Ano ta Krista liata ei yzie nata su to nata Awnanopa to liata ei pachu tyhzie zy a cha chho aw ei.

2 KAWRINI 1:1

Pawla, Khazohpa khozie ta Krista Zisu lyuhchâpa nata eima unawhpa Timawthy ta Kawrini khih liata Khazohpa Awnanopa nata Akai râh liata mopathaihpazy eima châ naoh.

KALATIA 1:1

Kei, lyuhchâpa Pawla, chyhsa tuapa châ leipa ta, chyhsa zawhzi ta châ hra leipa ta, Zisu Krista nata thina tawhta Zisu a pathyutuhpa Paw Khazohpa zawhzi ta lyuhchâpa rai a hriapa nata

KALATIA 3:26

Ngiapâna vâta, nama zydua ta Krista Zisu liata Khazohpa sawzy nama châ.

KALATIA 3:28

Krista liata cha, Zu tlyma, Krikâh tlyma y leipa ta; sei tlyma, khotalaipa tlyma y hra leipa ta; chapaw tlyma, chanô tlyma y hra vei. Krista Zisu liata cha, nama zydua ta miakha nama châ.

KALATIA 3:9

Chavâta ngiapâna liata a ypazy cha, ngiapâpa chyhsa Abarahâ hnohta byhnâ patosapa ama châ.

EPHESI 1:15

Cha vâna chata, Abeipa Zisu liata namâ ngiapâna nata mopathaihpa zydua chô liata nama kyhpachâna zy ei vaw thei nahta,

EPHESI 2:10

Hmo pha tao awpa ta, Khazohpa ta Krista Zisu liata miah a tao. Cha hmo pha tao awpa cha, eima chânazie awpa ta Khazohpa ta â vaw chhuanoh chhieliepa a châ.

EPHESI 2:13

Tahmâ Krista Zisu liata deikua cha, nâmo, eikhano ta lâhlapi ta a y tyhpazy kha, Krista thisaih ta pahniasapa ta nama y haw.

EPHESI 2:6

Krista Zisu hnohta miah pathyu ta, avâ suzy liata ano hnohta miah a patyusa haw.

EPHESI 6:21

Unawh kyhpachâpa nata Abeipa chakaotuhpa ngâchhihpa Tykiku ta hmo to cha chho aw ei ta, kheihta y na ta, khâpa ma ei tao hai tahpazy nama vaw pahno aw.

KAOLAOSÂ 1:2

Kaolaosâ khih liata Krista liata mopathaihpazy nata unawh ngâchhihpazy eima châ naoh. Khazohpa eima Paw tawhta ngiachhiena nata thlalôhna nama hnohta y mawh sy.

BIEPHUAH 17:14

Mietakutaw a dyuh aw ei ta, châhrasala Mietakutaw ta âmo cha a pahnie aw. Mietakutaw cha hyutuhzy Hyutuhpa nata beizy Beipa châ ta, a hnohta a ypazy cha, awpazy, atlyhpazy nata ngâchhihpazy ama châ,” tah ta.

BIEPHUAH 2:10

Pasa na tao awpazy chi khah y. Pachâ tua, ahripa ta nama hry liata chyhsa thokha patâhna o liata a cha khô aw ei. Pasiapa ta y aw ei chi ta, noh hrawh chhôh rietheipasa nama tao aw. Thina taihta ngâchhihpa ta y mah y, hrona lakho ei cha pie aw.

BIEPHUAH 2:13

“‘Na pahrâna, Sâtâ beidyuchhai yna ei pahno. Châhrasala ei moh khâchâ patu chi ta, ei bie pahnotuhpa ei chyhsa ngâchhihpa Antipâ kha, Sâtâ pahrâna liata nama hry liata ama thie nona khata, einâ ngiapâna chi a paphasai va chi.