DÂNIAH 9:6 - Mara Bible RV (BSI)

⁶ Eima beizy, eima hyutuhpazy, miah pathlatuhzy nata râh liata chyhsa zydua hnohta na moh ta bie a reihpa, châ chakaotuhpa hrohsopazy bie nathlie hra ma pi.

DÂNIAH 9:6 ပူးပေါင်းရင်းမြစ်များ

2 ABEIZY 18:12

Cha hawhta ama yna chhâpa cha, Izarei sawzy ta Abeipa ama Khazohpa bie zyh khoh leipa ei ta, a biehrai nata Abeipa chakaotuhpa Mawsi biepiepazy nathlie khoh leipa ei ta, ama zyh khoh leipa vâta a châ.

2 THÂTIHZYRONA 33:10

Abeipa ta Manase nata a chyhsazy hnohta bie reih ta, châhrasala nathlie leipa ei ta.

EZRÂ 9:7

Miah pathlatuhpazy daihti tawhta tanoh taihta thata thailei a châpa eima châ. Eima paraonazy vâta, keimo nata eima beizy nata eima theihthaipazy cha, râh hropa beizy ku liata nata zaozi ta thie awpa ta hlâpa châ pi ta, seichâna lâta a chhi awpa nata hrao awpa ta hlâpa eima châ. Tanoh taihta noza hmiachhiepa ta eima y.

NEHEMIAH 9:30

Âmo cha kô hluhpi chhyh thai chi ta, na hrohsopazy hmâpa ta, na Thlahpa ta zikyu nâ râ tyh ei. Chatanachôta thei lei nahpâ amâ pachâ tyh. Chavâta cha râhzy liata phopizy ku liata na pie ha ei.

NEHEMIAH 9:32

“Chavâta eima Khazohpa, Khazohpa rônahpa nata thatlôpa nata chichhihpa, a biehrai patlôpa ta ngâchhihna a palâsa tyhpa Khazohpa y, keimo nata eima beizy, eima beimachâzy, eima theihthaipazy, eima hrohsopazy, miah pathlatuhpazy nata na phopi pôhpalôhpa chô liata, Asuria beizy daihti tawhta tanoh taihta rietheina vaw tlôpa zydua he, hmo chyhpa ta rie pachâ khah y.

NEHEMIAH 9:34

Eima beizy, eima beimachâzy, eima theihthaipazy nata miah pathlatuhpazy ta na ryhpa zyh leipa ei ta, na biepiepazy nata zikyurâna bie na piepazy thei khoh veih ei.

ZEREMIAH 26:5

ama bie nathlie awpa ta nâmo lâta ei vaw tua chanei ngâ thlâh hapa nâ chakaotuhpa hrohsopazy bie nama nathlie leipa khiahta cha,

ZEREMIAH 29:19

Ei biezy ama nathlie leipa vâta, cha cha ama chô liata ei tao aw,’” Abeipa ta a tah. “Nâ chakaotuhpa hrohsopazy nâmo lâ vaw tuah chanei ngâ thlâh ha ei na ta, châhrasala ama bie nathlie veih ei chi,” Abeipa ta a tah.

ZEREMIAH 44:16

“Eima hnohta Abeipa moh ta bie na reipazy kha, cha nathlie aw ma pi.

ZEREMIAH 7:13

Tahmâ, he hmo zydua he tao ei chi ta, bie khâ ei châ chhopa chhao ei ta nathlie khoh leipa ei chi ta, ei cha awpa chhao ei ta einâ chhy khoh leipa vâ ei chi ta,

ZEREMIAH 7:24

Châhrasala zyh khoh leipa ei ta, nah pachôh khoh hra veih ei. Âmo ryhraona nata ama palôh molei kuhchhana liata sie ei ta, hmia tôh leipa ta hnôh tlao amâ sy.

DÂNIAH 9:10

a ryhpa eimâ chhih thei nawpa ta, ano a chakaotuhpa hrohsopazy hmâpa ta a bie reipa Abeipa eima Khazohpa ao nathlie vei hra sih la.

DÂNIAH 9:9

Zawngiahna nata ngiahthaina cha Abeipa eima Khazohpa eih mâh a châ tâh; ano cha a chariah ha hra sih la,

MATHAI 23:37

“Hy Zerusale, Zerusale, hrohsopazy thie chi ta, nâ lâta tuapazy alô ta a vawhsaotuhpa khihpi! Awhpanô ta a tachhihzy a mathlaw ry liata a pahmaohpa hawhta, na sawzy pahmaoh a chhuah tyh na ta, châhrasala khoh va chi!

HMOTAOPAZY 13:27

Zerusale liata a ypazy nata ama ryureituhpazy ta ano cha pahno leipa ei ta, Pahânoh maihta rei tyhpa hrohsopazy bie chhao ama pahno leipa vâta, ano cha thailei pachâsapa ta, hrohsopazy bie ama patlôsapa a châ.