DÂNIAH 9:7 - Mara Bible RV (BSI)

⁷ Hy Abeipa, siana cha nâma eih châ ta, keimo tovyuh deikua cha nozana deita a châ, tanoh ta hmo a ypa hawhna tlai heta. Zudâh chyhsazy, Zerusale liata a pahrâpazy, Izarei zydua nata sei ta nâ chhina râh zydua liata lâhnia nata lâhla liata a ypazy ta haiphiahpa ta na chô liata hmo ama taopa vâta, tanoh nozapa ta eima y ha hih.

DÂNIAH 9:7 ပူးပေါင်းရင်းမြစ်များ

EZRÂ 9:13

Eima chô liata hmo tlôpazy he moleina hmo eima taopazy nata eima thaileichâna lai ngaitapazy vâta a châ. Chatanachôta Hy eima Khazohpa y, eima moleina nata â phuhpa hlâta a nai viapa ta miah hrie chi ta, he hawhta laibâhpazy miah na pahlôh.

EZRÂ 9:15

Hy Abeipa, Izarei Khazohpa y, nâ cha adopa châ chi ta, tanoh ta hmo a ypa hawhna heta, keimo cha laibâhpa a râpazy eima châ. Moh tua, eima thaileichâna chhaota na hmiakô liata eima y hih. Eima thaileichâna vâta, na hmiakô liata a duah thei awpa pakha hmah y ma pi,” tah na ta.

NEHEMIAH 9:33

Eima chô liata hmo a tlôpa zydua liana heta, nâ cha asiapa na châ. Ngâchhihpa ta hmo tao chi ta, keimo deikua molei ngaitapa ta hmo eima tao tyh.

HLAZY 119:137

Hy Abeipa, nâ cha asiapa châ chi ta, Na ryhpazy chhao â do.

HLAZY 44:15

Ei nohzaona cha noh y ta ei hmiakô liata y ta, Nozana ta ei hmia a khu khai haw.

HLAZY 51:14

Hy Khazohpa, ei pachhana Kha­zohpa y, Thisaih maoh tawhta na pachha mah y; Chatanachata ei paleih ta a paropa ta na siana hla a sa aw.

HLAZY 51:4

Na chô liata, nâma chô lia tlai ta vaw molei na ta, Na mohmô liata hmo pha leipa ei vaw tao haw; Na biezy liata thaichâ chi ta, Na pachiana liata seina y vei.

ISAI 11:11

Cha noh liata, Abeipa ta a ei nona ta a ku pazawh heih aw ta, a phopi laibâhpazy cha Asuria, Izi, Pâtharô, Kusi, Elâmi, Sinâ nata Hâmathi râhzy tawhta nata tilaipi kiah râhzy tawhta â vaw chhipakhy heih aw ei.

ISAI 45:16

Khazoh nothlâhpa a chhytuhpa zydua cha, Nozapa nata nohzaopa ta y aw ei ta; Khazoh nothlahpa a taotuhpazy chhao, Tymâpa ta ama y aw.

ZEREMIAH 12:1

Hy Abeipa, ei cha paphôh thlupa chhao ta, Nâ la a do pyly chi ta, Chatahrasala ei cha nôuna bie ei cha vaw tlôkhei aw. Kheihtazieta ma hmoparaopazy lâpi patlâ ta, Haiphiahpazy ama hlao a tloh thlâh ha tly?

ZEREMIAH 23:6

“Zudâh cha ano ryureina daihtizy liata pachhapa châ aw ta, Izarei chhao â bohpa ta a y aw. A moh cha Zehôvâh Sede a châ aw.

ZEREMIAH 24:9

Khizaw khinarâh zydua ta ama moka awpa ta tao aw ei na ta, âmo ei tona su to liata ama reipachhiepa, chhiena lâta pakhopâna ta ama hmâpa, ama pasipasawhpa nata chhie ama sa thlupa ta ei tao aw ei.

ZEREMIAH 3:25

Eima thyutlia daihti tawhta tanoh taihta, keimo nata miah pathlatuhpazy ta Abeipa eima Khazohpa chô liata molei ha pi ta, Abeipa eima Khazohpa bie eima zyh leipa vâta, nozapa ta a zia sih la, eima nohzaona ta miah khu mawh sy.”

ZEREMIAH 32:32

Izarei pathlazy nata Zudâh pathlazy ta ei chô liata hmo pha leipa tao ei ta, ama beizy, ama beimachâzy, ama theihthaipazy, ama hrohsopazy, Zudâh râhsawzy nata Zerusale khihsawzy ta ei chô liata hmo pha leipazy taopa ta ei hie eina pahâhna zydua vâ ei ta, cha hmo cha ama chô liata ei patlôsa aw.

ZEREMIAH 33:16

Cha nohzy liata, Zudâh cha pachhapa châ aw ta, Zerusale chhao â bohpa ta a y aw. A moh cha ‘Zehôvâh Sidkenu,’ a châ aw.

ZEREMIAH 4:17

Kei einâ dyuhpa vâta, Lyu vaituhpazy hawhta a chheipâh zydua ama chadô khai,” Abeipa ta a tah.

ZEREMIAH 7:19

Keima hie pahâhpa hawhta ma ama pachâ? Âmosasyh ta ama no amâ pazapa tlao châ vei ma? Abeipa ta a tah.

EZEKIA 16:63

Na hmotaopa zydua vâta chatlaina ei cha taopa tita, na moleinazy a thei heihpa ta nozaohpa ta y aw chi ta, na nozapa vâta na pakah â khao aw va chi,” Abeipa Zehôvâh ta a tah.

EZEKIA 36:31

Nama hrozie moleipazy nata nama hmotao pha leipazy a kaw thei aw ei chi ta, nama paraona nata pasichhihnazy vâta nâmosasyh ta namâ pasi kaw aw.

EZEKIA 5:10

“Chavâta pawzy ta ama sawzy khihpi chhôh liata nie aw ei ta, sawzy ta ama pawzy ama nie aw. Cha hrie aw na ta, na chyhsa laibâhpa zydua cha ziza liata ei hiepatla khai aw ei.

EZEKIA 6:12

Lâhlapi ta a ypa cha potlana ta thi aw ta, lâhnia liata a ypa zaozi ta paopa ta, ahrohpa ta pahlôhpa cha chakâhna ta a thi aw. Cha hawhta taopa ta, ama chô liata ei hiehâhna cha ei padia aw.

DÂNIAH 9:14

Chavâta Abeipa ta chhiena cha a mâ chiehpa ta soh thlâh ha ta, eima chô liata a vaw patlôsa hapa a châ. Abeipa eima Khazohpa cha asiapa châ ta, a hmotaopa zydua liata chhao sia ta, chatana chôta a bie zyh ma pi.

DÂNIAH 9:18

Hy ei Khazohpa, na nah pachôh la, nathlie tua; na mo padeih la, keimo nata na moh a phaohpa na khihpi roryhra hapa he moh tua. Eima hiapazy he eima siana vâta na hmiakô liata a vaw tlôkheipa châ leipa pi ta, na zawngiahna rônah ngaitapa vâta tlao a châ.

DÂNIAH 9:8

Hy Abeipa, na chô liata eima molei hapa vâta, keimo nata eima beizy, eima hyutuhpazy nata miah pathlatuhzy tovyuh cha nozana dei a châ bâ he zaw!

AMÔSÂ 9:9

“Pachâ teh u, bie pie aw na ta, Sohhri ta sâh ripa hawhta, Izarei phopi he phopi zydua hry liata ei ri aw; Alô dikaripa chhao, Alei liata tla aw vei.

RAWMA 6:21

Tahmâ ta nama zakhei kawpa hmo nama vaw tao tyhpazy tawhna khata, khâpa theilâpa ma nama hmô? Kha hmozy chhâna cha thina a châ.

RYHPACHANEINA 32:4

“Lôpanô cha a hmotaopazy siapaki ta, A lâpi zydua â do. Ano cha Khazohpa ngâchhihpa châ ta, Paraona hnei leipa ta, Asiapa nata adopa a châ.

RYHPACHANEINA 4:27

Abeipa ta phopizy hry liata cha papai aw ei ta, Abeipa ta a cha papaina phopizy hry liata a chyhta dei pahlôhpa nama châ aw.